Restaurantchef til Narsarsuaq Hotel

Mittarfeqarfiit

Narsaq

Ikkunneqarpoq: 15-07-2024

Piffissaq atuuffissaa naassaaq: 19-07-2024

Suliffissamut ID normut: LJA-85595151

Atorfeqarnermi atugassarititaasut: Tamakkiisoq

Suliassaqarfik: Allat

Akunnittarfik Narsarsuaq neriniartarfimmi pisortassamik pissarsiniarpoq, neriniartarfik, Cafe/Bar aamma Mittaffeqarfiup kioskia ulluinnarni ingerlatsinerat nakkutigissallugit

Akunnittarfik Narsarsuarmi ulluinnassat

Neriniartarfimmi pisortatut akunnittarfiup aqutsisui sinneri peqatigilissavatit, taakkuullusi akunnittarfittut ataatsimeersuartarfittullu tunngavik inerisarlugulu aqussavarsi pitsaassuseq anguniarneqartoq angoqqullugu, nunarsuarmioqatigiittut pitsaatigisumik inisseqqullugu.

Neriniartarfimmi pisortatut inissisimaffik imatut paasineqassaaq, tassalu illit sulinermik avatangiisit ajunngitsuullutillu toqqissisimanarnissaat akisussaaqataaffigigakkit, aamma illit siuttutut inissisimaninni maligassiuissagavit ajunngitsumik assersuusiorlutit. Akunnittarfiup neriniartarfia akisussaaffigissavat, akunnittarfiup pisortaa tunuliaqutaralugu. Suleqatit suliamik pikkorissut suleqatigalugit nerisassat allassimaffiat, ataatsimeersuarnermi neqeroorutiginiakkat, aaqqissuussat inerisarnerat sunniuteqaqataaffigilissavatit kiisalu pisiortorfittut attaveqaataasut paarsaralugit.

Suliassaasut

•Ulluinnarni aqutsineq isumagissallugu aamma akisussaaffigissallugit Akunnittarfiup neriniartarfiani, Cafe/Bar´imi aamma mittarfeqarfiata kioskiani suliassat assigiinngitsorpassuit

•Qulakkeerniassallugu, neriniartarfik, mittarfeqarfiata kioskia aamma cafe atorfeqartussat amerlassusaat ammasarfissatut nalunaarutigineqarsimasut naapertorlugit inuttalersugaanissaat.

•Neriniartarfiup ataatsimeersuartullu pulaartui sullinneqarnissaat qulakkiissallugu, immikkoortortat allat suleqatigalugit.

•Pitsaassuseq qaffasissoq, eqqiluisaarnissaq kiisalu immikkoortoq/immikkooortut akimorlugit pitsaasumik inooqatigiittoqarnissaa qulakkeerniassallugu.

•Neriniartarfik aamma igaffik akunnerminni ajunngitsumik oqaloqatigiittarnissaat qulakkeerniassallugu.

•Neriniartarfiup ingerlaarnera paasisimasaqarfigissallugu namminerlu sassaalliuteqarneq sulisunillu ilinniartitsineq peqataaffigissallugit. Neriniartarfimmi pulaartunik ingerlaarneq malinnaavigalu malugisinnaallugu.

•Sulisunut naleqquttunut akisussaaffiliisinnaaneq. Ilanngullugu nioqqutissanik inniminniineq, eqqiluisaarnissaq (imminut nakkutiginissaat igaffimmi akisussaasoq suleqatigalugu), aserfallatsaaliinerit, pioreersunik ilikkariikkanik sungiusagassanillu sulisunik nutaanik ilinniartitsineq, oqaloqatiginninnerit MUS ilanngullugit.

•Sulisunik nutaanik atorfinitsitsinermi ingerlaatsimi akisussaaneq.

Neqeroorutigaarput

• Akunnittarfiup ”Nunatsinni akunnittarfinni pitsaanerpaattut inissinnissaq” anguniakkatut ilannguffigalugu peqataaffiginissaa..

•Suliffeqarfimmut ineriartupiloortumut ilaasortaalissallutit aqutsisooqatigiit ilaattut inissillutit.

•Atorfik namminersortoq, tassanilu illit suleqatitillu pulaartunut, neriniartarfimmut aamma akunnittarfimmut ajunnginnerpaamik angusaqassasusi.

•Ilinniaqqiffiusinnaasut aqqutigalugit periarfissaqarluni inuttut ilisimasassatigut inerisarnissamik.

Ilinnut tunngatillugu

Oqaloqatiginnillaqqipputit pisortatigullu ersarissuullutit nuannaallaqqillutillu naalakkatut inissittariaannaallutit. Ilinnut aqutsisutullu inissimaninni toqqissisimasuuvutit, inuit peqataatinneqarnerisigut ineriartortinneqarnissaat ukkatarisarpatit. Suliassani tigussaasuni ”natermi suliassanut” sullissinermik nuannarisaqarputit, kisianni allaffissornikkut suliassanik aamma nuannarisaqarlutit. Alapernaatsuuvutit, pitsaassusermut ajunngitsumut takunnillaqqipputit aamma uagut silarsuatsinni sullissilluarnissaq qanoq pingaaruteqartigisoq nalunngilluinnarpat. Ajunngitsumik angusarissaarluni sulinissaq suliffeqarfiup ingerlatsinera aningaasaqarniarneralu eqqarsaatigalugit ukkatarisinnaavatit.

Piginnaasat taamaattut ilisaralugit angersinnaaguit, taava massakkorluinnaq atorfik ilinnut naleqqulluinnartoq pigivarput.

Isumannaallisaanermut akuerineqarneq:

Atorfeqalersinnaanermut isumannaallisaanermi akuerineqarnissaq politiinit piumasaqaataavoq. Taamaammat pinerluuteqarsimasunik nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq

Atorfininnissannut atugassarititaasut

Akissarsianut atorfininnissamullu tunngasut kattuffimmik naleqquttumik isumaqatigiissutai naapertorlugit ingerlanneqassapput. Kattuffeqanngippat inuttut immikkut isumaqatigiissusiorluni atorfinitsitsisoqarsinnaavoq. Piffissaq suliffigisassaq sapaatip akunneranut 40 timiuvoq ullaakkoortussat unnukkoortussallu tamaasa ilannguteerlugit.

Isumaqatigiissuteqarneq naapertorlugu sulilertoqarsinnaavoq.

Paasisaqarnerorusuppit

Atorfimmut apeqqutissaqaruit tikilluaqquneqarputit imaluunniit atorfimmut apeqqutissaqarpit taava Akunnittarfimmi pisortaq Øjvind Leth Karlsen mail´ikkut attavigisinnaavat uunga ojlk@airports.gl imaluunniit oqarasuaatikkut.: +299 59 03 48

Apeqqutit naliginnaanerusut HR-immikkoortumut mail´ikkut hr@airports.gl

Qinnuteqaat

Atorfinissaguit taava qinnuteqaatit, CV aamma ilinniartitaanermi uppernarsaatitit toqqaannartumik ataatungaani toortagaq atorlugu nassiutissavatit. Qinnuteqarfissaq kingullerpaaq tassaavoq 19-07-2024

Ilisimatissavatsigik mail-ikkut qinnuteqaatinik tigusaqarneq ajoratta.  

Akunnittarfik Narsarsuaq suliffeqarfiuvoq Greenland Airports-imit-Mittarfeqarfiinit isertitatigut matussuserneqartartoq. Akunnittarfik najoruminartuuvoq 86-nik ineeraqarluni aamma siniffiit 176-it agguataarneqarsimasut ineeqqanut kisermaattarianut, init marluuttarissat aamma ilaqutariit iniutaannut. Akunnittarfik Narsarsuaq cafeteria, neriniartarfik, bar´i, ataatsimeersuartarfik, mittarfeqarfimmi kioski aamma konferencecenter´i kiisalu tammajuitsunik ingerlataqarluni.