sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Skolepsykolog MISI-kujalleq

Kommune Kujalleq

Qaqortoq
Ikkunneqarpoq: 08-08-2022
Piffissaq atuuffissaa naassaaq: 22-08-2022
Suliffissamut ID normut: LJA-83909501
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Allaffik & allaffissorneq, Atuartitsineq & Meeqqerineq

MISI Kujalleq tarnip pissusaanik ilisimasalimmik ataatsimik pissarsiorpoq.


Kommune Kujallermi MISI/PPR tarnip pissusaanik ilisimasalimmik ataatsimik inuttassarsiuivoq. Atorfik ulloq septembarip aallaqqaataa 2022 aallarnerfigalugu inuttalerneqalersinnaavoq imaluunniit isumaqatigiissusioqatigiinnikkut atorfigineqalersinnaalluni.


MISI Kujalleq Qaqortumi angerlarsimaffeqarpoq, kujataanilu illoqarfinni pingasuni perorsaanikkut tarnikkullu siunnersuisarneq akisussaaffigalugu. Qaqortumi atuarfiit saniatigut Narsami aamma Nanortalimmi kiisalu nunaqarfinni illoqarfinnit taakkunanit akisussaaffigineqartuni atuarfiit kiffartuunneqartarput. Tamatuma saniatigut atualersussanut tunngasunut kiffartuussisoqartarpoq (meeqqat inuusuttullu ukioqanngitsuniit 18-it tikillugit ukiullit). Allaffimmi atorfiit sisamat akuerisaapput: Tarnip pissusaanik ilisimallit aqutsisuat, tarnip pissusaanik ilisimasalik ataaseq, immikkut atuartitsinermut siunnersorti aamma allaffimmi fuldmægtigi.


Aaqqissuussaanikkut MISI Kujalleq Atuarfeqarnermut, Meeqqeriveqarnermut Nutaaliornermullu Ingerlatsiviup ataani inissisisimavoq.


Ingerlatsinermut tunngasut tassaapput atuarfiit, angerlarsimaffimmi atuartitsineq, meeqqeriviit, ulluunerani paaqqinninneq, atualersussanik sammisaqartitsineq aamma MISI. Kommune aamma ingerlatsivinnut tunngasut annertunerusumik paasisaqarfigisinnavatit kommunip nittartagaani: www.kujalleq.gl.


MISI-mi suliassat ilungersornartuupput, tamatigoortuullutik pissangartuullutillu, aammalu inuttut sammisatigullu ineriartornissamik periarfissagissaarluni.

Tarnip pissusaanik ilisimasalimmik kalaallit oqaasii kulturiallu aallaavigalugit tulleriiaakkanik sulisinnaasumik pissarsiorpugut.


Meeqqanut inuusuttunullu tunngatillugu perorsaanermik tarnikkullu suliassatigut misilittagalimmik nammineerluni sulisinnaassusilimmik aamma suliassanik assigiinngisitaartunik eqaatsumik suliaqarsinnaasumik pissarserusuppugut,


Ukiuni kingullerni MISI annertuumik ineriartorfiuvoq, inunnullu tulluartunut amerlassuunik pissanganartunik suliassaqarpoq, atuarfinnilu aamma meeqqerivinni allanilumi suleqatigisartakkat amerlallutik.


Tarnip pissusaanik ilisimasalik.

Meeqqat ukioqanngutsuniit 18-it tikillugit ukiullit misissorneqarneri nalilersorneqarnerilu suliarineqartarput.

Siunnersuinerit suliarineqartarput ilaatigullu MISI-mi sulisut allat aamma atuarfinni meeqqerivinnilu sulisut kiisalu angajoqqaat suleqatigalugit paasiniaaqqissaarnernut tunngatillugu atuarfinni meeqqerivinnilu sulisunik oqaloqatigiinnikkut oqilisaassineq ingerlanneqartarluni.


Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 


Inissamik tunisisoqarsinnaavoq, qularnaveeqqusiissullu inigisamullu akiliut il.il. malittarisassat atuuttut malillugit akilerneqassallutik. Inigisassavimmilli tunineqarnissamut utaqqinissaq naatsorsuutigisariaqassaaq inissaqarniarnermi pissutsit pissutigalugit, taamaammat utaqqiisaagallartumik inissikkallarneqarnissaq naatsorsuutigisariaqarumaarpoq.


Atorfimmut atatillugu sulilernissannut angalanissaq akilerneqassaaq, pequtillu angallanneqarnissaat maleruaqqusat atuuttut naapertorlugit akilerneqassallutik.


Annerusumik paasisaqarfigerusukkukkit tarnip pissusaanik ilisimasallit aqutsisuat Mette Lybeck attavigisinnaavat, oqarasuaat:+299 64 54 30 imaluunniit e-mail mely@kujalleq.gl


Qinnuteqaat ilinniagaqarsimaneq, siornatigut sulisimaneq, soraarummeersimanermut uppernarsaatit, oqaaseqaatit allallu ilanngullugit PDF-filinngorlugit immiussanik ilallugu kommunip nittartagaatigut tunniunneqassaaq kingusinnerpaamik aggustip 22-iat 2022.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia