sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Mittarfeqarfiit

Mittarfeqarfiit A/S AFIS-operatørinngorniartussanik pissarsiorpoq

Mittarfeqarfiit

Ikkunneqarpoq: 17-06-2024
Piffissaq atuuffissaa naassaaq: 30-06-2024
Suliffissamut ID normut: LJA-85550852
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq

Timmisartoqarfiup silarsuaa soqutigaajuk? Nutaanik misileerusuppit imminullu unammillilaarsullutit? Nunatsinnilu mittarfeqarfinni sulerusuppit? Taava AFIS-operatørinngorniarniarit.


Napasuliami ulluinnatit:

AFIS-operatørit timmisartortartunut silaannakkut angallannerup ingerlalluarnissaa isumaannaatsuunissaalu anguniarlugu paasissutissanik tunioraasarput. AFIS-operatøritut timmisartut mittarfiit eqqaanni silaannarmiitillugit timmisar¬tortartut pingaarnertut ikiortigaatsit. Ilaatigut uku aamma suliarisassavatit:

• Timmisartortarnut mittarfimmi timmisartullu ingerlaarfiani anorip silallu qanoq innerinik, kiisalu mittarfimmi banep qanoq innerinik paasissutissanik tunioraaneq.

• Timmisartortartumut silaannarmi angallannerup qanoq inneranik paasissutissiinerit.

• Silasiornerit, silaannakkut angalanissamut pilersaarutinik ingerlatitseqqiinerit paasissutissanillu allanik isumannaatsumik timmisartuussinissamik qulakkeerinnittussanik ingerlatitseqqiinerit.

• Mittarfimmi ingerlatsinermi qitsiusumik inissisimaneq.

Timmisartortartup eqqor¬tunik aalajangiinissaanut illit aalajangiisuuvutit.


Ilinniarnerup ingerlarnga:

Ilinniarneq ukiup ataatsip missaanik sivisussuseqarpoq. Ilinniarneq aallartissinnaavat toqqarneqarlutillu ilinniakkamut tiguneqarnissamut misilitsinnernik angusiguit, tamanna qulakkaarinnissagamik ilinniakkat aallartissinnaalernissaa AFIS-aspirantitullu atorfinitsinne-qarnissannut. Ilinniakkamut tiguneqarnissamut misilitsinnissaq augusti qaammat ingerlanneqassaaq.


Ilinniakkap immikkoortua siulleq teoreersorneruvoq taannalu Kangerlussuarmi ingerlanneqartarpoq. Teoreersorneq angusiffigisinnarlugu, napasuliami 3D simulatorersorneq oqaatsitigullu misilitsereernerit angusiffigigukku AFIS-imi ilinniartutut allagartaqalissaatit. Taamaalillutit ilinniakkat immikkoortua kingulleq aallartissinnaanngussavat – taannalu napasuliani sulinermik misiliineruvoq taasagarput “On the job training”. Tamannalu nunatsinni mittarfinni anginerni ingerlanneqassalluni ukunani Kulusuk, Narsarsuaq, Nuuk imaluunniit Ilulissat.


AFIS-operatørinngorniarninni aspirantinngornissanut ilinnut piumasaqaatigaagut:

• Tunniusisuullutit, akisussaassuseqarlutillu anguniagaqartuunissat

• Teorip isumaliutiginera ajornaatsumik suliarisinnaanissaa

• Danskisut tuluttullu qaffasissumik allattariarsornikkut oqaluttariarsornikkullu misiginnaasaqarnissat, aammalu kalaallisut piginnaasaqarluarnissat

• Kisitsisilerillaqqissuullutillu matematikkimi piginnaasaqarnissat

• Suleqatigiit iluanni suleqataalluarsinnaanissat aammali namminersorluarsinnaanissat

• Timikkut piginnaasaqarluarlutillu peqqissuullutik AFIS-operatørinut peqqissutsimut piumasaqaatinik naammassinnissinnaassaatit


Sillimaniarnikkut akuerineqarnissaq:

Aspirantitut atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq imaluunniit www.sullissivik.gl –kkut aaneqarsinnaavoq.


Paasisaqarnerugit:

Ilinniagaq periarfissallugi pillugit annertunerusumik paasisaqarusukkuit ATS-Head of training Ryan Møller attavigisinnaavat e-mailikkut rmm@mit.gl imaluunniit telefonikkut 341711-mut sianerfigalugu. Apeqqutit nalinginnaanerusut Sulisoqarnermut Immikkoortortaqarfimmut uunga allallutit apeqqutigisinnaavatit: hr@mit.gl.

Takorloorsinnaaviuk napasuliami suleqatigilissalluta?

Taava qinnuteqaatit danskisut tuluttullu (ilinniakkamut tigutissaguit oqaatsit piusamasaqaataasut) allannikoq uploaderuk kingusinnerpaamik 15. juni 2024.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia