Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Mittarfik Qaarsunut terminalarbejderimik sulisussarsiorpoq
Mittarfeqarfiit
Uummannaq
Ikkunneqarpoq: 04-06-2024
Piffissaq atuuffissaa naassaaq: 18-06-2024
Suliffissamut ID normut: LJA-85528716
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Suliassat
Terminalarbejderitut suliassanik pissanganartunik arlalinnik ukuusunik suliaqassaatit:
- Qatserineq aamma annaassiniarneq, imaani annaassiniarneq kiisalu sillimaniarnermik suliaqarneq
- Timmisartulerineq kiisalu timmisartunik orsersuineq
- Aputaajaaneq
- Atortunik assakaasulinnik aserfallatsaaliuineq
- Illuutit, mittarfiup atortullu aserfallatsaaliorneqarnerannut peqataaneq
Piginnaasat
- Pitsaasumik peqqissuseqarneq – ajornanngippat timmisartunik qatserisartutut aamma imaani annaassiniartarnermut ilinniarnissamut atorneqartussamik
- Pinerluuteqarsimannginnermut uppernarsaateqarneq
- Kalaallisut oqaaseqarneq iluaqutaasaaq danskisut oqaaseqarneq
- Aalajaatsuuneq, suleqatigiinni sulisinnaaneq, sungiussianeq, akuuneq aamma qiimaneq
Mittarfeqarfiit neqeroorutigaat
Suliffeqarfik ineriartortoq, sulisuminut pitsaasunik atugassarititaqarnermik suleqatigiillu pitsaasumik suleqatigiinnerannik pingaartitsisoq. Terminalarbejderit naligalugit suleqatigilissavatit, taakkualu tamarmik nammineerlutik suleqateqarlutillu sulisarput.
Sillimaniarnikkut akuerineqarnissaq
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq.
Atorfinitsitaanermi atugassarititaasut
Namminersorlutik Oqartussat sulisullu kattuffiisa atorfimmut attuumassuteqartup akornanni isumaqatigiissut naapertorlugu atorfinitsitsisoqassaaq.
- Sapaatip akunneranut piffissaq suliffiusoq nalunaaquttap akunnerinik 40-nik sivisussuseqarpoq
- Isumaqatigiissuteqarneq naapertorlugu atorfinitsitaaneq
- Initaqartinneqarneq maleruagassat atuuttut malillugit
- Atorfinitsitaanermi malittarisassat malillugit akiliunneqarneq kiisalu timmisartukkut pisattat nassiussat 75 kiilut angullugit imaluunniit umiarsuakkut pisattat nassiussat 200 kiilut angullugit nassiunneqarneranni akiliunneqarneq
Paasisaqarnerugit
Atorfik pillugu paasisaqarnerorusukkuit apeqqutissaqarlutilluunniit uunga saaffiginninnissannut tikilluaqqusaavutit: Lufthavnschef James Nielsen Tlf. +299 38 27 51, mail: jani@mit.gl
Naliginnaanerusunik apeqqutissaqaruit uunga saaffiginnissaatit: hr@mit.gl.
Mittarfeqarfiit pillugu paasissutissat sukumiinerusut internetikkut nittartakkatsinni uaniittumi takukkit: www.mit.gl
Soqutiginnippit?
Taava qinnuteqaatit, inuuninni sulerisimanerit pillugu allattorsimaffik, kiisalu ilinniarsimanermut uppernarsaatit internetikkut nittartagaq ataaniittoq aqqutigalugu kingusinnerpaamik ulloq 18. juni 2024 tigunissaat qilanaaraarput.
Emailikkut qinnuteqaatit tiguneq ajorpagut.
Mittarfeqarfiit suluusalinnut mittarfinnik 13-inik qulimiguulinnullu mittarfinnik 46-nik Kalaallit Nunaat tamakkerlugu ingerlataqarpoq. Ukiumut timmisartortitsinerit 60.000-it (mitsitsinerit tingisitsinerillu) isumagisarpagut inuillu 350.000-it sinnerlugit kiffartuuttarlutigit. Sulisugut 450-it missaanniipput, taamaasillutalu Kalaallit Nunaanni suliffeqarfiit annersaannut ilaalluta, sulisutta niuernermillu ingerlataqarnitta ineriartortittuarnissaat sulissutigiuarparput. Kiffartuussinerit ilinniakkallu arlallit neqeroorutigisarpagut, taamaasilluta inuiaqatigiinni pitsaasumik ineriartortitsinermut pitsaasumik tunniussaqartarluta.