Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Meeqqeriveqarnermut Suliassaqarnermut pisortaq
Kommune Kujalleq
Qaqortoq
Ikkunneqarpoq: 08-01-2025
Piffissaq atuuffissaa naassaaq: 29-01-2025
Suliffissamut ID normut: LJA-85895655
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Allat, Aqutsineq, Meeqqat & inuusuttut
Meeqqeriveqarnermut Suliassaqarfimmut pisortaq:
Atorfik inuttassarsiorneqartoq martsip aallaqqaataa 2025 aallarnerfigalugu isumaqatigiissuteqarnikkulluunniit piaarnerpaamik inuttalerneqassaaq.
Inerisaanermut Ingerlatsivik immikkoortuni pingasuni Suliassaqarfimmut pisortaq:
- Meeqqeriveqarnermut Suliassaqarfimmut pisortaq
- Atuarfinnut Misi Kujallermullu Suliassaqarfimmut pisortaq
- Kulturimut, sunngiffimmi katersugaasiveqarnermullu Suliassaqarfimmut pisortaq
Meeqqeriveqarnermut suliassaqarfimmut pisortaq Inerisaanermut Ingerlatsivimmi aqutsisoqatigiinnut ilaavoq qullersaralugu Inerisaanermut Ingerlatsivimmi pisortaq.
Meeqqeriveqarnermut suliassaqarfimmut pisortaq Inerisaanermut Ingerlatsivimmi perorsaanermut siunnersortimut akisussaasuuvoq. Ingerlatsivimmi perorsaanermut siunnersorti suleqatigalugu suliniutinut ataqatigiissaarineq akisussaaffigaa.
Suliassaqarnermut pisortatut pingaarnertut Kommune Kujallermi meeqqat 0-6 ukiullit atugassarisaannut, ilikkagassaannut piginnaanngorsarnerinullu inerisaaneq suliassaraa saniatigut Kommune Kujallermi meeqqerivinni ingerlatsinermut akisussaasuuneq qullersaaffigalugu.
Meeqqeriveqarnermut missingersuusiornerit politikkikkullu suliniutit piviusunngortinnissaannut suliuttuussaatit qanimut Inerisaanermut Ingerlatsivimmi aqutsisoqatigiit suleqatigalugit.
Atorfimmut piumasaqaatit:
Pissarsiorpugut aqutsisoqatigiinnut suleqataanissamut piumassuseqartumik, Meeqqeriveqarnerup iluani ingerlatsinermut misilittagaqartumik sulisunullu pisinnaasatigut ineriartortuarnissamik suliniuteqarumasumik.
Pisariaqartipparput:
- Suliamut naapertuuttumik ilinniagaqartoq ajornanngippat qaffasissumik master-/kandidat ilinniagaqartoq
- Nunatsinni ingerlatsivinni aqutsinermik misilittagalik
- Meeqqeriveqarnermut inatsisinik sukumiisumik ilisimasaqartoq politikkikkullu aqutseriaatsit qanoq ingerlariaaseqarnerannik ilisimaarinnittoq
- Aningaasatigut aqutsinermik paasinnittoq malitseqartitsisinnaasorlu
- Aaqqissuussisinnaanermik iliuusissiorsinnaanermillu ilisimaarinnittoq
- Suleqatinut attaveqarluarsinnaasoq, suleqatiginnissinnaasoq aamma politikkikkut suliaqartunut
- Akuersaartumik nukittuumillu aqutsisinnaasoq suleqatiginnissinnaasorlu
- Aqutsisoqatigiinni allanngorartumi suleqataasinnaasoq inerisaanermullu siunnerfeqartumut suleqataarusuttoq
Kommune Kujallermi Meeqqeriveqarneq:
Meeqqeriveqarnermut Suliassaqarfimmut pisortap sullitarissavai Kommune Kujallermi illoqarfiit pingasut: Nanortalik, Qaqortoq aamma Narsaq kiisalu nunaqarfiit 11: Aappilattoq, Narsarmijit, Tasiusaq, Ammaassivik, Alluitsup Paa, Saarloq, Eqalugaarsuit, Igaliku, Qassiarsuk, Narsarsuaq Qassimiut kiisalu savaateqarfiit
Ulluinnarni sumiiffinni pisortat qanimut suleqatigalugit Kommune Kujallermi meeqqeriveqarnermut anguniakkat aallaavigalugit meeqqat 0-6 ukiullit toqqissisimasumik akisussaassusilimmillu sullinneqarnerat fagchefip qulakkiissavaa.
Neqeroorutigisinnaavarput atorfik meeqqanut sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersuinissannullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.
Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.
Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik assartuinermut aningaasartuutit akilerneqassallutik.
Atorfik pillugu paasissutissat sukumiinerusut kiisalu atorfimmi suliassanut nassuiaat paasissutissat Ingerlatsiviup pisortaa Kattie Egede Motzfeldt saaffigalugu pissariarineqarsinnaapput oqarasuaammut 64 54 61 e-mail kaem@kujalleq.gl
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik januarip ulluisa 29. 2023 nittartagarput aqqutigalugu kommunimit tiguneqareersimassapput.
MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoorto