Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Skoleleder til Itillip Atuarfia søges
Qeqqata Kommunika
Sisimiut
Ikkunneqarpoq: 03-08-2022
Piffissaq atuuffissaa naassaaq: 24-08-2022
Suliffissamut ID normut: LJA-83893536
Atorfeqarnermi atugassarititaasut: Tamakkiisoq
Suliassaqarfik: Allat
Itillimi atuarfimmut atuarfimmi aqutsisumik, ulluinnarni ingerlatsinermut, ilinniartitsisut ingerlatsivillu peqatigalugit akisussaasussamik pissarsiorpugut. Qeqqata Kommuniani meeqqat atuarfia ineriartupiloorpoq, tamannalu tunngavigalugu aqutsisumik ilinniartitsisunik, angerlarsimaffinnik, sunngiffimmi immikkoortortamik, ingerlatsivimmik kiisalu pingaartumik meeqqanik suleqateqarluarnermik pingaartitsisumik pissarsiorpugut.
Itillip atuarfia 1.-8. klassimi 13-inik atuartoqarpoq, maannakkullu ilinniartitsisoq ataaseq timelærilu ataaseq atorfeqarput. Atuartitsissutini tamani atuartitsisinnaasumik aqutsisumik pisariaqartitsivugut. Atuarfimmi aqutsisumik aqutsinermik kajumissaasumik ataqqeqatigiinnermik ersarissumillu perorsaanermik upperisaqartumik pissarsiorpugut. Atuarfik meeqqat suliatigut piginnaasaannik qaffassaanissamik, nammineersinnaassusiannik atugarissaarnissaannillu ukkataqarpoq, taamaalillutik ilinniaqqiffinni ingerlariaqqinnissaminni piareersimasinnaaniassammata.
Itilleq qeqertami inissisimavoq 90-inillu innuttaqarluni. Nunaqarfik qaasuitsup killeqarfiata avannaatunginnguani inissisimavoq, illoqarfimmullu anginerusumut Sisimiunut akunnerit 1-1,5 angallammik angalanikkut ungasissuseqarluni. Itillimi ukioq kaajallallugu aalisarnermik aamma umimmannik tuttunillu piniarnermik silamiissinnaanermut pitsaasunik periarfissaqarpoq. Itilleq kusanarluinnartumik pinngortitaqartutut, eqqissisimanartutullu kiisalu najugaqartut akornanni pitsaasumik ataatsimoorfeqartutut isiginiarneqartarpoq.
Suliassat:
- Atuartitsineq
- Sulisunik aqutsineq, sulisunik ineriartortitsineq allaffissornerlu.
- Nakkutilliineq kiisalu missingersuutinik naatsorsuutinillu malitseqartitsineq
- Nakkutilliineq Itillip Atuarfiata ataaniittunik illunik aserfallatsaaliineq ilanngullugit
- Nunaqarfimmi innuttaasut sunngiffimmi atuartinneqarnissaanik neqeroorfigineqarnissaat qulakkiissallugu
- Atuarfiup siulersuisuinut kommunalbestyrelsimullu atuarfiup ingerlanneqarnera pillugu akisussaaneq
Inuttut piginnaasatigullu tullinnguuttut pingaartippagut:
Ilinniartitsisutut ilinniarsimasuuvutit aamma pisortatut ilinniagaqartuullutit. Unammillersinnaanissat aammalu ajornakusoortunik eqqortunillu aalajangiinissamut tatitussuseqarnissat pingaartuuvoq. Allattariarsornikkut oqalunnikkullu annertuumik attaveqarsinnaassuseqartutit. Tamanik takunnissinnaanermik pilersitsillaqqissuusutit. Qanoq ilinikkut tusarnaarnissamut, unammillernissamut, suliakkiinissamut malinnaanissamullu maluginnissinnaassuseqartutit. Suleqatiginnillaqqissuusutit qiimasuusutillu. Ammasuusutit aqutseriaatsikkullu ersarissuusutit.
Akissarsiat atorfininnermilu atugassarititaasut
Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput. Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutsit naapertorlugit pissaaq. Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.
Qaammatini aqqaneq-marlunnik atorfeqareernermi akiliunneqarluni angalatitsisoqarsinnaalissaaq.
Meeqqanik pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.
Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.
Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.
Atorfiniffissaq 2022-mi septembarip aallaqqaataani isumaqatigiissuteqarnikkulluunniit
Qinnuteqaammut immersugassaq www.qeqqata.gl/job-imut aaneqarsinnaavoq.
Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinik attaveqarfissamillu ilalik nassiunneqassapput.
Qeqqata Kommuniani atuarfiit pillugit annertunerusumik uani atuarit:
https://www.qeqqata.gl/emner/borger/skole_og_pasningstilbud/folkeskole_qeqqatakommunia?sc_lang=da