Qasigiannguit Silami sulisunik siulersuisumik pissarsiorpoq

Kommune Qeqertalik Qasigiannguit, silami sulisunik siulersuisumik pissarsiorpoq 01. marts 2025 imaluunniit isumaqatigiissuteqarnikkut sulilersussamik.

Siulersuisup nakkutigissuai suliffeqarfimmi susassaqarfinni assigiinngitsuni ilaatigut suliassaqarfiit entreprenør-eqarfimmi immikkoortortami silami sulisut pedel eqqaavissuaqarnerlu.

Siulersuisup suliassai pingaarnerit makkuupput:

·Ulluinnarni siunissamilu suliassat pilersaarusiornerat, kiisalu suleqatinut suliassanik agguataarinninneq.

·Ukiuunerani inuit pisuinnaat aqqutaanik aputaajaaneq/siorarterineq namminersortunut isumaqatigiissutigineqanngittut.

·Qimminik, qitsunnillu aammalu uumasunik nakkutilliineq ilaatigut ikilisakkanik toqoraaneq.

·Illoqarfimmi ungataanilu saliineq.

·Aqqusernit kussinerillu kiisalu kommunep susassaqarfii ornittakkanik aserfallatsaaliineq.

·Kommune innuttaasunut susassaqartitsinerani ataqatigiissaareqataasarnissaq.

·Ulluinnarni suliffeqarfimmi ingerlatsinermi suliassat assigiinngitsut suliarineqarnerini akisussaasuussaatit.

·Suliassat annikinnerusut kiisalu timeseddelinik misissuineq. Malittarisassat isumaqatigiissutillu malillugit sillimasuusarneq.

·Eqqaavissuarmut akisussaasoq nakkutiginissaanut.

·Aasaanerani qimmit tankii immertarnissaanut naammassinnissinanasoq.

Siulersuisumut piumasaqaatit:

·Sanasutut imaluunniit assassornikkut il.il. ilinniarsimanissaq

·Suleqatigiinnik arlalinnik inuttaqartunik nakkutilliinermut misilittagaqarneq

·Biilernermut allagartaqarneq, minnerpaamik mikineq

Atorfininnermut akissarsiaqarnermullu pissutsit:

Atorfininnermi atugassarititaasut Naalakkersuisut aamma Sulisunik Siulersuisut Kattuffiata akornanni isumaqatigiissut atuuttoq naapertorlugu atorfinitsitaaneq pissaaq.

Atorfinitsinneqarneq qaammatini pingasuni misiliutitaqassaaq.

Atorfimmut atatillugu inissaqartitsisoqanngilaq.

Pinerliisimannginnermut uppernarsaat:Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfik pillugu paasissutissanik erseqqinnerusunik pissarsiniaraanni Inoqarfimmi aqutsisoq Lola Johansen E-mail; lola@qeqertalik.gl oqarasuaat 70 19 00 sianerfigalugu paasiniaasoqarsinnaavoq.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk www.qeqertalik.gl nittartagaatigut qarasaasiakkut nammineerlutit angerlarsimaffinniik imalt. periarfissaqanngikkuit innuttaasut sullissiviata qarasaasiaa kommunemiittoq atorlugu qinnuteqariartorsinnaavutit, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu ilanngullugit.

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.