sullissivik.gl
Atorfimmut ussassaarummut oqaatsinut allanut nuunniarlutit tooruk

Najugaqatigiiffik Aqqusinersuaq aamma Blok 9 perorsaasumik sulisussarsiorpoq

Kommuneqarfik Sermersooq

Nuuk
Ikkunneqarpoq: 29-05-2024
Piffissaq atuuffissaa naassaaq: 19-06-2024
Suliffissamut ID normut: LJA-85518372
Atorfeqarnermi atugassarititaasut: Tamakkiisoq
Suliassaqarfik: Allat
Attaveqarfissamut paasissutissat

Kommuneqarfik Sermersooq

 
Oqarasuaat

Najugaqatigiiffik Aqqusinersuaq aamma Blok 9 perorsaasumik sulisussarsiorpoq


Inunnut innarluutilinnut aamma Tarnimikkut nappaatilinnut Immikkoortortaqarfik najugaqatigiiffik Aqqusinersuarmi aamma Blok 9-mi najugaqaqatigiiffimmi perorsaasumik suliaminut pikkorissumik pissarsiorpoq. Taakkununnga tunngasunik pingaartitsisuuit, najugaqartuutitsinnullu allanngueqataarusuttuuit, taamaappat illiusimassaaq suleqatitaassarput.

Atorfik piffissaq tamakkerlugu atorfiuvoq, sapaatip akunneranut akunnerit 40-t, ullukkut, unnukkut aamma sapaatip akunnerata naanerani suliffiulluni. Najugaqartuutitta ineriartornissaannut tapersersuinermi suleqatitit qanimut suleqatigissavatit.

Najugaqatigiiffik Aqqusinersuaq aamma Blok 9 Nuummi Inunnut innarluutilinnut tarnikkullu nappaatilinnut immikkoortortaqarfiup najugaqarfiisa ilagaat, 18-iniit 67-inut ukiulinnut, tarnimikkut timikkullu innarluutilinnut inissaqartitsisoq. Illit pingaarnertut suliassarissavat najugaqartut tarnimikkut, timimikkut inooqataanikkullu piginnaasassanik inerisaaviginissai, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqartuutitta arfineq-pingasuusut saniatigut najugaqatigiiffik 16-inik sulisoqarpoq.


Suliassatit:

·Najugaqartut nammineernerulernissaat inuunerisalu pitsaanerulernissaat ineriartortillugit ilaatigut najugaqartunut iliuusissatut pilersaarusiat najoqqutaralugit sulineq.

·Najugaqartut ulluinnarni sammisassanut kajumissaarlugillu tapersersortassavatit assersuutigalugu pisuttuarnermi, pisiniarnermi, nerisassiornermi nakorsiarnermilu.

·Suleqatit, aqutsisoq najugaqartullu suleqatigalugit najugaqatigiiffimmi ataatsimoornerulersitsineq


Suliassat najugaqarfimmi suleqatit kiisalu suleqatit allat, tassunga ilanngullugit Ikaarsaarfik, SANA, Politiit, pinerluttunik isumaginnittoqarfik sullissisullu, qanimut suleqatigalugit suliarineqartarput.


Naatsorsuutigaarput illit:

·Perorsaasutut imaluunniit assingusumik ilinniagaqarsimassasutit

·Isumassuisoq, inussiarnersoq suliffiullu pitsaasumik avatangiiseqarnissaanik takunnissinnaasoq

·Ilinnut siuarsarusupputit immikkoortortaqarfitsinnillu ineriartortitserusullutit, taamaalillutit najugaqartumut allannguineq pingaaruteqarluinnartoq pilersillugu

·namminersorluni sulisinnaasoq aammalu suliassaqarfinni allanik suleqateqarsinnaasoq

·Aalajaatsoq ulluinnarnilu ulapaarfiusuni naleqqussarsinnaasoq

·Tarnikkut nappaatilinnut tunngasunik misilittagaqaruit pitsaasuussaaq, piumasaqaataanngilarli.

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.


Uagut pilluta:

Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu ikorfartorteqatigiit pingasut Nuummi, Tasiilami Paamiunilu agguataarsimasut.

Immikkoortoqarfimmi annertuumik ineriartortitsiffiusumi pissanganartumilu atorfimmik neqeroorfigaatsigit. Ineriartortitsinermi ilaatigut pineqarput sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqartut.

Naatsorsuutigaarput atorfininnermut tunngatillugu oqaloqatiginnissalluta sapaatip akunnera 25-mi.


Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.


Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.


Atorfinititsineq qaammatini pingasuni misiliutitaqassaaq
.


Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit 
www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.


Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aqutsisoq Pilutaq Lennert, oqarasuaat +299 227529 imaluunniit e-mail: plle@sermersooq.gl imaluunniit Hans Peter Christensen oqarasuaat: +299 367563 e-mail: hapc@sermersooq.gl


Qinnuteqaat:

Qinnuteqaat qulequtserlugu Atorfiup ilisarnaataa 548-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.


Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.


Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia