sullissivik.gl
Atorfimmut ussassaarummut oqaatsinut allanut nuunniarlutit tooruk
Pennecon

Projektingeniør / Projekt ingeniøri / Project engineer

Pennecon

Qaqortoq
Ikkunneqarpoq: 21-01-2025
Piffissaq atuuffissaa naassaaq: 21-04-2025
Suliffissamut ID normut: 331601715
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Atorfiup taaguutaa: Projektingeniør
Misilittakkat - Annertunerusumik: Arbejdsmiljø, ingeniør og naturvidenskab
Oqaatsit:
Danskisut Atuarneq/ oqalunneq
Tuluttut Atuarneq/ oqalunneq
Kallaallisut Atuarneq/ oqalunneq
Attaveqarfissamut paasissutissat

Pennecon

Pennecon Pennecon
Issortarfimmut 6, 102
Oqarasuaat 321252

Pennecon sanaartornermut, suliffissuaqarnermut, kiffartuussinermut aserfallatsaaliuinermullu aamma umiarsualiveqarnermut tunngatillugu ataqatigiissumik aaqqiissutissanik tuniniaanermi siuttuusuuvoq. Canadami tamarmi sulisuutigut eqiasuillutik suleqatigiipput, suliniutinilu ajornakusoornerpaani avatangiisinilu unamminiarnartuni angusaqarluarnissamik aallussilluarlutalu aalajangiusimanninnerput ataasiussuseqalissutigaarput. Suliniutitsinnut assigiinngitsunut eqeersimaartunik, piumassuseqartunik nutaaliorlunilu isumassarsiumasunik suleqataasinnaasunik ujartuivugut.

 

Pennecon pikkorissunik sulisussarsiorpoq Qaqortumi mittarfissualiorfimmi, Kalaallit Nunaata kujataani.

 

Suliniummi tamatumani suleqataajumalluta piumassuseqartunik piginnaanillit teknikkikkullu piginnaasalinnik ujartuivugut.

 

Atorfik: Projektingeniøri
Sumiiffik: Qaqortoq, Kalaallit Nunaat

 

Avinngarusimasuni sumiiffinnilu allanngorartuaannartuni atortunik oqimaatsunik suliaqarnermi ilisimasaqarneq misilittagaqarnerlu atorfimmut tamatumunnga piumasaqaataapput.

 

Atorfeqartoq toqqaannartumik suliaqarnermi suleqataassaaq, suliffeqarfiup isumannaallisaanermut, pitsaassusermut avatangiisinullu tunngasut aaqqissuussinissaannut ikiortaasinnaasumik.

 

Suliassat makkua ilaapput:

  • Sanaartornermut pilersaarutit misissorniarlugit aamma sanaartorneq pilersaarutit naapertorlugit aningaasartuutillu naapertorlugit ingerlasinnaaqqullugu atortussat, atortorissaarutit pigisallu tamarmik pinissaat qulakkeerniarlugu ingeniørinik suleqatigiissitanilluunniit ataatsimeeqateqartarneq.
  • Suliap ingerlanerani titartakkat, ilusilersuinermut piumasaqaatit, atortussat pisariaqartinneqartut aamma paasissutissat suliarineqarsimasut tamaasa misissorlugit, pitsaassuseq isumaqatigiissummilu piumasaqaatit malinneqarnerat qulakkeerniarlugit.
  • Suliassanut pilersaarusiornermut piffissalersuinermullu tunngatillugu teknikkikkut siunnersuineq.
  • Aningaasaliissutissanut piffissamullu pilersaarutinut sunniuteqarsinnaasunik tunisassiornermi, atortuni, atortorissaarutini suliarinneriaatsinilu navianartunik nassaarsinnaaneq.
  • Ulluinnarni tunisassiorneq, piffissaliussat missingersuutillu nalilersorlugit suliniut naammassineqareersimanersoq qulakkeerniarlugu.
  • Sapaatip-akunneri tamaasa pilersaarusiaq nutarterneqassaaq piginnittut aqutsisullu nalunaarusiornissaannut. Sapaatip-akunneri tamaasa piginnittoq ataatsimeeqatigisarlugu pisariaqartitsinerlu naapertorlugu suliap qanoq inneranik saqqummiussilluni.
  • Siulersuisunit ilitsersuussutigineqartut naapertorlugit suliassanik allanik suliaqarneq.
  • Sanaartornermik ingerlatsisut pilersaarutit allannguuteqangaarpata ilisimatinnissaat, kinguaattoornerillu aningaasartuutillu annikillisinnissaannut aaqqiissutissanik nassaarnissat.
  • Suliamut atatillugu paasissutissanik qinnuteqaatit tamaasa aallartittarlugillu suliarisarlugit.
  • Suliniutit aningaasaqarniarnerannut tunngatillugu eqqortumik nalunaarusiornissaq qulakkeerniarlugu suliniutip qanoq annertutiginera eqqorluartumik nalunaarusiorlugu, tassungalu tunngatillugu aningaasartuutit kodit tunniunneqartut ilanngullugit. Atortussanut, atortunut tuniniaasullu pisariaqartitaannut atatillugu suliffeqarfiup aningaasaqarnermut immikkoortortaqarfianut faktureriisarneq.
  • Suliffeqarfinni isumannaallisaanermut pitsaassutsimullu tunngatillugu malittarisassat maleruarlugit.

Atorfimmut piukkunnarnerpaaq ukuninnga piginnaasaqassaaq:

Ilinniagaqarneq misilittagaqarnerlu:

  • Ingeniøritut ilinniagaqarneq imaluunniit allagartaqarneq
  • Minnerpaamik ukiuni tallimani sanaartornermik misilittagaqarnissaq piumasaqaataavoq.
  • Pissarsiat nakkutigineqarneranni (assersuutigalugu aningaasartuutit naatsorsorneqarneranni, naatsorsueriaatsit tunngaviusut) sanaartornerullu tungaatigut misilittagaqarnissaq pitsaaneruvoq.
  • Aningaasaliissutissat suliniullu qanoq akeqassanersut paasisinnaallugit, suliniullu kinguaattoorfiunnginnerunissaanut aaqqiissutissanik innersuussisinnaaneq.
  • Oqalullaqqissuuneq, allallaqqissuuneq saqqummiussillaqqissuunerlu.
  • Sanaartornermi periutsit nutaat ilisimanissaat.
  • Aningaasanut nalunaarusiornermut periutsit, aningaasartuutit naatsorsornissaannut periutsit aningaasartuutillu nalunaarsornissaannut periutsit pillugit ilisimasaqarneq.
  • Sanaartornermik pilersaarusiornermik tunisassiornermillu aqutsinermik ilisimasaqarneq pitsaaneruvoq.
  • Akisussaaffeqarsinnaaneq, suleqataasinnaaneq allanut sunniuteqarluartumillu attaveqarsinnaaneq.

Isumannaallisaanermut piumasaqaatit:

  • Ikiueqqaarnermut ilinniarsimasuusimanissaq iluaqutaassaaq
  • Nakkarnermut illersornissamut ilinniarsimasuuneq iluaqutaassaaq.

Sulisarnermi piffissaliussat aamma atugassarititaasut:

  • Nunani avannarlerni avinngarusimasumi sulineq
  • Silami sulineq
  • Inissaqartitsineq sumiiffimmi neqeroorutigineqarpoq, sanitigulli sanaartorfiup nalaani ineqarfissat sanaartorneqaleruttorput
  • Atorfimmi piumasaqaataavoq suleriusissaq tasikannernerusoq, sanaartornerup sivikittup iluani suliniut siuarsarniarlugu piffissaq sivisunerusoq weekendillu ilanngullugit sulisoqartassaaq

 

 

Qinnuteqartut soqutiginnittut tamarmik CV-ertik aamma ilinniarsimasinnaanermut uppernarsaatitik qaqortoq-airport@pennecon.com-mut nassiutissavaat. Ajornanngippat, paasissutissat tuluttut allaqqasut nassiunneqassapput.

 

Pennecon naligiissitaaneq anguniarlugu iliuuseqartariaqarpoq, piumasaqaatillu eqqortillugit qinnuteqarsinnaasut tamaasa kajumissaarpai. Aappaatigulli erseqqissaatigissavarput, qinnuteqarnikuni toqqakkagut kisimik attavigineqassammat, soqutiginnillutilli qinnuteqartut tamaasa qutsavigisarpavut. Pennecon pillugu annertunerusumik paasisaqarniarussi, uani alakkarsinnaavusi: www.pennecon.com.

 

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia