Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Narsarsuarmi Indsatslederissarsiorpugut
Ikkunneqarpoq: 22-01-2025
Piffissaq atuuffissaa naassaaq: 24-02-2025
Suliffissamut ID normut: LJA-85915163
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Suliffimmut pissanganartunik suliaqarfiusumut indsatslederimik sulisussarsiorpugut. Sammisamik pimoorussisuuit torersumillu sulinissat pingaartillugu? Ullormullu inuit assigiinngitsorpassuit attaveqarfiginissaat nuannaraajuk? Taava Narsarsuup mittarfiani Qatserinermut annaassiniarnermullu immikkoortortami iliuuseqarnermut aqutsisutut suliffik ilinnut tulluuppoq.
Suliassatit
Ulluinnarni sulineq tamatigoortoq assigiinngitsorpassuarnik suliassalik misigissavat, suliassanik sulisunik aqutsinermik qatserisarfiullu ulluinnarni ingerlanneqarneranik imalik. Suleqatigiit iliuuseqarnermut suliallit suleqatigilissavatit, taakkua paarlakaajaallutik pigaartuusarneq akisussaaffigisarpaat. Taakua saniatigut aamma:
- Pigaartuunissamut pilersaarutit suliarinera aamma mittarfeqarfiup suliassaataanik nakkutilliineq
- Timmisartumik suliaqarneq aamma aputaajaaneq
- Illut qamkutillu aserfallatsaaliornerat
- Atortunik kingoraartissanillu pisiniarneq kiisalu ingerlaavartumik atortut pitsaassusaannik nalilersuineq
- Qatserinermut annaassiniarnermullu tunngatillugu sungiusarnerit ingerlaavartut
- Nammineq qatserisartorisanik sungiusaaneq – illoqarfimmi/timmisartumi qatserineq
Piginnaasatit
Atorfimmut piukkunneqassaguit, mittarfeqarfinnik ingerlatsineq pillugu atuagarsornikkut ilinniagaqarsimassaatit minnerpaamillu ukiuni 2-4 qatserinermik annaassiniarnermillu misilittagaqassallutit. Minnerpaamik piumasaqaatigaarput Iliuuseqarnermi aqutsisoq Timmisartumi aamma Illoqarfimmi iliuuseqarneq. Taakkua saniatigut ukua pingaartippagut:
- Biilernermut allagartaq angisooq
- Terminalarbejderitut naammassisimanissaq
- Kalaallisut, danskisut tuluttullu oqalussinnaaneq
- Tunngaviusumik IT-mik piginnaasaqarneq
- Pinerluuteqarsimannginnermut allagartaq
Greenland Airports neqeroorutigai
Suliffeqarfik pissanganartoq ineriartortoq, sulisutsinnut atugassarititanik pitsaasunik suleqatigiilluarnermillu pingaartitsisoq ilannguffigissavatit, taakkualu nammineerlutik allanillu suleqateqarlutik sulisarput. Atorfimmi piginnaasavit inummiit inummut ilinniartinneqarnikkut, pikkorissarnikkut ilinniaqqinnikkullu ineriartortinnissaannut periarfissagissaassaatit.
Atorfinitsitaanermi atugassarititaasut
Kattuffik attuumassuteqarfigisaq naapertorlugu akissarsiaqarneq aamma atorfinitsitaaneq Taamaattoqanngippat, atorfinitsitaaneq isumaqatigiissut atorfinittussamut toqqartoq isumaqatigiissutigalugu atorfinittoqarsinnaavoq.
- Qaammatit aqqaneq marluk atorfeqareernermi malitarisassat atuuttut naapertorlugit feeriarluni angalanermi akiliunneqarneq
- Malittarisasat atuuttut naapertorlugit atorfininnermi soraarnermilu angalanermi nutsernermilu akiliunneqarneq.
- Malittarisassat atuuttut naapertorlugit Inimik pequtilersoriikkamik imaluunniit pequtitaqanngitsumik neqerooruteqartoqassaaq – inimut akiliut malittarisassat atuutsinneqartut naapertorlugit ingerlanneqassaaq.
- Piffissaq suliffiusoq sapaatip akunneranut nalunaaquttap akunnerinik 40-nik sivisussuseqartoq
- Naatsorsuutigivarput qinnuteqartoq, ilinniarnerminik naammassinnittareerpat Security-mi peqataasinnaasoq.
Angerlarsimalluni pigaartuuneq / Oqarasuaatikkut pigaartuuneq
Angerlarsimalluni pigaartuuneq nunaqarfimmi ikuallattoqarnissaanut upalungaarsimanissamut pigaartuuneq akilerneqartarpoq malittarisassatut atuutsinneqartut naapertorlugit.
Maluginiassavat angerlarsimalluni pigaartuuneq nunaqarfimmi ikuallattoqarnissaanut upalungaarsimanissamut pigaartuutilluni ”Kangerlussuarmi Narsarsuarmilu ikuallannissamut annaassiniarnissamullu sullissineq pillugu isumaqatigiissut” naapertorlugu akilerneqartarmat.
Angerlarsimalluni pigaartuuneq timmisartoqarfiup ingerlanneqarneranut tunngatillugu akilerneqartarpoq isumaqatigiissut naapertorlugu aatsaallu pisinnaalluni sulisoq suliartorsimatinnani aamma timmisartuutileqatigiinniit ”ammaassinissamik apeqqutilliisoqartillugu.
Sillimaniarnikkut akuerineqarnissaq
Atorfimmut piukkunneqassaguit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngussissaatit. Immersugassaq politeeqarfimmi pissarsiarineqarsinnaavoq.
Paasisaqarnerugit
Atorfik pillugu paasisaqarnerorusukkuit imaluunniit apeqqutissaqaruit, Mittarfimmi driftsleder Viggo Sørensen attaviginissaanut tikilluaqqusaavutit: viso@airports.gl imaluunniit oqarasuaat +299 38 43 38.
Apeqqutit nalinginnaanerusut uunga allalluni apeqqutigineqarsinnaapput:hr@airports.gl
Greenland Airports pillugit paasissutissat sukumiinerusut uani atuakkit: www.airports.gl
Qinnuteqaat
Atorfimmut piukkunneqassaguit, qinnuteqaatit, inuuninni sulerisimaninnik allattorsimaffik kiisalu ilinniarsimaninnut uppernarsaatit www.airports.gl aqqutigalugu kingusinnerpaamik ulloq 24. februar 2025 nassiunneqassapput. Ataavartumik oqaloqatiginninnerit ingerlanneqassapput.
Greenland Airports suliffeqarfiuvoq Nunatsinni timmisartunut suluusalinnut 13-inik timmisartunullu qulimiguulinnut 43-nik ingerlatsisoq. Ukiumut 80.000-it sinnerlugit timmisartunik mitsitsillutalu tingisitsisarpugut kiisalu angalasut 350.000-it sinnerlugit sullittarlugit. 400-t missaannik sulisoqarluta Nunatsinni suliffeqarfiit anginersaannut ilaavugut, sulisuvullu niuernerpullu ingerlaavartumik ineriartortinnissaat sulissutigisarlutigu. Taamaasilluta kiffartuussineri ilinniartitaanerillu arlallit neqeroorutigisarpagut, taamaasillutalu inuiaqatigiit ineriartornerannut pitsaasumik tunniussaqartarluta.