sullissivik.gl
Atorfimmut ussassaarummut oqaatsinut allanut nuunniarlutit tooruk
Kommuneqarfik Sermersooq

Nuummi angerlarsimaffimmi ikiorteqarfimmi peqqissaasutut ikiortimik nikerartunik pigaartussarsiorpoq / Hjemmehjælpen Nuuk søger en sundhedshjælper til skiftende vagter

Kommuneqarfik Sermersooq

Nuuk
Ikkunneqarpoq: 10-07-2024
Piffissaq atuuffissaa naassaaq: 31-07-2024
Suliffissamut ID normut: 331589869
Atorfeqarnermi atugassarititaasut: Tamakkiisoq
Suliassaqarfik: Peqqinnissaq
Atorfiup taaguutaa: Social- og sundhedshjælper, Sundhedsmedhjælper
Misilittakkat - Annertunerusumik: Omsorgsarbejde
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq
Attaveqarfissamut paasissutissat

Kommuneqarfik Sermersooq

HR Afdeling
Kuussuaq 2
Oqarasuaat 367000

Kommuneqarfik Sermersooq - Suliffeqarnermut Isumaginninnermullu Ingerlatsivik / angerlarsimaffimmi ikiorteqarfik Nuuk


Angerlarsimaffimmi ikiorteqarfik suliatigut pikkorissumik tunniusimasumik ullukkoortumik unnukkoortumillu peqqissaanermi ikiortimik pissarsiorpoq.

Nuummi Angerlarsimaffimmi ikiorteqarfik innuttaasunik namminerisamik angerlarsimaffimmi najugaqartunik 250-it missaaniittunik sullitaqarpoq, ilaatigut paaqqutarinninnermik suliaqarfiusarlunilu eqqiaanermik pisiniarfiliarnermillu suliassaqarfiusarluni. 2017-imi ukiaaneraniit aallartittumik angerlarsimaffimmi ikiortinit ulloq unnuarlu sullissineq ingerlanneqartalerpoq.

Angerlarsimaffimmi ikiorteqarfimmi sulisuupput immikkoortortamik aqutsisoq ataaseq, suleqatigiinnut ataqatigiissaarisut marluk, peqqissaanermi ikiortit, peqqissaanermi assistentit, ikorfartortit pigaartuuffinni tamani sulisartut kiisalu ulluunerani pigaartuuffinni sulisut ilinniagaqarsimanngitsut, taaneqartut tamarmik innuttaasut pitsaasumik inuuneqarnerannut attasseqataapput, taamaaliornikkut innuttaasut sapinngisamik sivisunerpaamik angerlarsimaffimminiissinnaaqqullugit.

Innuttaasut angerlarsimaffiini suliassat angallavinni 9 agguataagaapput, taakkua aalajangersimasumik suliffilinnit isumagineqartarput. Unnukkoortut holdit marluupput, holdit tamarmik tallimanik inuttaqarput. Tassanilu suliassat aamma agguataagaapput unnukkut orninneqartartut immikkoortitigaagamik. Taakku sulinermi pigaartut mobiliannik tigummisarputkiisalu inuk ataaseq toqqarneqartarpoq pinartoqartillugu sianerfigineqarsinnaalluni ornigukkasuarnissaq pissutigalugu.

Bilersinnaanermut allagartallit Angerlarsimaffimmi ikiorteqarfiup bilia atortarpaat, allagartaqanngitsut bussinik ingerlaartarput ornigassatik tulleriiaarlugit.

Kommuneqarfik Sermersooq pingaartitat pingaarnerit pingasut aallaavigalugit sulivoq: Ataqqinninneq, akisussaaneq aamma ineriartorneq Illit qinnuteqartutut pingaartitanik taakkuninnga pingaartitsisuunissat pingaaruteqarpoq.

Angerlarsimaffimmi ikiorteqarfimmi naleqartitaqarpugut tassaasut – Tatigeqatigiinneq, Tungiuineq, Inuunermi naleqartitat, Tusarnaarsinnaaneq, Toqqissisimaneq, Ataqqeqatigiinneq, Qajassuussineq.

Peqqissaasutut ikiortimik innuttaasuni suliassanik akisussaaffimmik tiguserusussuseqartumik aamma peqqinnissamut ikiortinik, ilinniagaqarsimanngitsunik ilinniartunillu ilitsersuisinnaassuseqartumik pissarsiorpugut.


Atorfiup imaa:

·Innuttaasunik paaqqutarinninneq isumassuinerlu

·Ilitsersuussineq ikorfartuinerlu

·Sullinneqartup timikkut nukitigullu nukittorsarneqarnissaanut piginnaanngorsaanermik aallutaqarneq

·Oqaloqatigiinnikkut toqqissisimanermik tatigeqatigiinnermillu pilersitsineq

·Nakorsaatinik tunniussineq

·Uppernarsaasiorneq

·Innuttaasut pisariaqartitsinerannik naliliinerit

·Innuttaasup sullinneqalersup taassumalu qanigisaanut aallartilluarnissaannik qulakkeerineq

·Innuttaasut peqatigalugit peqqinnerulersitsisinnaasunik pitsaaliuinermillu suliniutinik aallartitsineq

·Timikkut tarnikkullu nappaatit nalinginnaanerpaat ersiutaannik nakkutiginninneq sunaassusersiuinerlu naapertuuttumillu qisuariaateqarneq

·Nammineq piginnaasat tunngavigalugit suliani assigiinngitsuni suleqataasinnaaneq

·Sulisunik nutaanik ilisarititsineq ilitsersuinerlu


Suliassat suliarineqassapput angerlarsimaffimmi ikiorteqarfimmi sulisut allat, immikkoortortami aqutsisoq suliassaqarfiillu allat qanimut suleqatigalugit.


Qinnuteqartumut naatsorsuutigisat:

·Peqqinnissamut ikiortitut ilinniarsimasuusutit

·Aalajaatsuusutit suliannullu akisussaassuseqartutit.

·Sulianut tunngasunik qaffassaaqataasinnaasutit suliamullu tunngasunik piginnaasannik avitseqatiginnikkusussuseqartutit

·Inuit assigiinngisitaartuunerannut inissaqartitsisutit

·Nutaamik eqqarsarsinnaasutit namminersorsinnaallutillu

·Suleqatinnik kiisalu suliassaqarfinni assigiinngitsunik suleqatigisartakkannik suleqatiginnilluarsinnaassuseqartutit

·Ineriartortitsisinnaasutit

·Tatitooq aalajaatsorlu


Inuttut piginnaasat:

·Aalajaatsuusutit pitsaassutsimillu pingaartitsisuusutit

·Akuersaartuusutit ilakkuminartuullutillu

·Misiginneqataasinnaassuseqarneq

·Akisussaaffimmik tigusisinnaaneq

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

·Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartoq

·Ulluinnarni ulapaarfiusuni qitiutitsillutit aaqqissuisinnaassuseqarlutit sulisinnaasutit


Uagut neqeroorutigaavut:

·Suliffeqarfik ineriartortitsinermik, akisussaaqataanermik sunniuteqaqataasinnaanermillu pingaartitsisoq

·Suliffik avatangiisigissaarfiusoq isumalluarfiusorlu

·Suliffik pissanganartoq assigiinngisitaartunik unammilligassarpassuarnillu suliassaqarfiusoq

·Suleqatigiit suleqatigiinnermik pingaartitsisut, ingerlatitsinissamik paasinnittut

·Immikkoortortami aqutsisoq, suleqatigiit pillorissaasut, innersuussisartut puiguttornermillu eqqugaasunut tunngasunik ataqatigiissaarisoq qanimut suleqatigalugit

·Pitsaasumik ilisarititsineq sungiusarneqarnerlu


Sapaatip-akunneranut nalunaaqquttap akunneri 40-t suliffiusarput ullukkut unnukkullu pigaartuuffiit. Sapaatip-akunnerisa naaneri allortarlugit pigaartuusassaatit.


Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.


Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.



Atorfinititsineq qaammatini pingasuni misiliutitaqassaaq.



Inissaq:
Atorfininnermut atatillugu inissiamik innersuussisoqarsinnaanngilaq.



Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Utoqqarnut sullissivimmi pisortaq Karen Lund Mølgaard, oqarasuaat +299 36 81 42 imaluunniit e-mail: klum@sermersooq.gl



Qinnuteqaat:
Qinnuteqaat qulequtserlugu
 Atorfiup ilisarnaataa 722-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.


Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.


Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.


Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia