sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Pinngortitaleriffik aquttuunermik umiarsuatsinnut misissuissummut pissarsiorpoq

Namminersorlutik Oqartussat

Nuuk
Ikkunneqarpoq: 26-01-2022
Piffissaq atuuffissaa naassaaq: 16-02-2022
Suliffissamut ID normut: LJA-83287887
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq

Pinngortitaleriffik kilisaataatitsinnut R/V TARAJOQ-nut suleqataalluarsinnaasunik akisussaaffeqarluartunillu piaarnerpaamik atorfinittussamik aquttuunermik pissarsiorpoq. Aquttuuneq
Suleqatigiinni savituuni sullisserusussuseqarluartuni inissisimalluaruit matuma ataaniittut atuakkit:
Kinaavit
Ulluinnarni suliassanut unammillernartunut tunngatillugu ammasuuvutit sulerusussuseqarlutillu. Nammineerlutit aalajangiisinnaassuseqartariaqarputit tamannalu ilutigalugu ajunngitsunik suleqatiginnissinnaassuseqarnerit takutissagit naatsorsuutigineqarpoq, tassami atorfik kilisaammi aqutsisutut akisussaassuseqarfiusussaammat.
Suliassat pingaarnerit:
• Naalakkap tullersortaa aamma naalakkap pigaartuunnginnerani taassuma suliassaanik isumaginnittartussaq
• Naalakkap sulinngiffeqarnerani naalakkamut paarlatsi
• Qalorsuarnut atortunut aalisarnermullu atortunut allanut akisussaasoq
•  Aalisarnermut atortussarsiniarnermut kilisaammilu tamakkuninnga peqqumaateqarnissamut akisussaasoq
• Naalagaq siunersioqatigalugu kilisaatip qaavani suliassanik aaqqissuussinerit
• Usilersornermut usingiarnermullu akiussaasoq
• Kilisaatip ingerlanneqarneranut tunngatillugu isumannaallisaanerit pillugit aalajangersakkat tamarmik malinneqarnerannut akisussaasoq
• Kilisaatip annanniutaanut ikuallattunillu qatserinernut atortunut akisussaasoq aamma kilisaammi inuttaaqataasoq – umiarsuup qatserneqarneriataarnissaanut qimariataarnissaanullu piareersimasooqataasoq
• Napparsimasut katsorsarneqarnissaannut akisussaasoq aamma kilisaammi napparsimasoqartillugu ajutoortoqartillugulu passisussaq
Kilisaammi naalagaatillutit imaattuussaatit:
• Kilisaammi oqartussaasuni qaffasinnerpaaq aamma umiarsuaatileqatigiiffimmi aqutsisunut sinniisussaq
• Inatsisit, malittarisassat kilisaammilu peqqussutit tamarmik malinneqarnissaannik qulakkeerinnittussaq • Inuttanut tamanut qullersaalluni akisussaasoq
• Sullitanik pitsaanerpaamik sullissinissamik qitiutitsisuussaaq aamma ilisimatusartut misigisaasa nuannerusunngortinnissaannut pissutsinik tappissuussaaq nalilersuisinnaallunilu Ilinnit naatsorsuutigisavut:
• Kalaallit Nunaata imartaani kilisaammi aquttutu/naalakkatut angalasarsimanerit uppernarsarneqarsinnaasut.
• Ammasuusinnaassuseqarneq, inussiarnersoq aamma piumassusilik.
• Suleqatigiinni akisussaassuseqarluarnermik sapiissuseqarnermillu pingaartitsisuni suleqataanissamut kajumittoq piumasssuseqartorlu.
• Kajumissaasinnaanermik piginnaasalik aamma suliassanik suliakkiisartoq, taamaalillutik suliassat pitsaasumik suliarineqarniassammata aamma malinnaatitsinissaq qulakkeerneqassammat.
• Ulluinnarni ulapiffiusuni ataatsikkut arlalinnik suliaqarfiusartumi sulianik aqutsisinnaaneq. • Naalakkatut imarsiornermut inuussutissarsiutilik (STCW II/2).
• Radiomik atuisinnaanermut uppernarsaat GOC.
• Imaani sillimaniarnermut, qatserisartuni aqutsisutut, pujorsiortartutut, peqqissutsimullu (atuagaq tungujortoq) uppernarsaatit.
• Nakorsaataasivik A. § 6 patajaassutsimik pikkorissarsimanermut aamma §7 aamma §8Ajornartorsiornermik. aqutsisinnaanermik inuttullu pissusilersortarnerit pillugit pikkorissarsimanernut uppernarsaatit.
• ISM-ISPS, Polarcode Reg V/4 § in polar uxeters ilisimaneqarnissai kissaatigineqarpoq. Aquttuuneq naalakkamik qullersaqarpoq. Aquttuunerup kilisaammi inuttatut allatulli ulluinnarni ingerlatsinernut peqataanissaat, kilisaammi isumannaallisaanermik ineriartortitseqataanisaat pitsanngorsaaqataanissaallu kiisalu biologit teknikkikkut ajornartorsiutiminnik iluarsiiniarneranni aaqqeeqataasarnissaat naatsorsuutigineqarpoq. Ukiumoortumik nalinginnaasumik qaammatini tallimani – arfinilinni sivisutigisinnaasartunut aallartarnernut, nalinginnaasumik maajimiit novembarip tungaanoortartunut, aamma ilaasassaatit (sivikitsumik sulinngiffeqarsinnaallutit)
R/V TARAJOQ
R/V TARAJOQ Kalaallit Nunaata ilisimatuussutsikkut umiarsuassaraa 2896 BT pilersaarutillu malillugit juunimi Kalaallit Nunaata imartaani misissuinerit aallartissapput.
• Umiarsuup siumut ingerlasinnaassusiata motoria pingaarneq (2920 kW) MAN 8L 27/38 kiisalu MAN generatorit minnerit marluk. Atortutigut sillimaffigineqarpoq umiarsuup DNV GL`s "Silent notation"-imut, nuussinnaanissaa semi-diesel atorlugu innaallagissamik ingerlanneqarsinnaalertillugu.
• Umiarsuaq tunngaviusumik assigiinngitsorpassuartigut imaani ilisimatusarnermut atorneqarsinnaavoq, aalisakkanillu misissuinissamut sanaajulluni, immami misissueqqissaarnerit kiisalu immap uumasoqassusianik, akoqarneranik qanorlu inneranik misissuisinnaassuseqassaaq il.il.
• Umiarsuaq assigiinngitsunut atorneqarsinnaasumik qaaqassaaq, imaani ilisimatusariaatsit assigiinngitsut, nalinginnaasumik alaatsinaannerit suliarineqarnerisa saniatigut pisariitsumik suliarineqarsinnaasunngorlugit sanaajusumik qaaliorneqassagami.
• Umiarsuaq naqqarsiutinik kilisassinnaavoq (raajat, qalerallit, saarulliillu) 50-1500 m aammalu immap ikerani kilisassinnaalluni (avaleraasartunik, ammassannik il.il.), soorluttaaq umiarsuup naqqaniit singinneqartartumik immamilu assiliorsinnaasumik ammassaat immallu ikerani uumasut allat assilisinnaassassavai.
• Umiarsuaq nutaalianik ilisimatusarnermut atortulersugaallunilu tappiorannartunik misissuisarfeqassaaq inunnullu 32inut inissaqartitsissalluni – taakkunani inissat 20it ilisimatusartartunik atorneqartassaapput. Assigiinngitsunik ilisimatusartut arlallit ataatsikkut ilaasorineqarsinnaapput, soorluttaaq imarsiortutut ilinniagaqartut suliffimmillu misiliisut inissaqartinneqartut.
• Sukkatsutsimut sumiiffiit: Worldwide trade IMO Polar kode ilanngullugu, Atlantikup avannaa, Kalaallit Nunaat, Canada, Island, Spitzbergen, aammalu Barentip imartaa. Umiarsuaq ukununnga inissisimasutut nalunaarsorneqarsimavoq: DNV-GL +1A, Ice ( 1B) , EO,TMON, Silent (F), SPS - Stern trawler. Umiarsuup timitaa DNV-GL +1A, (Ice1A*).
• Polar Code Category C-mi atugassatut umiarsuaq aamma akuerineqartussaavoq danskillu usilersortunut malittarisassat malittussaallugit immikkullu ilisarnaat Special Purpose Ship Certificate pigisussaallugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia