sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommuneqarfik Sermersooq

Oqalutsimik/Nutserisumik Nutserisoqarfimmut / Tolk/Oversætter til Tolkekontoret

Kommuneqarfik Sermersooq

Nuuk
Ikkunneqarpoq: 09-02-2024
Piffissaq atuuffissaa naassaaq: 01-03-2024
Suliffissamut ID normut: 331588241
Atorfeqarnermi atugassarititaasut: Tamakkiisoq
Suliassaqarfik: Allat
Atorfiup taaguutaa: Tolk
Misilittakkat - Annertunerusumik: Engageret,
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Kommuneqarfik Sermersooq oqalutsimik/nutserisumik Nuummi nutserisoqarfimmi sulisussamik pissarsiorpoq.

Nutserisoqarfik Suliffeqarfimmi Kiffartuussiviup ataani inissisimavoq. Nutserisoqarfik qulingiluanik inuttaqartussaavoq. Nutserisoqarfik kommunip allaffissornikkut sullissiviinut suliffeqarfiutaanullu tamanut kiffartuussiviuvoq, allattariarsornikkut nutsigassat oqaluttaanermillu suliassat tamaasa akissussaaffigalugit.

 

OQALUTSI/NUTSERISOQ, atorfiup taassuma imarai; allattarissatigut oqaluttarissatigullu nutserinermik suliassat, kiisalu Kommunalbestyrelsip ataatsimiinnerini, ataatsimiititat ataatsimiinnerini aammalu Kommuneqarfiup Allaffiani illoqarfimmilu Kommuneqarfik Sermersuup aaqqissugaanik ataatsimiinnerni allani, oqaloqatigiinnik aammalu toqqaannartumik oqaluttaanerit.

 

Naatsorsuutigaarput:

·Oqalutsitut/nutserisutut ilinniarsimasuunissat

·Toqqaannartumik oqaluttaasinnaanissat

·Kalaallisut, danskisut piginnaaneqarluarnissat aammalu allamiut oqaasiinik piginnaaneqarnissat

·Eqaatsumik suleriaaseqartuunissat piffissamillu paarsilluartuunissat

·Pitsaasumik kiffartuussisinnaanissat

·Suliassanik pingaarnersiusinnaallutillu pitsaasumik suliaqarsinnaanissat

·Suleqatikkuminartuullutillu inussiarnertuunissat

·Ulapaarfiutillugu eqqissisimasinnaanissat

·Namminersorlutit sulisinnaanissat

·Qarasaasiamik atuillaqqissuunissat

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Afdelngsleder Kim Rosing, oqarasuaat +299 36 72 52 imaluunniit e-mail: kimr@sermersooq.gl

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.


Atorfinititsineq qaammatini pingasuni misiliutitaqassaaq
.

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit 
www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:

Qinnuteqaat qulequtserlugu Atorfiup ilisarnaataa 149-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia