sullissivik.gl
Atorfimmut ussassaarummut oqaatsinut allanut nuunniarlutit tooruk
Kommuneqarfik Sermersooq

Naluttarfik Malimmi annaassiniartartuni akisussaasoq / Vagthavende livredder til svømmehallen Malik

Kommuneqarfik Sermersooq

Nuuk
Ikkunneqarpoq: 02-04-2024
Piffissaq atuuffissaa naassaaq: 23-04-2024
Suliffissamut ID normut: 331588749
Atorfeqarnermi atugassarititaasut: Tamakkiisoq
Suliassaqarfik: Eqqumiitsuliorneq, kulturi & timersorneq, Meeqqat & inuusuttut
Atorfiup taaguutaa: Livredder
Misilittakkat - Annertunerusumik: Førstehjælp
Oqaatsit:
Danskisut Atuarneq/ oqalunneq
Attaveqarfissamut paasissutissat

Kommuneqarfik Sermersooq

HR Afdeling
Kuussuaq 2
Oqarasuaat 367000

Kommuneqarfik Sermersooq Naluttarfik Malimmi annaassiniartartuni akisussaasumik pikkorissumik kajumissuseqarluartumillu 01. Maaji 2024 kinguninngualuunniit isumaqatigiissuteqarnikkut atorfinittussamik pissarsiorpoq.

Naluttarfik MALIMMi sulisut tassaapput pisortaq aamma annaassiniartartuni akisussaasut 3 kiisalu sulisut sinneri 20-t marlunngorlugit avinneqarsimasut – annaassiniartartut aamma cafe-mi sulisut. Naluttarfik MALIK Kommuneqarfik Sermersuumi Peqqinneq Susassaqartitsiviullu akisussaaffeqarfianiippoq. Atorfik piffissaq tamakkerlugu suliffiuvoq, sap. ak. 40 tiimit naligalugit. Sapaatip akunnerata naanerini aamma piffissami 06:00 – 22:00 iluani sulisarnissaq naatsorsuutigineqassaaq.

Uagutsinnut tunngasut paasissutissat annertunerusut uani atuarsinnaavatit: www.malik-nuuk.gl imaluunniit https://www.facebook.com/Naluttarfik.Malik/

 

Atorfiup imarisaa:

· Annaassiniartartussanik ilitsersuineq ilinniartitsinerlu, tassunga ilanngullugu annaassiniartartut piginnaasatigut attassiinnarnissaannik annaassiniarnermut ilinniarneri annaassiniarnermullu misilitsinneri annaassiniarnermilu atortutigut aserfallatsaaliineq isumagalugit.

· Aammattaaq annaassiniartartunik nalilersuinissamik ilinniagaqarsimanissaq, taamaalilluni sulisut annaassiniarnermut misilitsinneranni nalilersuisartutut inissisimalluni

· Pisortaq suleqatigalugu upalungaarsimanermut tunngasunik pilersaaruteqarnissamik akisussaaffeqarneq kiisalu kalerrisaarutinik upalungaarsimanermilu pilersaarummik misissuillattaarnerit.

· Ullormut, sapaatip akunnikkaartumik piffissamilu aalajangersimasuni naluttarfittaani atisaajartarfinnilu eqqiaanermik pilersaarusiorneq.

· Eqqiaanerup pitsaassusaanik qulakkeerineq aamma eqqiaanermik eqqiaanermilu atortorissaasutinik maskinalinnik atuinissamut sulisunik ilinniartitsineq.

· Eqqiaanermi atortorissaarutit maskinallit nakkutigalugit, taakkulu atorfissaanut atorneqarsinnaaqqullugit aserfallatsaaliorneqarnerat kiisalu eqqiaanermut qaqorsaatit piginissaat qulakkeerlugu.

· Annaassiniartuni akisussaasup suliassaraa piginnaatitaaffigalugulu naluttarfimmut tunngasunik suliatigut aalajangiisarnissaq naluttarfimmilu sulisunik ulluinnarni attaveqarnissaq.

· Naluttarfimmi atisaajartarfinnik, saunartarfimmik naluttarfittaanillu pingaarnertut nakkutilliinissaq.

· Annaassiniartuni akisussaasup suliassaraattaaq sulisut suliaannik nakkutilliineq, eqqiluisaarneq pitsaalluinnartoq, nalukkiat cafe-milu pisiniat sullinneqarnermik naammagisimaarinissaat qulakkeertuassallugit.

· Annaassiniartuni akisussaasup aammattaaq naluttarfimmi sulisunut najoqqutassiaq malissavaa, qulakkiissallugulu maleruaqqusat naluttarfimmi sulisunit aamma malinneqarnissaat.

· Eqqiaaneq isumagineqallattaartussaavoq annaassiniartullu akisussaasuannit aallartinneqartassalluni. Tassunga ilanngullugu annaassiniartartuni akisussaasup naluttarfimmi teknikkimi atortorissaarutit nakkutigissavai, erngup PH-a kloreqassusialu misissortassallugit.

· Annaassiniartuni akisussaasoq sulisut piffissanik suliffissaannik pilersaarummik siunnersuusiortassaaq, sulinngitsoortoqartillugulu paarlatsissarsiortassalluni. Cafe-mik akisussaaffeqarnermi imaluunniit pisortap sulinnginnerani annaassiniartuni akisussaasup aamma akissarsialerivimmut tiiminik tunniussisarneq nalunaarutiginnittarnerlu akisussaaffigisassavai. 

 

Qinnuteqartunut naatsorsuutigisat:

· Attuumassutilimmik ilinniagaqarsimanissaq (ikiueqqaarnermut, annaassiniarnermut misilitsissimanissaq, aqutsinermik misilittagalik ilinniagalillu orniginartinneqarneruvoq)

 

Pingaartipparputtaaq:

· Inuttut piginnaasanut naatsorsuutit nalunaarutigissagitit. Siunnersuutit/assersuutit kissaatit pisariaqartitallu malillugit toqqagassat/assersuutit allassimapput

· Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat

· Ataatsimut takunnissinnaaneq attatiinnarlugu arlalinnik suliaqarsinnaanissat

· Allattariarsornermi oqaluttariarsornermilu ersarissumik paatsuugassaanngitsumillu attaveqartartuunissat.

· Nammineerluni sulisinnaasoq, akisussaassuseqartoq sullissiumatoorlu

· Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

· Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

· Tatitooq pilersitsiniallaqqissoq inissaqartitsiuartoq piumassuseqarluartorlu

· Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

· Marluinnik oqaasillit (kal/da) piumaneqarnerupput

 

Neqoroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

 

Annertunerusumik paasisaqarusukkuit:Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: afdelingsleder Carla Villadsen, oqarasuaat +299 366314 imaluunniit e-mail: cavi@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat: Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissarsiat atorfinitsitaanermilu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq
.

 

Inissaq:Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 318-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: apriilip 23.-at, 2024

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia