sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Pisiffik A/S

Pisiffik A/S Nuummi Nota Benemut pisiniarfiup aqutsisussaanik pissarsiorpoq / Butikschef søges til Nota Bene

Pisiffik A/S

Nuuk
Ikkunneqarpoq: 02-01-2025
Piffissaq atuuffissaa naassaaq: 31-01-2025
Suliffissamut ID normut: 331601496
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq
Atorfiup taaguutaa: Butikschef
Misilittakkat - Annertunerusumik: Butik
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Pisiffik A/S Nuummi Nota Benemut pisiniarfiup aqutsisussaanik pissarsiorpoq

Aqutsisuuvit tunniusimasoq sulisunik ineriartortitsisinnaallunilu nioqqutinut outdoorinut soqutigisalik? Pisiniarfimmi soqutiginartumi pingasuusuni, elektronikkinik, atortussianik aammalu piniarnermut/outdoorinik tuniniaaviusumi siuttoorusuppit? Taamaappat imaassinnaavoq tassaasutit pisiniarfimmi aqutsisortaassarigitsigit.

Atorfik pillugu

Pisiniarfimmi aqutsisutut ulluinnarni pisiniarfimmi ingerlatsineq akisussaaffigalugulu suliffeqarfimmik isumassarsiornartumik kajuminnartumik pilersitsinissannut periarfissaqassaatit.

Pisiniarfimmi ataatsimi pisiassaqarfiit pingasuusuni aqutsisussarsiorpugut pisisartutta sulisut kajumissuseqarluarlutillu pikkorissunik iserfissaqarnissaannik isumaginnissinnaasumik. Pingaarnertut akisussaaffigissavatit suleqatigiit aqqutigalugit suliffimmi iluatsilluarnissaq aammalu pisiniarfimmi kiffartuussinerup nioqqutinullu ilisimasaqarnermi pitsaassutsip qaffasinnissai qulakkiissallugit

Akisussaaffigissavatit:

  • Aqutsineq aamma sulisunik ineriartortitsineq: Sulisut piginnaanerisa ineriartortittuarnissaat – pingaarnertut outdoorimi atortorissaarutinut, pisisartut piginnaaneqarluartunit kajumissuseqarluartumillu siunnersorneqarsinnaaniassammata.
  • Nioqqutinut ilisimasaqarneq: Elektronikkit, atortussianik pingaarnertullu outdoor/piniarnermut atortussianik sulisut tamarmik itinerusumik ilisimaqarnissaannik isumaginninneq.
  • Tuniniaanermut periusissiaq suliallu inerneri: Suliniutit tuniniaanermut siuarsaasussat ineriartortinnissaat atuutsinnissaallu aammalu pisiniarfiup KPI-ni angunissaannut qulakkeerinninnissaq.
  • Pisisartunut tatiginnilersitsineq migisisaqartitsinerlu: Pisisartut qanilaassuseqarnermik sulianullu ilisimasaqarluarnermik tunngaveqartumik misigisaqartitsineq, Nuummilu pisiassaqarfiit iluanni pingasuusuni orniginarnerpaatitsineq.
  • Pilersaarusiorneq aamma pitsanngorsaaneq: Kikkut sulissanersut ataqatigiissarnerat, lagerimi aqutineq aamma pisiniarfiup aaqqissuunnera, taamaalilluta pisisartut pisariaqartitaannut piareersimajuaannarniassagatta.

Kinaavit?

Aqutsineq inunnillu ineriartortitsineq anersaaqarfigaatit suliffeqarfillu iluarisimaarneqartoq saniatigullu nioqqutinik ilisimasaqarluarfiusoq pilersissinnaallugu. Outdoorimi piniarnermullu atorturissaarutinut soqutigisaqartuuvutit, ilisimasannillu suleqatinnut sullitannullu ingerlatitseqqiinissannut pingaartitsisuullutit.

Piginnaanitit:

  • Pisiniarfimmi aqutsisutut immikkoortumiluunniit aqutsisut misilittagaqarneq, niuernerup silarsuaanneerpat iluaqutaassaaq
  • Sulisunik ineriartortisinermik misilittagaqarluarneq ilisimasanillu ingerlatitseqqiinermik pingaartitsineq
  • Outdoorimut piniarnermullu nioqqutinut anersaaqarluassaatit kiisalu taakkuninnga tuniniaanermut siunnersuisinnaaneq
  • Attaveqallaqqissuuneq pilersaarusiullaqqissuunerlu
  • Nukissaqarluartuuneq suleqatigiinnilu siuttoorusussuseqarneq
  • Aaqqissuussaasumik suleriuseqarsinnaallunilu nalimmassarsinnaanissamut piareersimasinnaaneq

Suut neqeroorutigaagut?

Pisiniarfimmi nalerisimaarnermik, sulianut ilisimasaqarluarnermik kajumissuseqarnermillu naleqartitaqartumi atorfik soqutiginartoq unammillernartorlu neqeroorutigaarput. Nuummi Tuniniaanermut pisortaq qanimut suleqatigalugu pisiniarfiup ineriartornissaanut sunneeqataasinnaavutit pisisartunullu asseqanngitsumik misigisaqartitsillutit. Piginnaasatit aallaavigalugit akissarsiat pilerinartut.

Pisiniarfimmi assigiinngiiaartunik nioqqutaatilik akisussaaffigerusukkukku aqutsinermillu piginnaanitit nioqqutinullu ilisimasatit atorluarusukkukkit tusarfigerusuttorujussuuatsigit.

Atorfik pillugu paasisaqarnerorusukkuit Tuniniaanermut pisortaq, Dennis Larsen tlf. +299 59 79 52 imaluunniit: denl@pisiffik.gl aqqutigalugit attavigisinnaavat.

Atorfiniffissaq

Piaarnerpaamik atorfinitsitsineq imaluunniit ulloq isumaqatigiissutaasoq malillugu pissaaq. Piukkunnarnerpaaq utaqqisinnaavarput, oqaloqateqallaattaassaagulli. Taamaammat nangaanak ullumikkut qinnuteqaatit nassiuguk.

Tusarfiginissat qilanaaraarput.

Pisiffik A/S-i pillugu:

Pisiffik A/S-i tassaavoq 53-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia