sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ornittakkami aqutsisoq

Avannaata Kommunia

Upernavik
Ikkunneqarpoq: 27-05-2024
Piffissaq atuuffissaa naassaaq: 15-06-2024
Suliffissamut ID normut: LJA-85515006
Atorfeqarnermi atugassarititaasut: Tamakkiisoq
Suliassaqarfik: Allat, Aqutsineq, Isumaginnittoqarfik, Meeqqat & inuusuttut

Avannaata Kommuuniani Kullorsuarmi ornittakkami aqutsisutut atorfik tamakkiisoq ulloq: 15. juli 2024 imaluunniit isumaqatigiissuteqarnikkut inuttassarsiorneqarpoq.

Ornittagaq Kullorsuarmi ammasarpoq ataasinngornermiit, tallimanngornermut, neqerooruteqarlunilu meeqqanut inuusuttunullu 1. Klasseniit 25-nik ukiulinnut. Immikkoortut pingasuupput: 1-4. klasset, 5-8 klasset, inuusuttunullu klubbi 9 klasseniit 25-nut ukiulinnut. Arfininngornikkut ilaqutariinnut klubbertitsineq neqeroorutigisarparput, meeqqat angajoqqaatit peqatigalugit ornissinnaasaat.

Ornittakkani sulinermi ilinniagalik, imaluunniit Inunnik isumaginninnermi ikiorti/Siunnersorti, allatulluunniit taamaaqataanik ilinniagalik.

Suliassat aamma akisussaaffiit.

  • Politikkikkut aalajangersakkat naapertorlugit Avannaata Kommuuniani sinaakkusikkat sulissalluni.
  • Sulisut peqatigalugit ornittakkap anguniagai pilersaarusiussallugit.
  • Ukiumoortumik ornittakkap pilersaarutai sulisut peqatigalugit suliarissallugit.
  • Ulluinnarni ornittakkap anguniagai siunertaalu malillugit ingerlatsinissaq akisussaaffigalugu.
  • Allaffissornikkut akisussaasuunik, sulisut nalunaarsorneri ilanngullugit.
  • Meeqqat inuusuttullu perorsaanikkut ineriartornissaat qulakkiissallugu.
  • Immikkoortortami siunertat pilersaarutillu malinnaaffigineri akisussaaffigalugit.
  • Attaveqarneq, meeqqanut, atuisunut, angajoqqaanullu.
  • Sulisunut aqutsineq, paarlatsinullu.
  • Paarlattaasinnaaneq pisariaqartillugu.
  • Sulisut pikkorissarnissaannut isumaginnillunilu ataqatigiissaarineq.
  • Ukiumoortumik MUS pilersaarusiorlugulu ingerlannissaa.
  • Sulisunut ajutoornissamut sillimaniarneq pillugu, sillimaniarnermullu ilisimatitsineq.
  • Naatsorsuutit missingersuutinullu aqutsineq.
  • Ulluinnarni ornittakkamik aqutsineq ingerlatsinerlu, illorsuarmullu akisussaasuuneq.
  • Susassaqarfinnik allanik suleqateqarneq.
  • Ulluinnarni pinaveersaartitsinermut, peqqinnissamut, inuunerinnissamut, timersornermullu meeqqat inuusuttullu sammisaqarnissaasa ataqatigiissaarnissaat pilersaarusiorlugillu.
  • Pinaveersaartitsinikkut suliniutinut peqataanissaq.
  • Sunngiffimmi aqutsisup suleqatiginissaa.

Piginnaasatit.

  • Inulerisutut ilinniarsimasoq (Pædagog) assigusumilluunniit ilinniagalik.
  • Sulisunut aqutsinermik, allaffissornikkullu misilittagalik.
  • Akisussaassusilik aalajaatsorlu.
  • Eqaatsumik suleriusilik, ilakkuminartoq suleqatikkuminartorlu.
  • Siamasissumik suleriuseqarluni periusilik.
  • Namminiussuseqarluni sulisinnaasoq, suleqatikkuminartorlu.
  • Pilersaarusiorsinnaasoq naammassillugillu.
  • Ineriartuutaasunik takorluuillaqqissuseqarnerlu sulinermi.
  • Inuttut ineriartornissamik soqutigisalik.
  • Paasissutissiinerit, raatiu, tv-lu aqqutigalugit ingerlassinnaallugit.
  • Kalaallisut qallunaatullu oqalussinnaallunilu allassinnaasoq.

Akissarsiat aamma atorfeqarnermi atugassarititaasut.

Atorfik isumaqatigiissutit naapertorlugit akissaasersugaavoq.

Atorfimmut atatillugu inissaqartitsisoqanngilaq.

Atorfinitsitaanissaq tunngaveqassaaq, naammaginartumik pineqaatissinneqarsimannginnermut uppernarsaammik saqqummiinissamik kiisalu børneattest-mik piumasaqaatinut eqquutsitsisimanissamik. Taakku atorfinitsitsisarnermut akisussaasunit piniarneqassapput sulisup allakkatigut akuersineratigut piniarneqartussanik, tamatuma kingorna atorfinitsitsisarnermut akisussaasut piumasarineqartut Rigspoliteeqarfimmut piniassavai.

Attavissaq.

Atorfik pillugu annertunerusumik paasisaqarusukkaanni Peqqinneq Sunngiffillu Kullorsuaq-mut: Birgitta Kammann Danielsen oqarasuaat: +299593933 imaluunniit email: bida@avannaata.gl saaffigineratigut pineqarsinnaapput.

Kingusinnerpaamik qinnuteqarfissaq.

Qinnuteqaat ilinniarsimanermut siusinnerusukkullu suliffigisimasanut paasisssutissanik ilaqartoq, soraarummeernermi pappiaqqat nuutinnerannik il.il. ilaqartillugu, nassiunneqassaaq kingusinnerpaamik: 15. juni 2024 Avannaata Kommuniata nittartangaani allagarsiussami ”Atorfik una qinnuteqarfigiuk” toorneratigut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat