Meeqqanut Ilaqutariinnut Ingerlatsivimmi ineriartortitsinermi pisortaq / Udviklingschef til Børn og Familie Forvaltning

Kommuneqarfik Sermersooq

Nuuk

Ikkunneqarpoq: 06-02-2025

Piffissaq atuuffissaa naassaaq: 27-02-2025

Suliffissamut ID normut: 331601869

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Udviklingschef

Misilittakkat - Annertunerusumik: Samarbejde, Selvstændig, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Ingerlatsivik arlalinnik immikkoortortaqarpoq, meeqqanut ilaqutariinnullu inuuniarnermikkut ajornartorsiuteqartunut tunngasunik suliassaqarfiusunik. Suliassaqarfinni assigiinngitsuni suleqatigiinnissaq aamma siusissukkut iliuuseqartarneq qitiutippavut.

Immikkoortortaqarfik maannakkut 52-inik sulisoqarpoq. Stabi maannakkut 10-nik sulisoqarpoq.

Atorfik piffissaq tamakkerlugu suliffiuvoq pilersinneqaqqammerlunilu, stabschefi qaninnertut sulisitsisorissallugu.

Uagut pilluta annertunerusumik paasissutissanik pissarsisinnaavutit uani: https://sermersooq.gl/da/afdelinger/

Atorfiup imaa:

 Ineriartortitsinermut pisortamik – misilittagaqarluarsinnaasumik –ineriartortitsinermut suliassaqarfimmi ilaasussamik aamma suliassanik arlalinnik uku ataanni suliaqartussamik pissarsiorpugut:

·Iliuutsinik suliniutinillu nutaanik pilersaarusiorneq

·Suliassat nassuiarneqarnerat

·Suleqatinik susassaqartunik ataatsimiisitsinernik ataqatigiissaarineq

·Ulloq unnuarlu paaqqinniffiup aaqqissuunneqarneranik pilersaarusiorneq

·Ulloq unnuarlu paaqqinniffiup najoqqutassaanik pilersaarusiorneq

·Suliniutinik ataatsimut isiginnissinnaaneq, pilersaarusiorneq aqutsinerlu

·Pisortaqatigiit suleqatigalugit suliniutinik aallartitsineq

·AC-Fuldmægtigi suleqatigalugu suliniutinik aqutsineq

·Misissueqqissaarinermi suliassani akisussaasuuneq.

·Naliliinerit

·Suliassat takkussuuttut nalinginnaasut

Suliassat fagchefinik, sulisunik allanik kiisalu qanimut susassaqartullu suleqatigisartakkat suleqatigalugit suliarineqassapput.

Qinnuteqartunut naatsorsuutigisat:

·Kandidatitut ilinniarsimaneq, imaluunniit bacheloritut

·Workshoppertitsisinnaasoq

·Suliniutinik nassuiaasiornermut suliniutinillu aqutsinermut piginnaasaqarluartoq

·Akisussaassuseqartoq misissueqqissaarinermilu sulianik misilittagalik

·Aaqqissuulluakkamik sulisinnaasoq, peqqissaartoq, ataatsimut isiginnissinnaasoq nukissalillu

Pingaartipparputtaaq:

·Aalajaatsoq, pitsaassutsimik ilisimasaqarluartoq immikkuualuttunillu maluginiaasinnaasoq

·Tamakkiisumik takunnissinnaalluni ataatsikkut arlalinnik suliaqarsinnaasoq

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Suliassat agguataarneqarnerisa ingerlaavartumik allanngortiterneqarneranni eqaatsumik periaasilik

·Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasoq

·Tatitooq, pilersitsisinnaasoq, nukissaqarluartoq piumassuseqarluartorlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

·Kisitsisilerillaqqissoq

·Siammasissumik suleqateqarluarsinnaasoq

·Suliniutinik nassuiaasiornermi aqutsinermilu piginnaasaqarluartoq

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqeroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Stabschef Bruno Heilmann, oqarasuaat +299 36 72 91 imaluunniit e-mail: brhi@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 134-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.