Nuummi meeqqanut ilaqutariinnullu sullissivimmi sullissinermut aqutsisoq / Behandlingsleder for Familiecenteret i Nuuk

Kommuneqarfik Sermersooq

Nuuk

Ikkunneqarpoq: 22-02-2024

Piffissaq atuuffissaa naassaaq: 14-03-2024

Suliffissamut ID normut: 331588380

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa:

Misilittakkat - Annertunerusumik: Engageret, Stabil, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Ilaqutariit sullissinneqarnissaannut katsorneqarnissaannullu ilusileeqataanissamut peqataarusuppit? Kommuneqarfik Sermersooq psykologimik sullissivimmi pisortassarsiorpoq.

Sullissivimmi aqutsisoq ineriartortitsissaaq Ilaqutariinnullu sullissivimmi aqutsisut sullissinissamut neqeroortissallugit.

Sullissinermut aqutsisup Meeqqanut Ilaqutariinnullu sullissivimmi aqutsisoq peqanngikkaangat paarlattassavaa.

Sullissinermi aqutsisutut Meeqqanut Ilaqutariinnullu sullissivimmi aqutsisoq qaninnertut qullersaralugu suleqatigissavat.

Suliffik Nuummi ilaqutariinnut sullissivimmiippoq, Holbølsvej 8-miilluni. Taanna Kommuneqarfik Sermersuup immikkoortortaaniippoq Meeqqanut Ilaqutariinnullu sullissivianiilluni.

Nuummi Ilaqutariit sullissivianni aqutsisup sulliffiani pingaartinneqarlunilu salliutinneqartoq tassaavoq suleqatigiit suliffimminni atugarissarnissaat aamma sulianut tunngasunik ineriartortitsineq. Ilaqutariit inuuniarnermikkut katsorsarneqartussat pillugit periarfissarissavat sunniuteqarfigalugu, taakku sullinneqarnissaannut neqerooruteqartitsisarnissaq.

Atorfik maannamut atorfigineqanngitsoq maajip aallaqqaataani 2024-mi atorfigineqalissaaq imaluunniit isumaqatigiissuteqarnikkut sulilerfigineqarsinnaalluni.

Akisussaaffiit:

·Ilaqutariit meerartallit Nuummi ilaqutariinnut sullissivimmut katsorsarneqarnissaannut innersuunneqartut sullinneqarnerinut akisussaassuutit, passunnerinut aamma perorsaaneq tunngavigalugu sulissuteqarnerinut

·Ilaqutariinnut sullitassatut innersuunneqartunut sullisissaatit katsorsaallutit

·Sullissivimmi aqutsisoq suleqatigalugu sulisut sullissinerminnut suliaannut tunngasunik aamma perorsaanermut tunngasunik sullissinerisa ineriartortinneqarnerinut qulakkeerinnissaatit

·Ulluni suliffiusuni inunnik sullissineq ataqatigiissartassavat, ilaqutariillu katsorsagassatut innersuunneqartut pillugit sulisut siunersiueqatigisassavatit

·Sullissinerit ingerlanneqarnerisa qulakkeernissaat, sullinneqartut pillugit nalunaarsorneqarnerisa allattaaviinut aamma sullinneqarnissaasa piffissalerneqarnerisa allassimanissaanut akisussaasuusaatit

·Immikkoortortami aqutsisup peqannginnerani paarlattaasassaatit

Ilinnut tunngasoq:

Naatsorsuutigaarput allassimasut amerlanerit ilinnut tulluassasut:

·Psykologitut ilinniagaqartutit

·Angajoqqaanik, taakkulu meeraannik aamma inuusuttunik sullissinermik misilittagaqarlutillu ilisimasaqartutit, ajornanngippat Kalaallit Nunaanni

·Inuttut aamma sulinikkut tunniulluarsimasuunissat aamma anguniakkanut pimoorussillaqqillutit 

·Suliannut aaqqissuilluaqqittuullutit, ataqatigiissarillaqqillutit, pilersaarusiullaqqillutillu suliatit malinnaavigisinnaasarlugit

·Pitsaasumik oqaasertaliorsinnaallutit, oqaaseqatigiiliorsinnaallutit

·Inoqatinnut akuersaarpalaartumik pissuseqassaatit, atulersikkusutat pillugu ukkassinissamut kajumissuseqarlutillu piginnaasaqassaatit

·Suliassanut naleqqussaruminartuussaatit suleqatigikkuminarlutillu

·Suliffeqarfik ineriartortuartoq kajumissuseqarfigalugu suliffigissavat

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigisinnaavagut:

Suliffik pissanganartoq anguniagassarpassualik.

·Suleqatit suleqatigikkuminartut

·Supervision, imaajartinneq

·Sullissivimmi suleqatinik siunersioqatigiinneq, soorlu Nuummi inuussuttunik sullissivimmi anguniakkat pillugit 

·Suliffimmi inuttullu ineriartornissamut periarfissaqarluarpoq, pikkorissaanerit tulluartut pikkorissaqarfigineqarsinnaallutik

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsissuungallartoq Martha Lund Olsen, oqarasuaat +299 36 60 65 imaluunniit e-mail: mtol@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Sapaatip akunnerani nalunaaquttap akunneri 40-t suliffigineqartarput.

Inissaq:
Atorfininnermut atatillugu inissiamik innersuussisoqarsinnaanngilaq.

Qinnuteqaat:
Qinnuteqaat qulequtserlugu Atorfiup ilisarnaataa 192-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.