Socialservice Nuummi Teamkoordinatori / Teamkoordinator Social Service i Nuuk

Kommuneqarfik Sermersooq

Nuuk

Ikkunneqarpoq: 17-01-2025

Piffissaq atuuffissaa naassaaq: 07-02-2025

Suliffissamut ID normut: 331601686

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa:

Misilittakkat - Annertunerusumik: Engageret, Selvstændig, Stabil, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kommuneqarfik Sermersooq Inunnik Isumaginninnermi sullissivik allaffimmi suleqatigiinnut Teamkoordinator-imik piaartumik 1. april 2025 isumaqatigiissuteqarnikkulluunniit atorfinittussamik pissarsiorpoq.

Nuummi Inunnik Isumaginninnermi sullissivik-up iluani saaffiginnittarfik, utoqqalinersiat, siusinaartumik sulisinnaajunnaarnersiutisiat, Pisortanit ikiorsiissutit, erninermusiat, Ineqarnermut tapiissutisiallillu sullinneqarput, Teamkoordinator-ip suliassat sulinermut tunngasut pingaarnertut inissisimaffigissavai, ulluinnarni sullissinermut tunngatillugu sulisut ikorfartussavatit taamatullu soorlu innuttaasunik sullissinermi inatsisinik malittarisassanillu allannguuteqarteqartoqarnerani.

Immikkoortortami annerusumik innuttaasunik pitsaanerusumik sullissinisamik qitiutitsisunut assigiinngitsutigullu suleqatigiinnermut peqataassaatit, pingaaruteqarpoq suliaqarfiit assigiingitsut Inunnik Isumagiinninnermi sullivimmi innuttaasunik sulianik suliaqarfinni suleqatigiinnissaat.

Nuummi Inunnik Isumaginninnermi sullissivik 30-t missaannik sulisoqarpoq, pingasunullu agguataakkanik suleqatigiiaaqarpoq – pensionisialinnut, pisortanit ikiorsiissutisialinnut aammalu aqqusinermi ujartuilluni angalaartartut.

Suliassat:

·Saaffiginnittarfiup ingerlaneranut qulakkeerinninneq

·Suliassat suliarineqarnerinut qulakkeerinninneq/nakkutiginninneq

·Sulianut tunngatillu sulisunit qaninnertut saaffiineqarneq

·Suleqatigiinnut/Team-inut ikorfartuineq

·Immikkoortortami qaninnertut aqutsisumik suleqateqarneq

·Suliassat takkussuuttut (ah-hoc)

Naatsorsuutigaarput, illit                                                                    

·Saaffiginnittarfimmi sulinermut misilittagaqartutit/ilisimasaqarluartutit

·Teamkoordinator-itut misilittagaqartutit

·Suleqatigiuminartuussasutit

·Suliat akimorlugit sulisinnaassasutit

·Suliassaqarfimmi ineriartortinneqartuartumi suliassanik unammillernartunik suliaqarnissamut nuannarisaqartutit

·Sullissiumassuseqartoq ineriartortitseqataarusuttoq

·Marluinnik oqaasilik (kal/dk)

Neqeroorutigaagut

·Immikkoortortami saffiginnittarfik piginnaasaqarluartunik suleqateqarfiusoq

·Suleqatit nuannaartut

·Atorfik suliassanik unammillernartulik namminerlu suliassanik sunniuteqarfigisinnaasaq

·Atorfik tamatigoortoq unammillernartunillu suliassartalik

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Ane Jeremiassen, oqarasuaat +299 36 80 21 imaluunniit e-mail: jeri@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 63-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.