sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Projektleder - Ilulissat

Avannaata Kommunia

Ilulissat
Ikkunneqarpoq: 11-01-2022
Piffissaq atuuffissaa naassaaq: 30-01-2022
Suliffissamut ID normut: LJA-83211738
Atorfeqarnermi atugassarititaasut: Tamakkiisoq
Suliassaqarfik: Allat, Eqqumiitsuliorneq, kulturi & timersorneq, Allaffik & allaffissorneq

Avannaata Kommunia piujuartitsinissamik immikkoortortaqarfimmi iluarsartuullugu pilersaarusiami aqutsisutut atorfik inuttassarsiorpaa.

Avannaata Kommunia FN-ip nunarsuarmut anguniagaannik tunngaveqatumik ukiuni aggersuni pilersaarusiornermini annertuumik siunniussaqarpoq. Taamaammat iluarsartuullugu pilersaarusiami aqutsisussamik pissarsiorpugut, kommunip anguniagaanik piviusunngortinissamut suleqataasussamik anguniakkallu piviusunngortillugit.

Iluarsartuullugu pilersaarusiami aqutsisutut piujuartitsinissamik allattoqarfik, piujuartitsinerup siunissami kommunip akimuisumik suliaqarnerani ukkatararineqarnissaanik qulakkeerinnittussaq siuttuuffigissavat.

Piujuartitsinissamik allattoqarfiup iluarsartuullugu pilersaarusiat, Avannaata Kommuniata attanneqarsinnaasumik mingutitsinngittumillu ingerlatsilernissaanut iluaqutaasussat allaartinneqarnissaat akissussaaffigissuaa.

Iniartortitsinerup kommunimi ingerlatsiviit, inuttassut, inuussutissarsiornermik ingerlaqartut suleqatillu allat sunniivigeqatigalugit ingerlanneqarnissaa pingaaruteqarpoq. Taamaammat Piujuartitsinissamik allattoqarfik akimuisumik sammisaqassooq, kommunimilu immikkoortoqarfiit qinikkallu piujuartitsisumik ineriartortitsisinnaanermik siunnersuineqarnerannut ilitsersorneqarneranullu ikiuutussaasalluni. Allattoqarfiup ilanngullugu anguniakkat piujuartitsisut FN-illu nunarsuarmut angunigaasa suliffiup iluani avataanullu paasissutissiissutigissallugit akisussaaffigissuaa.

Atorfik pillugu

Iluarsartuullugu pilersaarusiami aqutsisutut allattoqarfiup suliaanik ataqatigiissaarineq akisussaaffigissuat.

Allattoqarfiup suliassaanik akisussaaffiinillu ilusilersuineq annertuumik peqataaffigissallugu periafissaqassaatit.

Piujuartitsinissamik allattoqarfiup siunissamut pilersaarusiorluakkamik ineriartortitsinissaa, aammali kommunimi piviusunik pitsanngorsaatinik kommunimik piujuartitsinerulersunik allatitsisarnissaa takorloorparput.

Sulineq assiginngitsunik allanik suleqateqarluni ingerlanneqartussaammat, suleqatigiuminartuunissat susaaqarfiillu assigiinnitsut politikkikkullu anguniakkat ajornanngittumik pulaffigisarsinnaanissaat pingaaruteqarpoq.

Pisinnaasat

Naatsorsuutigaarput iluarsartuullugu pilersaarusiami aqutsisussarput:

  • Naleqquttumik sivisunerusumik ingerlariaqqilluni ilinniagaqarsimasoq
  • Piujuartitsinissamik ilisimasaqartoq FN-illu nunarsuarmut anguniagaanik suliaqarnermik misilittagalik
  • Suliassaminik namminersuuteqaassuseqartoq, tamakkerlugu isiginnissinnaassusilik suleqatiginnissinnaassuseqartoq
  • Suliffeqarfimmi politikkikkut aqutami sulinermik misilittagalik
  • Oqaluinnarluni allattanillu pitsaasumik paasissutissiisinnaasoq
  • Inernilerniagaqartoq suliassanillu agguassinnaassuseqartoq

Atorfik aqqissuussaanermi qitisusumik allattoqarfimmi inissisimavoq pisortaanermullu akisussaaffeqarluni.

Piffisaq tamakkerlugu suliffiulluni atorfiuvoq isumaqatigiissutillu atuuttut naapertorlugit akissarsiaqarfiulluni.

Qinnuteqarfissaq kingulleq: 30.1.2022

Ulloq aallartiffissaq: Qinnuteqarfissaq qaangiuteriarpat imaluunniit isumaqatigiissuteqarnikkut.

Atorfeqartitaanermut atatillugu ineqartitsisoqanngilaq

Passissutissat annerusut pisortaanermut Nick Nielsen-imut saaffiginnilluni pissarsiarineqarsinnaapput uunga: nick@avannaata.gl imaluunniit tlf. nr. 38 76 05

Qinnuteqaat uunga nassiunneqassaaq:

Qinnuteqaat ilinniarnermut uppernarsaatinik siornatigullu suliffigisimasanik imalik, soraarummeersimanermut pappilissat uppernarsaatit assilineqarneri ilanngullugit il.il. Sulisoqarnermut Immikkoortortaqarfimmut kingusinnerpaamik ulloq 30. januaari 2022 nassiuteqquneqarput Avannaata Kommuniata nittartangaa: Avannaata.gl/ledige-stillinger iserfingalugu allagarsiussami ”Atorfik una qinnuteqarfigiuk” toorneratigut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia