sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Område for Velfærd Sisimiut søger en engageret Afdelingsleder til Ydelsesafsnittet

Qeqqata Kommunika

Sisimiut
Ikkunneqarpoq: 19-09-2022
Piffissaq atuuffissaa naassaaq: 10-10-2022
Suliffissamut ID normut: LJA-84046013
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Immikkoortortaq Immikkoortortamut aqutsisoq ilanngullu sulisunut pingasunut amerlassusiligaavoq. Atugarissaarnermut immikkoortortaq aqutsisumik patajaatsumik, tatiginartumik ineriartortitseqataarusuttumillu pissarsiorpoq
Atugarissaarnermut immikkoortortaq, Ilaqutariinnut Ikiorsiisarfimmullu, Allatseqarfimmut, Utoqqaat Innarluutillillu immikkoortortaanut, Timimik sungiusaasumut Pillorissaasumullu agguataarneqarlutik, sulisut 31-upput. Immikkoortortami aqutsisoqarnikkut Atugarissaarnermi pisortaq, Tullersorti, immikkoortortami aqutsisut sisamat, kontorfuldmægtig ataaseq, overassistenti ataaseq, piginnaanngorsartoq ataaseq sullissisullu 18-it sulisuupput

Immikkoortortaq ineriartortuartuuvoq, ukioq mannalu aaqqissuussaanikkut allanngortiterisoqarpoq, allanngortiterinermilu Ikiorsiissuteqarnermi immikkoortortaq pilersinneqarpoq, immikkoortortami ikiorsiiniutit ataatsimoortinneqarnissaat siunertaavoq innuttaasunullu iluaqutaasumik ataavartumik ingerlanneqarlutik. Immikkoortortat allat suleqatigalugit Ikiorsiissuteqarnermi immikkoortortap atuutilersinneqarnera suli ingerlanneqarpoq, tamannalu ingerlalluarpoq

Suliassat pingaarnerit:

  • Aqutsisutut nakkutilliineq matumani malittarisassat, inatsisit atuuttut kiisalu nakkutilliinermi nalunaarusiat eqqarsaatigalugit
  • Suliat Pensionisiaqalernissamut ataatsimiititaliamut saqqummiussassat kiisalu utoqqaat angerlarsimaffianut innersuussinerit pitsaassusaannik qulakkeerineq
  • Sullissisut suleqatigalugit sulianik ingerlasunik qulakkeerinninneq malitseqartitsinerlu
  • Naatsorsuutinut maleruaqqusat naapertorlugit missingersuutinik malitseqartitsineq Regnskabsregulativ
  • Utoqqalinersiutit pillugit kiisalu pisortanit ikiorsiissutit pillugit inatsit iluini ukiumut nalunaarsuinerit 
  • Innuttaasut aningaasaataannik tunniussanik qaammammut naligiissaarineq
  • Akileraarut akilertinnagu qaammammut akissarsianik nakkutilliineq
  • Atugarissaarnermut Immikkoortortami aqutsisoqatigiinni ilaasortaaneq
  • Sulisut ataatsimiisinneqarnerinut, Ulluni sammisaqarfiusuni Teambuilding-imilu peqataaneq
  • Suliat killiffissiorlugit ataatsimiinnerni peqataaneq
  • Immikkoortortami aqutsisooqatigiit ataatsimiinnerinut peqataaneq
  • Innuttaasunik sullissinerup ataavartumik qaffasissuunissaanik qulakkeerinneqataaneq
  • Aqutsisooqatigiit akornanni suliassanik takkussuuttunik suliaqarneq 

Suliassaqarfiit akisussaafigisat: 

  • Malittarisassat, inatsisit atuuttut kiisalu nakkutilliinermi nalunaarusianut atatillugu nakkutilliinermi aqutsisuuneq
  • Suliat Pensionisiaqalernissamut ataatsimiititaliamut saqqummiussassat aamma isumaginninnermut inissianut innersuussinerit pitsaassusaannik qulakkeerineq
  • Pensionisiaqalernissamut ataatsimiititaliamut kiisalu Utoqqaat siunnersuisooqatigiivinut allatsiuneq
  • Isumaginninnermut inissianut innersuussisartunut allatsiuneq
  • Paaqqutarinninnermut immikkoortumi innersuussinermut ataatsimiinnernut peqataaneq

Ilinniakkatigut piginnaasat: 

HK-mik assingusumilluunniit ilinniagaqartumit atorfik inuttalerneqarsinnaavoq, aqutsisutut pikkorissarsimasimanermik ilaqartumik ilinniarsimasimasumilluunniit, piumasaqaataanngilarli

Naatsorsuutigaarput:

  • Sulianut piginnaasaqarluartuusutit naatsorsuuserinikkut missingersuutinillu malitseqartitsinermik kiisalu nalunaarusiornermik siammasissumik misilittagaqartutit kiisalu immikkoortup iluani annertuumik misilittagaqartutit   
  • Misilittagaqartutit aammalu isumaginninnermut inatsit atuuttoq naapertorlugu sulisinnaasutit
  • Winformatik-imik atuisinnaanermut ilisimasaqartutit
  • Kinguneqartitsisinnaassuseqartutit kiisalu artornarsinnaasunik aalajangiisinnaassuseqartutit
  • Pisuni ulapaarfiusuni eqqissisimasinnaasutit kiisalu tamakkiisumik isiginnissinnaassuseqartutit
  • Sullissillaqqittutit, paasissutissiinissamut attaveqaqatigiinnissamullu piginnaasaqarluartutit 
  • Ilakkuminartuusutit ammasuusutillu
  • Suleqatikkuminartuusutit kiisalu Kommunimi Kommuninilu/ingerlatsivinnilu allani avataani suleqatinik assigiinngitsunik suleqateqarsinnaasutit 
  • ERP-systemet atorlugu sulisinnaaguit pitsaaqutaassaqaaq

Akissarsiat, atorfinitsitaanermilu atugassarititaasut: 

Kalaallit Nunaanni Namminersorlutik Oqartussat, AK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Qaammatini pingasuni misiligummik atorfinitsitsisoqassaaq. 

Atorfininnissaq piaartumik isumaqatigiissuteqarnikkulluunniit pissaaq:

Atorfik pillugu paasissutissat annertunerusut Atugarissaarnermut immikkoortortap pisortaanut Estella Buhrkall oqarasuaat (+299) 86 74 31, e-mail: esbu@qeqqata.gl imaluunniit Pisortap tullianut Ittukusuk Heilmann oqarasuaat (+299) 86 74 17, e-mail: ithe@qeqqata.gl saaffiginninnikkut pissarsiarineqarinnaapput 

Qinnuteqaatit:

Qinnuteqaat ilinniarsimanermut uppernarsaatit assilinerinik, oqaaseqaatinik, imminut ilisaritinnermik, attaveqarfissanillu ilalik kingusinnerpaamik ulloq 10.10. 2022


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia