Nuuk Internationale Friskole perorsaanermut ikiortissarsiorpoq / Nuuk Internationale Friskole søger pædagogisk støtteperson

Kommuneqarfik Sermersooq

Nuuk

Ikkunneqarpoq: 07-02-2025

Piffissaq atuuffissaa naassaaq: 28-02-2025

Suliffissamut ID normut: 331601883

Atorfeqarnermi atugassarititaasut: Tamakkiisoq

Suliassaqarfik: Meeqqat & inuusuttut

Atorfiup taaguutaa: Støttepædagog

Misilittakkat - Annertunerusumik: Samarbejde, Selvstændig, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Nuuk I

Nuuk Internationale Friskole nukappiaqqamut 8. klassimi atuartumut perorsaanermut ikiortissarsiorpoq

Nukappiaqqamut 8. klassimi atuarnerup nalaani pimoorussillunilu isumassuisinnaasumik ikiortissarsiorpugut.

Meeqqat suliaanik inooqataanermilu ineriartorneranut ikorfartornissaanut immikkut ikiortaassaatit. Suliassanik., meeqqamut piginnaasaanut pisariaqartitaanullu tulluartunik suliaqarsinnaassaatit. Tamatuma saniatigut nukappiaraq atuartunik allanut attaveqarnera aqqutissiutissavat.

Taamaattumik angajoqqaallu suleqatigiilluartussaavusi, atuarfimmi suleqatissatit kisiisa suleqatiginagit.

Meeqqanik, angajoqqaanik suleqatinillu suleqateqarsinnaanerit naleqartitatsinnik sisamanik tunngaveqarpoq: ilinniarluarsimaneq, anguniagaqarneq, ataatsimoorneq aamma tatiginassuseq.

Ataani allaqqasunut anngaasinnaavit:

·Periarfissanik takunnisinnaasoq nutaaliorsinnaanermillu eqqarsarsinnaasoq

·Atuartup ineriartorneranut tapersersuillunilu kajumissaasinnaasoq

·Ersarissunik sinaakkusersuisinnaasoq, pisariaqartitsinermili nalimmassarsinnaasoq

·Ukiumut marloriarluni nalunaarusiorsinnaasoq aamma iliuusissatut pilersaarusiamik malinnissinnaasoq

·Qanimut suleqateqarnissamut piareersimasoq, tassani angajoqqaat ilinniartitsisullu eqqarsaatigalugit

·Perorsaasutut ilinniartitsisutulluunniit ilinniarnikuuguit iluaqutaassaaq

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqeroorutigisinnaavarput:

·Suliffik pissangartoq.

·Angajoqqaanit tapersersorneqarneq

·Sinaakkutat malillugit allanngorarsinnaasumik ulluinnaqarluni nutaanik pilersitsinissaq pillugu eqqarsaateqarnissamut inissaqartitsisoq

·Suliffeqarfik ataatsimoornermik suliamullu ineriatortitsinermik pingaartitsisoq

Atorfik akunnernik 24-nik annertussuseqarpoq. Akissarsiat piusaqaatillu Kommuneqarfik Sermersooq suleqatigalugu isumaqatigiissutigineqartarput. 

Atuarfipput pillugu ilisimasaqarnerulerusullutit alapernaannerulersimaguit, taava attavigisinnaavatsigut.

Atuarfipput pillugu paasisaqarnerorusukkuit, www.nif.gl-imi ujartuigit.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaa Nicolaj Raarup Hellesen, oqarasuaat +299 39 25 01 imaluunniit e-mail: nif@nif.gl

Qinnuteqaat:

Qinnuteqaat qulequtserlugu Atorfiup ilisarnaataa 141-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

nternationale Friskole perorsaanermut