Nuummi Meeqqanut Ilaqutariinnullu Ingerlatsivik Siunnersuinermut immikkoortortami aqutsisoq / Afdelingsleder for Center for Rådgivning og Familiebehandling

Kommuneqarfik Sermersooq

Nuuk

Ikkunneqarpoq: 13-12-2024

Piffissaq atuuffissaa naassaaq: 07-01-2025

Suliffissamut ID normut: 331601420

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Afdelingsleder

Misilittakkat - Annertunerusumik: Samarbejde, Selvstændig, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Nuummi Meeqqanut Ilaqutariinnullu Ingerlatsivik Siunnersuinermut Ilaqutariinnullu Katsorsaanermut Sullissivik immikkoortortami aqutsisussarsiorpoq

Kommuneqarfik Sermersooq Siunnersuinermut Ilaqutariinnullu Katsorsaanermut Sullissivimmut pikkorissumik soqutiginnittumillu immikkoortortami aqutsisumik pissarsiorpoq piaartumik isumaqatigiissuteqarnikkulluunniit atorfinissinnaasumik.

Sullissivimmi ilaqutariit, meeqqat aamma inuusuttut inuuniarnikkut ajornartorsiutit aamma unammilligassat assigiinngitsut suliarisinnaajumallugit ikiorneqarnissamik kissaateqartut tamakkiisumik isiginnittaaseqarluni suliniarfigineqartarput.

Atorfiup imaa:

Immikkoortortami aqutsisunngortussaq suleqatigiinnut sisamanut aqutsisutut atuutissaaq. Suleqatissaq pingaarneq tassaavoq sullissivimmi katsorsaanermut aqutsisoq aamma ineriartortitsinermut siunnersorti, kiisalu allaffimmiut marluk. Sullissivik katillugu 42-nik sulisoqarpoq. 

Immikkoortortaqarfeeqqat tassaapput:

1.  Team 1 – terapi aamma katsorsaaneq

2.  Team 2 – eqimattanut neqeroorut taassuma iluani ilaqutariinnut mikisunik meerartalinnut najugaqartunut katsorsaanermik neqeroorut

3.  Team 3 – siunnersuineq aqqutissiuussinerlu

4.  Team 4 – innuttaasup angerlarsimaffiani suliniutit

Immikkoortortaqarfimmi aqutsisutut suliassatit tassaassapput: 

·Sullissivimmi sulinermi inatsisit atuuttut Inatsisartullu peqqussutaat malinneqarnissaannik qulakkeerinninneq 

·Sullissivimmi teamsit assigiinngitsut suliassaqarfiini aqutsineq, ataqatigiissaarineq ineriartortitseqqinnerlu. 

Sullissivimmi ulluinnarni aqutsineq, ingerlatsineq aningaasaqarnikkullu aqutsineq akisussaaffigissavatit, katsorsaanermilu aqutsisup innuttaasut innersuunneqarsimasut pitsaasumik tulluartunillu katsorsartinnissaat akisussaaffigissavai. Taassuma saniatigut suliassaqarfiup iluani ineriartornerit nikittarnerillu pillugit fagchefip ilisimatinneqartarnissaa akisussaaffigissavat. 

Suliassat arlallit ilaatigut tulliuttuni allaqqasut isumagisassarissavatit:

·Pingaarnertut aqutsinermi

·Suliassaqarfimmi immikkoortortaqarfinni aqutsisut allat fagchefilu suleqatigalugit suliassaqarfimmut missingersuutinik malinnaaffiginninneq aamma naatsorsuutit pillugit oqaaseqaasiorneq

·Immikkoortortaqarfimmi aaqqissuussaanermik qulakkeerineq

·Sulisunik oqaloqatiginninnernik (LUS-MUS) ingerlatsineq

·Piginnaatitsinermut pilersaarut naapertorlugu atorfimmik inuttassarsiuinerit atorfinitsitsinerillu

·Webtasimik/qaammatikkaartumik immersugassanik nakkutiginninneq akuersinerlu

·Aqutsisut ataatsimiinnerannut peqataaneq

·Task forceni/ ineriartortitsisuni assigiinngitsuni kommunimi periusissiornermi ineriartortitsisumit/pisortamit pilersinneqartuni ataatsimiinnerit peqataanerillu

·Suliarinasuarneqarsinnaasullu ilanngullugit (Ad hoc)

Qinnuteqartumut naatsorsuutigisat:

Naatsorsuutigaarput qinnuteqartoq ilinniagartuujussasoq imaluunniit akunnattumik sivisussusilimmik ilinniarsimasuussasoq, taassuma saniatigut perorsaanerup, isumaginninnerup aamma aqutsinerup iluani ilinniaqqissimanermik/pikkorissarnernik ingerlatsisimassasoq.

Pineqartoq aqutsinermik imaluunniit assingusumik sulianik ataqatigiissaarisutut suleqatigiiaanilluunniit aqutsisutut misilittagaqassaaq, pisortat suliffeqarfiutaannit imaluunniit nammineq suliffeqarfigisamit, kiisalu ajornanngippat ineriartortitsinermik paasissutissiinermillu misilittagaqarluni.

Tamatuma saniatigut pingaartipparput, qinnuteqartoq:

·Tatituujusoq nutaaliortorlu

·Oqaloqatiginninnermik ilisimasaqartoq

·Suleqatigiuminartoq

·Akuersaartumik peqataatitsisumillu aqutseriaaseqarnissamik kissaateqartoq. Suliffeqarfimmi ingerlaavartumik ineriartortumi allanngortoqarsinnaaneranut piareersimasoq.

·Ineriartortitserusuttoq aammalu meeqqanut ilaqutariinnullu suliassaqarfimmi ineriartortitsinissamut piginnaasalik piumassusilillu

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Uagut neqeroorutigaagut:

Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq. Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluarnissaq kiisalu aallartitsinissamut nutaaliornissamullu inissaqartitsinissaq anguniartuarparput. Pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinnissaat pingaartipparput.

Pineqaatissinneqarsimannginnermut aamma meeqqanut pinerliisimannginnermut uppernarsaat: Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Cecile Jeremiassen, oqarasuaat +299 36 73 31 imaluunniit e-mail: ceje@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1277-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.