Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Qaqortoq Heliports trafikassistentimik pissarsiorpoq
Ikkunneqarpoq: 27-11-2024
Piffissaq atuuffissaa naassaaq: 26-12-2024
Suliffissamut ID normut: LJA-85819899
Atorfeqarnermi atugassarititaasut: Tamakkiisoq
Suliassaqarfik: Allat
Check-in assistent´itut ilinniarsimavit imaluunniit poqerpit aamma ullut tamakkiallugit suliaqarluarnissat ataqqinassuseriviuk? Ataatsikkut assigiinngitsunik suliaqartillutit malinnaalluarsinnaavit aamma sulininni allanut kajumissaarillaqqippit? Taava imaassinnaavoq Qaqortumi trafikassitent´itut atorfik ilinnoortoq.
Qaqortumi usilersuisartut pingasuupput, trafikassistentit pingasut aamma heliportimi aqutsisoq ataaseq.
Suliassat:
- Heliporti ulluinnarni nakkutigalugu
- Ulluinnarni suliassaasut tassaasut ilaasunik sullissineq nassiussanillu passussineq, ilanngullugu trafikassistent`itut suliassat aamma suliffigisami mittarfeqarfiinut handlingsagent´iunissaq.
- Helikopter´inik passussineq.
- Allaffissornikkut suliassat takkussuuttut suliaralugit
- Helikopterinik usingiaaneq usilersuinerlu atorfissaqartitsineq naapertorlugu
- Greenland Airport´i suleqataannut unammillernartunik sullissineq
- Greenland Airports programmit ukua ilaatigut atorpai: Airport 20/20, Amadeus, Paracraft, AIMS, Excel, word, zebra (check-in) m.m
Piginnaasat:
- Pitsaaqutaavoq trafik- imaluunniit check-in assistent-itut ilinniarsimanissat imaluunniit siusinnerusukkut timmisartuussinikkut misilittagaqarsimanissaq.
- Ilinniarnertuutut ilinniarsimanissaq imaluunniit niuertarfimmi- allaffimmiluunniit assistentitut ilinniarsimanissaq
- Ulluinnarni ulapaarfimmi tamakkerlugu isiginninneq piginnaaneqarfigisariaqarpaa
- Kalaallisut, qallunaatut aamma tuluttut oqalussinnaaneq
- Eqimattani sulilluaqisuni ilanngulluni sulisinnaasariaqarpoq, taakkuami tassaammata Greenland Airport´ip avammut kiinaa
- Sullitaq qitiutissavaa, atuisunillu naleqquttumik paasissutissiisinnaasariaqarluni.
Greenland Airports neqeroorutigivaat:
Suliffeqarfik pissanganartoq ineriartortorlu, sulisut atugarissaarnissaat pingaartinneqarpoq aamma sulisut akaarinnittut naleqartinneqarluni.
Isumannaallisaanermut akuerisaanissaq
Atorfeqalersinnaanermut isumannaallisaanermi akuerineqarnissaq politiinit piumasaqaataavoq. Taamaammat pinerluuteqarsimasunik nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq imaluunniit www.sullissivik.gl
Atorfininnissannut atugassarititaasut
Akissarsianut atorfininnissamullu tunngasut kattuffimmik naleqquttumik isumaqatigiissutai naapertorlugit ingerlanneqassapput
Paasisaqarnerorusuppit
Suli paasisaqarusuppit imaluunniit atorfimmut apeqqutissaqarpit, taava tikilluaqquneqarputit Qulimiguulinnut mittarffimmi aqutsisumut Helga Lorentzen-mut attaveqarsinnaavutit e-mail-kkut: helo@airports.gl
Apeqqutit naliginnaanerusut HR-immikkoortumut mail´ikkut: hr@airports.gl.
Qinnuteqaat
Atorfinissaguit taava qinnuteqaatit, CV aamma ilinniartitaanermi uppernarsaatitit toqqaannartumik ataatungaani toortagaq atorlugu nassiutissavatit kingusinnerpaamik 26. december 2024.
Greenland Airports Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 43-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 450-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut