Qasigiannguit - Najugaqatigiiffik Tullersortissarsiorpoq

Najugaqatigiiffimmi tullersortitut atorfik inuttassarsiorneqarpoq 15. Januar 2024 isumaqatigiissuteqarnikkulluunniit atorfinittussamik.

Najugaqatigiiffimmi agguataarnikuupput ima, blok-eq ataaseq 6-inik initalik 9-nik najugaqarfigineqartoq eqqarsartaatsimikkut/timimikkut innarluutilinnut naatsorsuussaq. Najugaqartut sulisoqarnermut pisariaqartitai aallaavigalugit sulisut amerlassusilerneqartarput, ulloq unnuarlu najugaqatigiiffiit sulisoqartarlutik.

Najugaqatigiiffimmi tullersortip qaninnertut qullersassavaa najugaqatigiiffmmi aqutsisoq taavalu kommune Qeqertalik Qasigiannguit INUIT leder. Najugaqatigiiffimmi immikkut isumannaarsukkami najuagaqartut ataavartumik aalajangersimasunik killilimmik sinaakkutissaqartinneqarlutillu ileqqoqarnissartik pisariaqartitarivaat, najugarlu taanna taama sananeqarsimalluni.

Najugaqatigiiffimmi suliassaasartut ilisimasanut sulianullu tunngasut, ilaatigut supervision (imaajaaneq) tassungalu tunngasut.

Atorfik qinnuteqartumut toqqagaasumut annertuumik inuttut ineriartornissamut suliffimmilu allannguinissamut ineriartortitsinissamullu periarfissiivoq.

Atorfik perorsaasutut atorfiuvoq imaluunniit socialassistentitut. Atorfik inuttut inerissimasumik, nammineersinnaasumik, tatiginartumik isumassarsiullaqqissumillu inuttalerusunneqarpoq, sapinngisamik perorsaasutut ilinniagalimmik imaluunniit socialassistentitut sulinermillu misilittagaqarluartumik makkuninnga kivitsisinnaasumik :

Akisussaaffiit suliassaqarfiillu:

·Najugaqatigiiffimmi najugaqartunut avataanilu sullinneqartut pisariaqartitaminnik sullinneqarnissaat qulakkiisallugu kiisalu ataavartumik imartuumillu sullinneqartut immikkut tamarmik ulluinnarni ineriartornissaminnut periarfissaqartinneqarnissaat

·Atorfimmi suliassat pimoorussilluni pitsaasumik piaartumillu tamatigut suliarineqartarnissaat

·Sulisorisat sulinissaanut pilersaarusiorneq, suliassanillu agguataarineq

·Sapinngisamik innarluutillit tamatigut ineriartornissaanut periarfissaanut tappinnissaq periarfissanillu atorluaanissaq

·Sulisunik isumaginninneq, imaajaaqatigisarnissai (supervisere), sulisunut kaammattuinissaq, sulisunillu ataqatigiissitsineq

·Tapersersorteqarnerup ilusilersueqataaffiginissaa, pilersaarutinillu sulinermut ilanngutitsisarneq

·Ulluinnarni najuagaqartunut avataanilu sullitanut sammisassanik nutaanik neqeroortarneq aallartitsisarnerlu.

·Ataasiakkaanut immikkut ilusilersukkamik atuuttussamik periusissiorneq

·Suleqatigiinnerup tamatigoortumik avataanillu suleqateqarnerup attaveqarnerullu nukittorsartuarnissaa

Piumasaqaatit:

• Perorsaasutut imaluunniit socialassistentitut allatulluunnit suliamut attuumassuteqartumik ilinniarsimaneq.
• Tarnikkut sullissinermut misilittagaqarneq.
• Suleqatiginnilluarsinnaaneq tunniusimasuunerlu.
• EDB-mut atuisutut ilisimasaqarneq.
• Missingersuutinut suliaqarnermut misilittagaqarneq.
• Sulisunik aqutsinermut misilittagaqarneq.

Akissaatit atorfinitsitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaa-titaasup akornanni isumaqatigiissut atuuttoq naapertorlugu atorfinitsitaaneq pissaaq.

Peqatigiiffiit isumaqatiginiarfigineqarneratigut atorfimmut atatillugu suliartoqquneqaratarsinnaanermut tapeqartitsisoqalersinnaavoq. 

Inissaq:

Atorfimmut atatillugu inissamik innersuussisoqarsinnaanngilaq.

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfimmut paasissutissat sukumiinerusut pineqarsinnaapput Qasigiannguani Najugaqatigiiffimmi aqutsisoq Magdalina Martinsen saaffigineratigut oq. 911018 Mail: mama@qeqertalik.gl

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.