sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Peqqissanermik Ilinniarfik ilinniartitsisussarsiorpoq

Namminersorlutik Oqartussat

Nuuk
Ikkunneqarpoq: 02-12-2021
Piffissaq atuuffissaa naassaaq: 27-12-2021
Suliffissamut ID normut: LJA-83045600
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

Peqqissaanermik Ilinniarfik peqqissaasutut imaluunniit peqqissutsimut tunngasunik ilinniagalimmik ilinniartitsisussarsiorpoq.
 
Ilinniartisineq aqqutissiuinerlu soqutigisaqarfigigukkit, taava immaqa illiuvoq Peqqissaanermik Ilinniarfimmiit ujartugarput.  Atuartitsisutta ataatsip, unammisassanik nutaanik ujartuinera peqqutigalugu, peqqissaasutut imaluunniit peqqissutsimut tunngasunik ilinniagilimmik, assigiinngitsuni ilinniartitsinermik aqqutissiuinermillu suliaqarnissamut kajumittunik pissarsiorpugut. Sulinerput unamminarsinnaasarmat nukittuumik soqutiginnittumillu suleqatissarsiorpugut. Immikkoortuni assigiinngitsuni ass. tungiuneq-, peqqissaaneq-, ilinniartitsineq-, tarnillu pissusaanik ilinniartitsineq ingerlassinnaassavat. 
 
Atorfimmi ulloq sulilerfissaq 1. februar 2022
 
Atorfimmut tunngatillugu
makku suliassatut naatsorsuutigineqarsinnaapput:

  • Ilinniartitaanerni assigiinngitsuni ilinniartitsineq
  • Ataqatigiissaarinermut tunngasut
  • Allattariarsukkanik suliaqarnermi aqqutissiuineq
  • Sulinermik sungiusarfinnik suleqateqarneq
  • Pilersaarusiornermut- ineriartortitsinermullu tunngasut
     
    Taakku saniatigut neqeroorutigaagut:
  • Annertuumik namminersorsinnaatitaaneq
  • Kulturinik assigiinngitsunik avatangiiseqarluni, ilikkagaqartitsinikkut piginnaasanillu ineriartortitsinikkut, ilinniakkatigut ilinniartitsinikkullu unammilligassinneqarneq
  • Ilinniartitsiviit kusanartunik avatangiisillit
  • Suleqatit suliassaminnut tunniusimasut kajumissuseqartullu
  • Ilinniaqqinnissamut periarfissat
     
    Naatsorsuutigaarput:
  • Peqqissaasutut-, timimik sungiusaasutut imal. pillorissaasutut ilinniarsimasuunissat
  • Qaffasissumik ilinniagaqaqqissimanissat (atorfininnissamut immikkut akuersissummik tunisisoqarsinnaavoq)
  • Ilinniartitsinermi misilittagaqartuuneq qujarunneqassaaq
  • Ilinniartut suleqatillu peqatigalugit ineriartorfiusumik suleqatigiinnermut kajumissuseqarnissat piginnaaneqarnissallu
  • Illugiinnik oqaaseqartuunissat (kalaallisut qallunaatullu) 
     
    Sapaatip akunneranut akunnerit 40-t suliffiusarput
     
    Paasissutissat sukumiinerusut
    Paasissutissat sukumiinerusut uunga attaviginnillutit pissarsiarisinnaavatit: Ilinniakkanut aqutsisoq: Navarana Johansen, oqarasuaat: 349974, e-mail: njon@nanoq.gl imaluunniit Pisortaq Lisa Ezekiassen, oqarasuaat: 349953, e-mail: lie@nanoq.gl
    Kalaallit Nunaat Namminersorlutillu Oqartussat pillugit paasissutissanik allanik pissarserusukkuit taakku nittartakkami www.nanoq.gl -imi suliffissanut tunngasumi pissarsiarisinnaavatit.
     
    Qinnuteqaat
    Qinnuteqarfissaq kingulleq 27. december 2021
     
    Atorfinitsitsinissamut oqaloqateqarnissat sapaatip akunnerani 52-imi ingerlanneqarnissaat naatsorsuutigineqarpoq.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia