sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Minguitsuunissamut nukissiuutinillu pilersuinermi suliaqarusuppit

Namminersorlutik Oqartussat

Nuuk
Ikkunneqarpoq: 19-01-2021
Piffissaq atuuffissaa naassaaq: 08-02-2021
Suliffissamut ID normut: LJA-81608996
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Atorfik pillugu
Nukissiuuteqarnermut immikkoortortaqarfimmi inissisimassaatit, nukissiuuteqarnermut immikkoortortaqarfimmi suleqatitit peqatigalugit minguitsuunissamut pisortallu nukissiuuteqarnermi ingerlatsineranni naalakkersuisoqarfiup suliassarpaalussui suliarisassavatit. Tamakku ilaatigut inuiaqatigiinni- ingerlatsinermilu aningaasaqarnermut attuumassutilinnik naatsorsuinerit, taamatullu Nukissiuuteqarnermi- aamma Imermik pilersuinermi Naalakkersuisut anguniagaannik piviusunngirtitsinertigut malitseqartitserusassallutik. Politikkikkut ingerlatsinernut siunnersuisassaatit, suleqatitillu peqatigalugit Nukissiorfiit ulluinnarni nukissiuuteqarnermik ingerlatsisuusut pilersaarusiorneranni ingerlatsinerannilu ataqatigiisitsisuussallusi.

Immikkoortortaqarfimmi siammasissumik sulassanik ingerlatsisoqarpoq, ilaatigullu makkunannga suliaqassaatit:

  • Nukissiuuteqarnermut tunngassutilinni inuiaqatigiinnut- ingerlatsinermilu aningaasaqarnermut naatsorsuineq
  • Aningaasaqarnermik- missingersuusiornermillu aqutsineq, sullissineq kiisalu allatseqarfimmi suliassat
  • Politikkikkut sullissineq, tassunga ilanngullugit Naalakkersuisut oqaaseqaatissaannut tunuliaquttanik suliaqarneq, oqalugiutissat, § 37 atorlugu apeqquteqaatinik akissutissiorneq il.il.
  • Immikkoortortaqarfiit pisortaqarfiillu allat suleqatiginerini ataqatigiissaarineq
  • Nukissiuuteqarnermut politikkimik suliaqarnermut atatillugu pisortaasunut siunnersortaaneq
  • Nukissiuuteqarnermi- aamma Imermik pilersuinermi pilersaarutinik piviusunngortitsiniarnernut atatillugu nalunaarusiorneq
  • Siammartigassanik suliaqarneq, soorlu tusagassiutinut nalunaarusiassanik, oqalugiaatissanik takoqqusaarinernullu suliaqarneit
  • Kalaallit Nunaanni nukissiornikkut periarfissaasinnaasunik nittarsaassineq
 
Illit pillutit
Suliffinnik politikkikkut ingerlanneqartuni misilittagalimmik aamma/imaluunnit suliffeqarfinnit namminersortuneersumik qulaani suliassaqarfinni pineqartuni suliaqarsimasumik suleqatissarsiorpugut. Ilinniakkannik naammasserlaajusinnaavutit ukiuniluunni arlalinni misilittagaqareersimassallutit.

Ilinnit naatsorsuutigaarput:
  • Kandidatitut qaffasitsigisumik suliassamut tulluartumik ilinniagaqarsimaneq – pingaarnerutillugu økonomi (cand.oecon, cand.polit assigisaalluunnit)
  • Kisitsisinut poqersuuneq inuiaqatigiinniillu aningaasaqarneranut misissueqqissaarnermik aamma/imaluunnit ingerlatsinermi aningaasaqarnermut naatsorsuinik misilittagaqartoq
  • Namminersorluni sulisinnaasoq, suliniutinullu annertuunut ataatsimut isiginnissinnaasoq
  • Suliffeqarfimmik politikkikkut ongerlanneqartumi aamma/imaluunnit suliffeqarfimmi namminersortumi misilittagaqarneq
  • Suliassanut allanngortartunut nuannarisaqartoq
  • Sungiussiasuuneq, peqqissaartoq ajornartorsiutinillu aaqqiinissamut misissuinissamut soqutigisalik
  • Kalaallisut, danskisut tuluttullu oqaatsinik piginnaasaqarluartoq
  • Tamatigoortumik nukissiuuteqarneq pillugu ilisimasaqarneq iluaqutaassaaq
Suliassani suliarisanni politikkikkut eqqummaariffigineqarneq iluarisimaassavat, ajornartorsiutillu ajornakusoortut ersarissumik nassuiarsinnaaneri piginnaasaqarfigissavatit. Namminersorsinnaanerit, tunniusimanerit, aaqqeerusussuseqartuunerit, qiimasuunerit suleqateqarusussuseqarnerillu pingaartippavut.

Nunanut allanut Nukissiuuteqarnermullu Naalakkersuisoqarfik pillugu
Nunanut allanut Nukissiuuteqarnermullu Naalakkersuisoqarfik suliffiuvoq pissanganartoq. Ulluinnarni sulinitsinni pitsaasumik oqaloqatigiinnerit ingerlasarput naammassisaqarnermilu inuttut malunnaateqartitsinissamut inissaqartitsisuulluta. Naalakkersuisoqarfimmi sulisut 18 missaaniipput. Taassuma saniatigut Nukissiorfiit Kalaallit Nunaanni nukissiuuteqarnermi pilersuineq naalakkersuisoqarfiup ataani immikkoortutut inissisimavoq.

Aningaasarsiat atorfininnermilu piumasaqaatit
Akissarsiatigut atorfininnermilu atugassarititaasut, tassunga ilanngullugit atorfininnermi soraarnermilu angalanissamut pigisallu nuunneqarnissaannut pisinnaatitaaffiit, Namminersorlutik Oqartussat aamma suleqatigiiffiup isumaqatigiinniarsinnaatitaasup pineqartup akornanni isumaqatigiissutaat piffissami atorfininnermi atuuttoq naapertussavai.
Sapaatip akunneranut piffissaq sulliffiusoq tassaavoq nalunaaquttap akunneri 40-it.

Inissaqartitsineq
Atorfimmut atatillugu inissaqartitsisoqarsinnaanngilaq. Qinnuteqartorlu Namminersorlutik Oqartussat ataani atorfeqarnermini inissaqartinneqareersimaguni sulisutut inissiaq tigummiinnarneqarsinnaavoq. Sulisunut inissiaq atorfeqarnermut atasuuvoq, atorfeqarunnaarnermilu qimanneqartariaqarluni.

Paasissutissat annertunerusut
Atorfik pillugu annertunerusumik paasisaqarusukkuit tikilluaqquneqarputit attavigissallugu Immikkoortortaqarfimmi pisortaq Rasmus Alex Wendt, oqa +299 55 72 12 imaluunniit rawe@nanoq.gl. 
 
Ulloq qinnuteqarfissaq kingulleq
Qinnuteqaat kingusinnerpaamik 7. Februar 2021 tigoreersimassavarput.
Naatsorsuutigaarput sapaatip akunnerani 6-mi oqaloqateqarnissat ingerlatissallugit.
Atorfininnissamut ulloq tassaavoq 01.03.2021 imaluunniit piaarnerpaamik isumaqatigiissuteqarnikkut.

Qinnuteqaat ilinniagaqarneq siusinnerusukkullu suliffigisimasat pillugit paasissutissartalik, soraarum-meernermi uppernarsaatit assigisaasalu assilineri ilanngullugit ugguuna nittartakkakkut “qinnuteqaat nassiuguk" toorlugu nassiunneqassapput.
E-mail-ikkut qinnuteqaatinik tigusineq ajorpugut.
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Hotel Avannaa
Ilulissat
Styrelsen for Sundhed og Forebyggelsen - Personaleadministrationen