sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Paarisa MANU-mut qaammatinut arfinilinnut siunnersuisartumik paarlatissarsiorpoq

Namminersorlutik Oqartussat

Nuuk
Ikkunneqarpoq: 22-06-2020
Piffissaq atuuffissaa naassaaq: 20-07-2020
Suliffissamut ID normut: LJA-80512696
Atorfeqarnermi atugassarititaasut: Piffissaq ilaannaa
Suliassaqarfik: Isumaginnittoqarfik

Kalaallit Nunaat tamakkerlugu MANU-mik ineriartortitsinissamut atulersitsinissamullu ´piumassuseqarpit?  Taava atorfik una ilinnut tulluartuuvoq.

Meeqqat-, inuusuttut-, ilaqutariinnullu tunngasut iluini ineriartortitsinermik pimoorussilluni suliaqarnissamut  Pitsaaliuinermut Isumaginninnermullu Aqutsisoqarfik suleqatitaassarsiorpoq,  Atorfik oqartussaasoqarfiit assigiinngitsunik suliallit akornanni pitsaaliuinermut immikkoortortaqarfiup PAARISA-p ataani inissisimavoq, tassanilu ilaatigut nuna tamakkerlugu periusissat nutaat kiisalu Peqqinnissaqarfiup aamma isumaginninnerup iluani suliniutit kommunit oqartussallu allat suleqatigalugit suliarineqartarput. Immikkoortortaqarfimmi suliassat pingaarnerit ilagaat suliassaqarfinnit assigiinngitsunit suliniutinik, oqartussaasunut kiisalu innuttaasunut tunngassuteqartunik ineriartortitsineq.
Suliffitsinni ullut tamaasa ulapaarfiusumi annertuumillu unammilligassaqarfiusumi sulisut suliaminnut tunngatillugu pikkorissut tunniusimasullu suleqatigissavatit. Kalaallit Nunaat tamakkerlugu MANU-mik ineriartortitsinerit atuutsilersitsisarnerillu akisussaaffigisassavit ilagissavaat, taamaattorli suliassanik allanik piginnaasannut unammillernarsinnaasunik suliaqartarsinnaanissat piareersimaffigissavat. Piginnaasavit unammillernissaannut immikkoortortaqarfimmilu ineriartortuartumi suleqataanissamut periarfissagissaarputit.

MANU sunaana?
MANU tassaavoq angajoqqaanut pikkorissarfik, tassaasoq atugarissaarnikkut peqqinnissakkullu takussutissani siuarsaaffiusoq nalinginnaasumillu pinaveersaartitsinermut neqeroorut.  Naartusunut ilaqutariinnullu naalungiarsuutilinnut tamanut, ataatamut anaanamullu perorsaanermut tunngasutigut neqeroorutaasoq  Meeqqat-, ilaqutariinnullu atugarissaarnikkut peqqinnissakkullu siuarsaanissaq, inuunermi kingusinnerusukkut ajornartorsiutaalersinnaasut pinaveersaartinnissaat, attaveqaatinik isumaqarluartunik pilersitsinissamut ilanngussinissaq aammalu kommunip Namminersorlutillu Oqartussat neqeroorutaasa sinnerinut aqqutissiuisuunissaq  MANU-p siunertaraa Tunngaviusutut eqqarsaataasoq tassa, ilaqutariit MANU-p ataaniittut "inuunertut pitsaasutut" namminneerlutik isumaqarfigisaminnut pilersitsinissamut annertunerusunik periarfissinneqassasut. MANU-p angajoqqaat peqqinnartumik meeqqaminnut misigissutsimikkut attaveqarnerat nukittorsarniarpaa, kiisalu angajoqqaat uippakajaarnermut pisunullu ajornartorsiuleriataarfiusunut maattuujunissaasa nukittorsarneqarnissaat siunertanut ilanngussiniarpoq.
 
Atorfik pillugu
Suliffimmi isumassarsianik ineriartortitsisarnermik, ataqatigiissaarisarnermik, akuutitsinermik atuutsilersitsisarnermillu pingaartitsisumi suleqataassaatit.
 
Suliassatit Ilaatigut makkussaapput:

  • MANU-mik tapersersuineq ingerlanissarlu isumagalugit
  • Kalaallit Nunaat tamakkerlugu MANU-mik ineriartortitsillunilu, nutarterillunilu atuutsilersitsineq.
  • Nuna tamakkerlugu suliamut ilinniarsimasunik siunnersuineq ilitsersuineq, ilinniartitsineq ilitsersuinerlu
  • Suliassaqarfinni assigiinngitsuni suleqatigiinnerit ataqatigiissaartarneri
  • Suliamut ilinniarsimasunik tapersersuisarneq/ikorfartuisarneq
  • Atortussanik allattariarsorluni suliaqartarneq soorlu killiffiit pillugit nalunaarusiortarnerit
  • Ilisimasanik katersineq ingerlatseqqittarnerlu
  • Malittarinninneq nalilersuinerlu
  • Sulinermi atortunik nutaanik atuutsilersitsisarnermut peqataaneq
Piginnaasatit
Suleqatissarsiorpugut makkuninnga piginnaasalimmik:
  • MANU-mik ilisimannilluartoq suliniutinillu ingerlatsinermik misilittagalik
  • Meeqqanut inuusuttuaqqanullu sullissinerup iluani misilittagaqartuusoq kajumissuseqarluartorlu.
  • Suliassanut ineriartortitsinermut, atuutsilersitsinernut, nakkutilliisarnernut nalilersuisarnernullu tunngasunik suliaqarnissamut tunniusimasoq, aallussilluarsinnaasoq aaqqissuussamillu sulisinnaassusilik
  • Suliassanik naammassinninniartarnermi eqaatsumik ujartuisumillu periusilik
  • Attaveqartarninni allattariarsornikkut oqaluttariarsornikkullu ersarissuusarnissat.
  • Qarasaasiamik atuilluarsinnaassasutit
  • Suliassaqarfinni assigiinngitsuni suliassanik suleqataasinnaalluartoq
  • Ilitsersuisutut (supervisoritut) ilinniarsimasutut allagartalik
  • Angalasarnissamut piumassusilik
MANU-mik suliaqarnerup saniatigut atorfigiligassami Paarisap suliniutaani allani soorlu kinguaassiutitigut atornerluisarnermut, siusinaartumik iliuuseqartarnissamut, imigassamut, ikiaroornartumut il.il. tunngasuni suleqataasassaatit. Ilinniagarisimasatit pingaarnerpaajunngillat taamaattorli suliassatit pimoorullugit kajumigalugillu suliarisinnaassavatit. Peqqissutsimut ilisimatusarnermik kanditatitut ilinniagaqarsimasinnaavutit, aammattaarli peqqissaasutut, ilinniartitsisutut, perorsaasutut, ernisussiortutut allatulluunniit ilinniagaqarsimasinnaavutit.
 
Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik, Naalakkersuisuni aqutsisoqarfiuvoq tulliuttunik tallimanik immikkoortortaqarfeqartoq: Pinaveersaartitsinermut immikkoortortaq Paarisa, Aningaasaqarnermut immikkoortortaqarfik, Ulloq unnuarlu aamma nalilersuisarnermut immikkoortortaqarfik, Qitiusumik Siunnersuisarfik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.
 

Akissarsiat atorfinitsitaanermilu atugassarititaasut
Atorfik qaammatini arfinilinni paarlatsitut atorfiusoq sapaatit akunneranut akunnerit 32-it suliffiusartoq piaarnerpaamik inuttalerniarneqarpoq. Atorfik aaqqissuussaanikkut Nuummi Pitsaaliuinermut Isumaginninnermullu Aqutsisoqarfimmi inissisimavoq. Atorfimmut atatillugu piffissap ilaanni angalangaatsiartarnissaq naatsorsuutigisariaqarpoq.
 
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut:
Atorfik pillugu annertunerusumik paasisaqarusukkuit, attavigisinnaavat suliatigut aqutsisoq Kirsten Fencker ugguuna kfen@nanoq gl / +299 346906 imaluunniit MANU-mik siunnersorti  Rosa Moth-Lund ugguuna roml@nanoq gl / +299 344263.
Qinnuteqarnissamut killissarititaq: 20 juli 2020, nal. 12:00 (nunatsinni nalunaaqutaq malillugu).

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia