Qarasaasialerinermi siunnersorti/IT-Konsulent

Qeqqata Kommunia

Sisimiut

Ikkunneqarpoq: 20-01-2025

Piffissaq atuuffissaa naassaaq: 07-02-2025

Suliffissamut ID normut: 331601690

Atorfeqarnermi atugassarititaasut: Tamakkiisoq

Suliassaqarfik: IT & tusagassiuutit

Atorfiup taaguutaa: IT-konsulent

Ilinniagaq:

Misilittakkat - Annertunerusumik: Systemintegration, Digital kommunikation,

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Atorfik pillugu

Kommunip qarasaasiaqarnikkut attaveqaasersuutaanik atuutsitsiinnarnissamut inerisaanermullu qarasaasialerinermut siunnersutitut pingaaruteqassaatit. Ingerlatsinerup aalaakkaasuunissaanik qulakkeerinissamut Qarasaasialerinermut Digitaaliseeriinermullu pisortaq suleqatillu sinneri qanimut suleqatigissavatit, taamatullu innuttaasunut aaqqissuussaanermullu aaqqissuutinik pitsaanerusunik pilersitsinissamut ukkataqarluta kommunip digitalinngorsaanissaanut periusissiaanut suliniuteqataassallutit.

Suliassat akisussaaffiillu

• Kommunip qarasaasiaqarnikkut atortulersuutaanik digitaliseeriinissamik pitsaasumik ingerlatsinissamik ukkataqartumik aserfallatsaaliineq pitsanngorsaanerlu
• Hardware-nik software-nillu ikkussuineq, ikiorsiineq nutarsaanerlu
• Digitalimik paasinninnerup annertusarnissaa siunertaralugu atuisunik qarasaasialerinikkut ikiorsiineq piginnaasanillu inerisaaneq
• Digitaliseeriinermut suliniutinut suliniuteqaqataaneq, matumani systeminik ingerlariaasiinillu nutaanik atuutilersitsineq ilanngullugit
• Suliassanut takkussuuttunut aaqqiissuteqarneq aamma qarasaasialerinerup digitaliseeriinerullu iluani suliniutinut peqataaneq
• Sisimiuni qarasaasialerinermut immikkoortortami suliffimmik misiliisunik ilinniartitsineq ilitsersuinerlu

Piginnaasat

Qarasaasialerinermut siunnersortimik pissarsiorpugut:

• Netværkskonfiguration-imik, matumani Windows Server aamma klientplatform-inik uppernarsaatitalimmik misilittagaqartoq
• Microsoft Office-mik atuinermik sungiusimasaqarluartoq aammalu iPads-inik atuisutut suliaqarnermik misilittagaqartoq
• Netværks- aamma klient-imut tunngasunik arlariiaanik ajornartorsiutinik aaqqiissuteqarsinnaasoq
• Digitaliseeriinissamut suliniutinut aammalu teknologi aqqutigalugu suleriutsinik pitsanngorsaanissamik misilittagaqartoq imaluunniit soqutigisaqartoq
• Aaqqissuussaasumik sulisinnaasoq aammalu suleqatigiinni suleqataalluarsinnaasoq
• Nutaaliorsinnaasoq, immikkuualuttunik isiginnittoq attaveqartarnermilu ajunngitsunik piginnaasaqartuusoq
• Arlalinnik oqaaseqartuusoq - kalaallisut, qallunaatut tuluttullu

Neqeroorutigaarput

• Ingerlatsinermik digitalimillu ineriartortitsinermik suliaqarnissamut periarfissaq pissanganartoq
• Qarasaasialerinermut Digitaliseeriinermullu pisortaq nutaaq qanimut suleqatigalugu kommunip digitaliseeriinissamut suliaqarneranut suliaqaqataanissamut periarfissaq
• Suliffik nutaamik eqqarsarsinnaanissamik pitsanngorsaanernillu pingaarnerutitsisoq

Aningaasarsiatigut atorfeqarnermilu atugassarititaasut

Naalakkersuisut kattuffigisallu isumaqatiginninniartussaatitaasup akornanni isumaqatigiissutit qaqugukkulluunniit atuuttut naapertorlugit akissarsiat atorfinitsitaanermilu atugassarititaasut inissinneqassapput. Malittarisassat atuuttut naapertorlugit inissaqartitsisoqarsinnaavoq.

Pinerluuteqarsimannginnermut uppernarsaat

Pinerluuteqarsimannginnermut uppernarsaat naammagisimaarnartoq aallaavigalugu atorfinitsitsisoqassaaq. Atorfininneq aatsaat pisinnaavoq pineqaatissinneqarsimannginnermut uppernarsaat kommunimit tiguneqarpat.

Qeqqata Kommunia pillugu

Illoqarfiit Sisimiut aamma Maniitsoq kiisalu nunaqarfiit arfinillit Qeqqata Kommunianiipput. Nutaaliorneq, atuilluartuuneq ataatsimoornerlu kommunimit pingaartinneqarput. Sisimiut kulturikkut sunngiffimmilu pisuussutsimigut ilisimaneqarpoq – minnerunngitsumillu pinngortitami misigisassarsiornissaq ajornanngitsuaraalluni.

Attaveqarneq qinnuteqarnerlu

Kajumissuseqarlutit qinnuteqaatit, imminut ilisaritinnerit ilanngussallu attuumassutillit nassiutikkit. Qinnuteqaatit "Qarasaasialerinermut siunnersorti"-mik nalunaaqutseruk.

Atorfik pillugu paasisaqarnerorusukkuit Qarasaasialerinermut pisortaagallartoq Hans-Jakob Lyberth oqarasuaatikkut (+299) 86 73 39 imaluunniit e-mail-ikkut: hjly@qeqqata.gl attavigisinnaavat.

Qeqqata Kommunia aaqqissuussatut digitaliunerusuunissaanut sunniuteqarluarnerunissaanullu suleqatigiit suliaqartunut suleqataalerit!