sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Meeqqanut, Inuusuttunut, Ilaqutariinnullu Naalakkersuisoqarfik immikkut ittumik siunnersortissarsiorpoq

Namminersorlutik Oqartussat

Nuuk
Ikkunneqarpoq: 26-01-2022
Piffissaq atuuffissaa naassaaq: 25-02-2022
Suliffissamut ID normut: LJA-83286823
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Kalallit Nunaanni meeqqanut, inuusuttunut ilaqutariinnullu pissutsit pitsaanerulersinnissaannut suleqataarusuppit?
Meeqqanut, Inuusuttunut, Ilaqutariinnullu Naalakkersuisoqarfimmi meeqqanut, inuusuttunut ilaqutariinnullu pissutsit pitsaanerulersinnissaannut politikikkut anguniakkat piviusunngortinnissaat suliassaqarfimmi ukkataraarput.  Suliassaqarfiup pitsanngorsaavigineqarnissaa peqataaffigerusukkukku, Meeqqanut, Inuusuttunut ilaqutariinnullu Naalakkersuisoqarfimmi immikkut ittumik siunnersortitut atorfik immaqa soqutigissinnaavat. 

Naalakkersuisoqarfimmi suliassat ilaatigut ilagaat meeqqanut, inuusuttunut ilaqutariinnullu aamma inunnut innarluutilinnut suliassaqarfimmi periusissiat aamma suliniutinut pilersaarutit ineriartortinnissaat, allakkianik, nalunaarusianik il.il. ilusilinnik kiisalu suliniutit- aamma ineriartortitsinermik suliat assigiinngitsut suliarinerisigut politikikkut suliaqartunik sullissineq.   Ilaatigut qanigisariinni nakuusertarnerup akioriarneqarneranut iliuusissanut pilersaarutip ineriartortinneqarnera naalakkersuisoqarfiup suliassaraa.  Anguniakkamik toraagaqarluni piffissarlu ungasinnerusoq isigalugu qanigisariinni nakuusertarnerup pitsaaliorneqarnissaa, iliuusissanut pilersaarutip taassuma qulakkiissavaa, taamaalilluni meeqqat inuusuttullu amerlanerusut ilaqutariinni toqqissisimasuni ingerlalluartunilu peroriartorsinnaaniassammata.  Iliuusissanut pilersaarutip suliniutitut aqunneqarnera immikkut ittumik siunnersortimiissaaq, taamaanneralu suliniutinut- aamma ingerlatsinernut aqutsinernik annertuunik ilanngutititsivoq.  Oqartussaasoqarfiit assigiinngitsunik suliallit ilanngutitinneqarnerannik ingerlatsineq, suliamut tunngasunik suliassaqarfiit, oqartussaasoqarfiit assigiinngitsunik suliallit akornanni suliarineqartut, suleqatigiissutigineqarnerisa ataqatigiissarnerat, ilisimasanik- misissueqqissaarnernillu ilaqartoq kiisalu iliuusissanut pilersaarutip allattariarsornikkut saqqummiunneqarnera, immikkut ittumik siunnersortip ilaatigut siuttuuffigissavaa.  Taakkua saniatigut meeqqanut suliassaqarfimmi ineriartortitsinissamut suliassaqarfimmi suliassat allat assigiinngitsunik katitigaasut immikkut ittumik siunnersortip suliarissavai – ilaatigut Kalaallit Nunaanni meeqqanut inuusuttunullu atugarliortunut pitsaanerusumik suliniuteqarnissaq pillugu kalaallit qallunaallu oqartussaasoqarfiisa assigiinngitsunik suliallit akornanni suleqatigiinneq­-rmut tunngatillugu aamma angerlarsimaffiup avataani inissiisarnerup pitsaaliorneqarnissaanut tunngatillugu.

Atorfik pillugu
Suliassat ilaatigut tassaapput: 

  •  Suliassaqarfimmi suliniutit assigiinngitsunik katitigaasut, periusissiat, suliassat naammassinissaat aamma misissueqqissaarnerit ineriartortissallugit pisortaaffigissallugillu, matumani qanigisariinni nakuusertarnerup akiorniarneqarnissaanut iliuusissanut pilersaarummik suliniummik suliaqarnerup aqunneqarnera ilanngullugu.
  • Naalakkersuisut isummernissaannut tunngavissianik suliaqarneq, tunuliaqutaasut allakkiarineqarneri,  §37 naapertorlugu apeqqutit akineqarneri il.il.  
  • Naalakkersuisoqarfiup suliassaqarfiani suliniutinut suleqatigiinnut atatillugu suliassat suleqataaffigalugillu ataqatigiissaarnissaasa akisussaaffiginerat
  • Oqalugiaasiorneq tusagassiuutinullu nalunaarusiorneq kiisalu illup iluani avataanullu attaveqaqatigiinnerit allat isumagineqarneri 
  • Isumaginninnermut suliassaqarfimmi misissuinerit, naliliinerit assigisaallu aqutsisuuffigissallugit imaluunniit suleqataaffigissallugit 
  • Inatsisissanut piareersaasiornermut suleqataaneq, immaqalu aningaasaqarnikkut inatsimmut, missingersuutinik malitseqartitsineq il.il.   
Suliassat tamatigoortuupput oqaatsit suliassaqarfiillu assigiinngitsut akornanni suleqatigiinnermut peqataasinnaanissaq piumasaqaataavoq, kiisalu nammineq suliassaqarfimmut suliniutinullu nammineerluni akisussaaffeqarsinnaaneq piumasaqaataalluni.   Suliat nutaat iserfigipallassinnaaneri sungiussiasuunissarlu aamma suliffimmi ilaanneeriarluni ulapiffiusumi suliassat mikisut angisuullu akuleriiaarfianni, atugarissaarsinnaanissaq atorfimmi piumasaqarineqarput.
 
Taamaattumik akissussaaffimmik sianisuuguit, allannguinernut piareersimasuuguit aamma suleqatigiinnissamik soqutigisaqartuuguit iluaqutaassaaq. Suliffimmi politikikkut aqunneqartumi akulikitsumik ulapaarfiusorujussuusartumi sivikitsumillu piffissaqartitaalluni tunniussiviusartumi sulinissat soqutigissavat. Allattarissatigut oqaluttarissatigullu ingerlatitseqqissinnaaneq aamma ataqatigiinnerit pisariusut paasilluarsinnaanerinut pikkoriffeqassaatit.   
 
Illit pillutit  
  • Naleqquttumik ilinniagakkaatut kandidatitut ilinniarsimassaatit
  • Kalaallit Nunaanni isumaginninnermut suliassaqarfik atituumik ilisimasaqarfigissavat, matumani nakuusertarnermik suliassaqarfik pillugu immikkut ilisimasaqarneq ilanngullugu.
  • Kalaallit Nunaanni meeqqanut, inuusuttunut ilaqutariinnullu suliassaqarfimmit misilittagaqassaatit – ajornanngippat sulianut aaqqissuussinermullu tunngasutigut
  • Suliniutit aqunneqarnerat aamma suliat ingerlanneqarnerat misilittagaqarfigissavat
  • Ilisimasanik- misissueqqissaarnernillu suliaqarneq siusinnerusukkut suliffinnit ilisimasaqarluarfigissavat
  • Namminersorluni aaqqissuulluakkamik ineriartortitsinissamullu sammisumik sulisinnaaneq
  • Allattarissatigut oqaluttarissatigullu attaveqaqateqarsinnaanermik pikkoriffeqarneq
  • Paasissutissat amerlasuut pisariusullu ataatsimut isigisinnaaneri
  • Suleqatigisanik avataaniillu  soqutiginnittunik suleqateqarluarsinnaaneq
  • Kalallit Nunaanni inuiaqatigiit kulturilu pillugit ilisimasaqarneq
Meeqqanut, Inuusuttunut Ilaqutariinnullu Naalakkersuisoqarfik aamma Inatsisinik Atuutsitsinermut suliassaqarfik pillugit
Meeqqanut, Inuusuttunut Ilaqutariinnullu Naalakkersuisoqarfimmi suleqatigiit 18-iuvugut agguataarneqarsimasut immikkoortoqarfinnut ukununnga: Pisortanut Allattoqarfik, Periusissiat aamma Ineriartortitsineq aamma Isumaginninnikkut Inatsilerineq, atorfillu una Periusissiani aamma Ineriartortitsinermi inissisimavoq. Taakku saniatigut naalakkersuisoqarfimmut atasumik immikkoortortaqarpoq, tassaasoq Isumaginninnermut Aqutsisoqarfik.   

Qinnuteqarneq
Qinnuteqarnermut piffissaq killigititaq tassaavoq ulloq 25. februar 2022 Kalaallit Nunaanni nalunaaqutaq malillugu nal. 12.00.
Ulloq sulilerfissaq tassaavoq 1. april 2022. 

Paasissutissat sukumiinerusut
Atorfik Naalakkersuisoqarfilluunniit pillugit paasisaqarnerorusukkuit imikkoortortaqarfimmi pisortaq Ditte Enemark Sølbeck attaveqarfigissallugu tikilluaqqusaavutit e-mailikkut ditt@nanoq.gl imaluunniit oqarasuaatikkut +299 26 49 95.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia