Nuummi Build-imi immikkoortortatsinnut nukissiornermut suliniummut aqutsisussarsiorpugut

Suliniummi aqutsisutut suliniutini naammassinninniarnermi ataqatigiissaarinermi aammalu piffissaq naapertorlugu, aningaasartuutinullu malittarisassat naapertorlugit naammassinninnermik qulakkeerinermut qitiusumik inissisimaveqarumaarputit.

Suliffeqarfiup iluani suleqatitit ilagalugit illuliornerni, inerisaanerni aqutsinermilu suliniutinik naammassinninnissaq qulakkiissavat. 

Suliassat qitiusut:

Tusassimi suliniutinik aqutsisutut atuuffinni ilaatigut nukissiornermi suliniutit annertuut unammillernartullu ataqatigiissaarillutillu aqunnissaanik akisussaaffeqassaatit. Teknikkikkullu suleqativut, avataanit pisiotorfiit soqutigisaqaqatigiillu qanimut suleqatigalugit, suliniutit piffissamik eqquisumik, aningaasat atorneqartussat iluanni aammalu pitsaassuseq pitsaanerpaaq naapertorlugu suliaqartassaatit.

Tusassip siunertatut takorluugaraa piujuartitsinissaq siunertaralugu nukissiutinik aallussinerulernissaq naggataatigullu pisinnaaffinni aammalu pinngortitami ajornannginnerusumik inissisimasuni aammalu suliffeqarfimmut sunniuteqarfiusumik tamakkiisumik atuinissaq.

Taamaammat periuutsit assigiinngitsut nutarternerisigut, misissuinikkut misilittaanikkullu piffiutitsinni nukissiutinik piujuartitsinissamut tunngavilinnik annertunerusumik atuilersinnaaniassagatta ataavartumik ukkatarinnissaagut.

Akisussaaffeqarfitit:

• Suliniutinik pilersaarusiorneq atuutsitsilernerlu, tamatumanilu ulluinnarni suliniummik aqutsineq
• Arlalitsigut suleqatigiinnik suleqateqarneq
• Ajutoorutaasinnaasunik aqutsineq
• Pitsaassutsinik qulakkeerineq
• Attaveqaqatigiinneq
• Uppernarsaasiorneq
• Aningaasanik aqutsineq
• Pisunik nalunaaruteqarneq

Naatsorsuutigaarput illit inuttut:

• Nutaaliorluni pitsanngorsaanermut ikiuutaanissat aammalu Tusassimi suleqatitsinnut ulluinnarni suliaannut oqilisaaqataanissat. Inernerissaarnissamut anguniagaqarusukkuit aammalu Tusassimut naleqartitsinerulerusukkuit iluaqutaassaaq.
• Aaqqissuussamik sulisartutit aammalu immikkuualuttunik takunnillaqqissoq, akisussaaffimmik tigusisinnaasoq niuernermillu sammivilimmik eqqarsartariaasilik – aamma piujuartitsinissaq siunertaralugu nukissiornermut tunngatillugu. Naatsorsuutigaarput iliuuseqariallaqqissutit, pinasuartuni aalajangeeriasaarsinnaanermut aammalu kisimiillutit suliaqarsinnaanernut insissisimanissat ajornatinnagu.
• Aqutsinermut-, attaveqaqatigiinnermut- suleqateqarnermullu piginnaasanik pitsaasunik aammalu sullissilluarusunnermik peqartutit, suliffeqarfiullu iluani immikkoortortani tamalaani suliaqarsinnaasutit.

Pukkunnaatitit:

Telekommunikationimi imaluunniit suliffeqarfimmik Tusassitut ittumik teknikkikkut sulialimmi misilittagaqarputit. Suliniutinik ingerlatsinermut sakkussanik softwarenik, ajutoorsinnaasunik ajutoortoqartillugulu aqutsinermik misilittagaqartutit. Tunuliaquttat suugaluarpalluunniit suliniutinik suliaqarnissaq, ataatsimut isiginnissinnaanissaq, anguniagaqarnissaq, illup iluani avataanilu suleqarluarnissaq pingaartillugulu minnerunngitsumik naammassinnilluarnissaq nuannarisarivat.

Piujuartitsinissaq siunertaralugu nukissiornermut soqutigisaqartutit, aammalu Nunatsinni issittumilu anoraata, seqerngullu nukinganik suliaqarnermut soqutigisaqarluartutit.

Suliassanut tunngatillugu naatsorsuutigaarput illit:

• Ingeniørimut ilisimatusarnerup iluani, suliniutinik aqutsinermut imaluunniit sammisami assingani, nukissiornermullu tunngassutilinni ilinniagaqarsimasutit, tamatumanilu ukiuni 3-5-ini uppernarsarsinnaasumik atortulersuutinut- aamma teknologiimut tunngatillugu suliniutinik aqutsinermut misilittagaqartutit
• Misissueqqissaarnermut ajornartorsiutinillu aaqqiinermut piginnaasaqartutit
• Suliniutinik ingerlatsinermut sakkussanik softwarenillu misilittagaqartutit
• Ajutoorsinnaasunik ajutoortoqartillugulu aqutsinermik siammasissumik misilittagaqartutit
• Qallunaatut tuluttullu allallutillu oqalussinnaasutit, kalaallisullu oqalussinnaaguit iluaqutaassaaq

Neqeroorutigaarput: 

Atorfik pissanganartoq unammilligassanik ulikkaartoq, ulluinnarnilu inuiaqatigiinnut annertuumik tunniussaqartutut misigisaqarfiusoq. Suleqatit piginnaasaqarluartut suliaqarusulluartullu akornganiilissaatit. Immikkoortortaqarfik persuarsiunngitsumik illalaaqatigiissinnaanermulli pingaartitsisumik suleqatigiilluarnermik, ataatsimoorussisumillu ingerlariaaseqarpoq. Taamatullu inuttut suliamullu tunngatillugu ineriartorluarsinnaanermut periarfissagissaarluni, piginnaasallu naapertorlugit aningaasarsianik pitsaasunik neqerooruteqarluta. 

Suliffimmut atatillugu ukiumut ullut 30-t missaaniittunik angalasoqarsinnaanisaanik naatsorsuutigineqariissaaq.

Apeqqutissaqarpit?

Emailikkut qinnuteqaatinik tigusineq ajorpugut. Qarasaasiakkut maana qinnuteqaatit, CV aammalu allagaatit allat attuumassuteqarsinnaasut ilanngullugit piaarnerpaamik atorfimmut qinnuteqarit.

Tusassip qinnuteqaatit takkuttut tulleriaarlugit suliariumaarpaat, tassanngaanniillu ingerlaavartumik oqaloqatigiinnerit pilersaarusiorneqarumaarlutik. Atorfik inuttassaanik tulluuttumik nassaartoqariarpat inuttalerneqarumaarpoq.

Atorfimmut imarisaasunut apeqqutaasinnaasut Tusassimi Build-imi immikkoortortaqarfimmi aqutsisumut, Johannes Husum Terkildsen-imut emailikkut jht@tusass.gl imaluunniit oqa.: +299 482441 saaffiginninnikkut apeqqutigineqarsinnaapput.

Atorfinitsinneqarnermut aammalu atorfininnermi periuutsinut apeqqutaasinnaasut Tusassimi HR-imi immikkoortortaqarfimmut oqa. +299 341255 imaluunniit emailikkut hr@tusass.gl attaviginikkut apeqqutigineqarsinnaapput.

Tusarfiginissat qilanaaralugu.

Tusass 

Takorluukkap ´Tusassip nunarsuup sinnera qaninnerulersippaa – uagullu immitsinnut qaninnerulersilluta’ ataani suliffeqarfiup sulisui 350-t missaanniittut suleqatigiillutik Nunarput tamakkerlugu attaveqaqatigiinnermut atortulersuutit nutaaliaasut pilersillugillu qulakkeertarpaat.

Uani paasisaqarnerusinnaavutit: www.tusass.gl