Paamiuni Kontorfuldmægtig marlunnik pissarsiorpoq / Paamiut søger 2 kontofuldmægtig

Kommuneqarfik Sermersooq

Paamiut

Ikkunneqarpoq: 08-08-2024

Piffissaq atuuffissaa naassaaq: 29-08-2024

Suliffissamut ID normut: 331600179

Atorfeqarnermi atugassarititaasut: Tamakkiisoq

Suliassaqarfik: Allaffik & allaffissorneq, Allat

Atorfiup taaguutaa: Kontorfuldmægtig

Ilinniagaq:

Misilittakkat - Annertunerusumik: Engageret, Selvstændig, Stabil, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Isumaginninnermut Suliffeqarnermullu Ingerlatsiviup Pisartakkanik isumaginnittoqarfia Paamiuni Kontorfuldmægtig marlunnik pissarsiorpoq.

Isumaginninnermut Suliffeqarnermullu Ingerlatsiviup Pisartakkanik Isumaginnittoqarfiani Immikkoortortaq, sullissisunik marlunnik piaartumik sulilersinnaasunik pissarsiorpoq, ulloq 1. oktober 2024 Imaluunniit sapinngisamik piaartumik sulilersinnaasumik.

Sullissivik pillugu:

Pisartakkanik isumaginnittoqarfik, Isumaginninnermut Suliffeqarnermullu Ingerlatsiviup immikkoortortaani Oqartussaqarfianiippoq.

Suliffeqarnerup, Pisortat ikiorsiissutaasa, Erninermi tapiissutit, Ineqarnermullu tapiissutit kiisalu Utoqqalinersiallit iluini inatsit atuuttoq malillugu aammalu innuttaasut ataasiakkaat pisariaqartitsinerisa sukumiisumik naliliivigisarneri tunngavigalugit tapiisoqartarnissaa Sullissivimmit qulakkeerneqartartussaavoq.

Kontorfuldmægtig-it pisortanit ikiorsiissutit suliffissaaleqisunullu ikiorsiissutit pillugit inatsisit nutaat 1. januaari 2024-mi atuutilertussat malillugit kiffartuussisussanik pissarsiorpugut. Innuttaasut inatsisit nutaat malillugit ikiorsiissutinik attuumassutilinnik pissarsisarnissaannik qulakkeerinneqataassaatit.

Ilaatigut suliassatit ukuussapput, akiligassanik suliaqarneq, allakkat isertut suliarineri, innuttaasut angerlarsimaffeqanngitsut sullinneri, siusinaartumik pension-ialinnut sullissisoq suleqatiginissaa.

Sullissisut suliassaqarfittut akisussaaffigaat Kommuneqarfik Sermersooq tamaat, matumani illoqarfiit Nuuk, Tasiilaq, Paamiut Ittoqqortoormiillu aamma nunaqarfiit ilanngullugit.

Oqartussaqarfittut immikkoortup aamma illoqarfiit nunaqarfiillu akornanni qanimut suleqatigiittoqassaaq.

Tamatuma saniatigut pingaartipparput, illit:

·Ineriartortitsinermik sullissilluarnermillu pingaartitsisuussasutit

·Suleqatikkuminartoq

·Isumalluartuullutillu ilakkuminartuusutit

·Aalajaatsuussaaq, pitsaassutsimik ilisimasaqarluartuussaaq ataasiakkaanullu

maluginiaasinnaassaaq

·Allattariarsornermi oqaluttariarsornermilu ersarissumik paatsuugassaanngitsumillu

attaveqartartuusutit

·Namminersorluni sulineq akisussaassutsinillu ilisimaarinnilluartuunissat

·Sulianut atatillugu sungiussilluarsimasoq ataavartumillu suliat agguataarneqartarnerannik

nalimmassaalluarsinnaasoq

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu

·Arlalissuarnik suleqateqallaqqissuussaaq

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

Suliffik suleqatitsialaat suleqatigalugit aammalu atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq. Tamakkununnga ilanngullugu qanimut siunersiueqatigiiffimmi suleqatigiilluni suliffik avatangiiseqarnissaa aamma suliniuteqarnissap nutaaliornissallu inissaqartuarnissai anguniartuarparput.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Najannguaq Rosing, oqarasuaat +299 36 76 03 imaluunniit e-mail: nari@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 821-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.