Kalaallit Nunaanni tamarmi ilaqutariit paarsisartut pitsaassussaanik qulakkeerinneqataarusuppit, nukittorsaaqataarusuppit aamma inerisaaqataarusuppit? Suliaqarfik misilittagaqarfigiviuk imaluunniit soqutigiviuk aamma inunnik isumaginnittutut imaluunniit perorsaasutut ilinnniagaqarpit? Suleqatigiinnut ilaallutit Kalaallit Nunaanni kommunini ilaqutariinnut paarsisartunut siunnersortit piginnaasaasa allanngueqataasunut kivitseqatarusuppit? Taamaassimappat illit immaqa Isumaginninnermut Aqutsisoqarfimmi suleqatissaraatsigit nutaaq.

Atorfik pillugu
ilaqutariit paarsisartut nakkutilliisoqarfianni immikkoortuanni pikkorissumik soqutiginnittumillu sulisussarsiorpugut. Sulinernut ilaasumik illit kommunini ilaqutariinnut paarsisartunut siunnersortit tapersersortassavatit, siunnersorlugit aamma perorsaaneq, inatsisit aamma isumaginninnermik sulineq pillugu suleqatitit suleqatigalugit aqqutissiuuttassavatit. Taakkua saniatigut sulinermut ilaassaaq suliaqarfiup iluani ilsimasat nutaat malinnaaffigineqartassapput, ilaqutariit paarsisartut pikkorissartinneqartarnerini pikkorissaassutit inerisartassavatit pitsaassutsinillu qulakkeerinnittassaatit aamma ilaqutariinnik paarsisartunik siunnersortit aqqutissiuuttassavatit. Taamaattumik ilaqutariit inerisarlugit sulinermik misilittagaqarnissat iluaqutaassaaq, piumasaqaataanngilarli.
Atorfik paarisinnaaqqullugu suliassanik assigiinngitsunik amerlasuunillu sulinissarnut ammasuussaatit eqaatsumillu suleriaaseqassallutit, namminersorlutit sulisinnaassaatit, paasissutissanik ilisimasaqarlutit aamma inunnik allanik isumasioqatiginnittassaatit.

Suliassatit ilaatigut makkuussapput:

• Kommunini ilaqutariinnik paarsisartunik siunnersortit siunnersorlugillu aqqutissiuuttarlugit.
• Ilaqutariit paarsisartut pillugit suliani paasiuminaatsuni ilinniagaq aallaavigalugu ikiuunneq
• Ilaqutariit paarsisartut tunngaviusumik pikkorissartinneqartarnerisa aamma ilinniarteqqinneqartarnerisa ataqatigiissarnerini pilersaarusiornerinilu peqataaneq
• Ilaqutariit paarsisartut sullinneqarneranni ingerlatsinermut inerisaallunilu sulinermut peqataaneq suliaqarnerlu
• Suleqatit suleqatigalugit isumaginninnermik ilinniakkap iluani ilisimasat, suleriutsit sulinerillu ingerlaavartumik nutarterneri
• Ilaqutariit paarsisartut sullinneqarnerisa iluanni ilisimasanik katersineq aamma paasissutissanik ingerlatitseqqiineq
• Isumaginninnermut Aqutsisoqarfiup iluani avataanilu suliaqarfiit assigiinngitsut suleqatigiinnerini suleqataaneq
• Suliassanik assigiinngitsunik suliaqartarneq, soorlu assersuutigalugu suliniutinik inerisaanermi suleqatigiissitami peqataanerit

Siunnersorti imaattoq ujarparput:

• Isumaginninnermut attuumassutilimmik ilinniagaqartutit, soorlu assersuutigalugu inunnik isumaginnermut siunnersorti, perorsaasoq assigisaalluunniit.
• Meeqqanik inuusuttunillu inuuniarnermikkut artorsaateqartunik sullissinermik misilittagaqartutit, ajornanngippat ilaqutariit paarsisartut sullinneqarnerinik.
• Atuartitsinermik ilisimasanillu ingerlatitseqqiinermik misilittagaqartutit aamma soqutigisaqartutit kiisalu atuartitsinermi paasissutissanik pilersaarusiorneq, ataqatigiissaarinninneq inerisaanerlu misilittagaqarfigigitit.
• Namminersorlutit, aaqqissuussaasumik ilusilersukkamillu sulisinnaasutit aamma aaqqiissuteqarusussuseqartutit
• Attaveqallaqqissoq, oqaatsit allattariarsornerlu atorlugit
• Suleqatiginnillaqqissoq ataqatigiissaarinnillaqqissorlu
• Attaveqaatinik pilersitsillaqqissoq
• Nukinnik sammisaqarnissaminut soqutigisalik aamma inunnut allanut akuersaarluni suleqateqarusuttartoq
• Oqaatsinik marlunnik atuisinnaasoq, kalaallisut danskisullu, piumasaqaataanngilarli.

Taakkua saniatigut imaattuuguit iluaqutaassaaq:

• Suliaqarfimmut attuumassuteqartumut ilinniaqqissimasoq
• Suliffeqarfimmi naalakkersuinermik suliallit aqutaanni sulinermik misilittagalik
• Inerisaalluni suliniutinik suliaqarnermik misilittagalik aamma nutaamik eqqarsallaqqissoq.
• Alapernaatsoq, pitsaasunik angusaqarnissamik eqqarsartartoq aamma suleqatigiinnermut nuannersumik pissuseqarluni peqataasartoq

Taakkua makkunannga pissarsissutigissavatit:

• Atorfik tamatigoortoq suliassanik allanngorartunik amerlasuunik pissanganartunillu ulikkaartoq, aqutsisoqarfimmit kommuniniillu pingaartinneqartoq aamma illit piginnaasarnik atorfissaqartitsisoq
• Meeqqat inuusuttullu, ilaqutariinni paarsisartuni inissinneqarsimasut, inuuniarnermikkut artorsartut aamma ilaqutariit paarisartut sullinneqarnerini nukittorsaanissamik periarfissaqarneq.
• Suliaqarfiup assut eqqumaffigineqartup qajannartup kivitseqataaffiginissaanut sunniisinnaaneq
• Ilinniagaq aallaavigalugu sulisut nukittuut, tassani isummanik paarlaassuinerit ikioqatigiinnerillu pitsanngorsaavigiuarniarlugit pingaartitarivagut
• Aqutsisup illit ilinniagaq aallaavigalugu sulinerit tatigigaa, piviusorsiortumik piumasaqartartoq illillu inerikkiartornissarnik ineriartorninnilu pingaartitsisoq
• Suleqatit pitsaasut, ataatsimoornissamik pingaartitsisut – aamma ulapaarnitsinni
• Persuarsiorpasinngitsumik oqaloqatigiittarneq aamma nammineq sulinermi sinaakkutigititanik sunniisinnaaneq
• Sulilluni angalanissmaik periarfissat

Isumaginninnermut Aqutsisoqarfik Meeqqanut, inuusuttunut ilaqutariinnullu Naalakkersuisoqarfiup ataani aqutsiveqarfiuvoq. Atorfik Isumaginninnermut Aqutsisoqarfiup Sullissisunut Siunnersuisartoqatigiivini inissisimavoq. Ilaqutariinnik paarsisartunik sullissinermut siunnersortitut taamaalillutit nuna tamakkerlugu kommunit ingerlanneqarnerini ilaqutariit paarsisartut inatsisitigut aamma inunnik isumaginninnermik ilinniarsimaneq aallaavigalugu sulinerup inerisarneqarnissaannik illit akisussaaffimmik angisuumik tapersersuinissarnut tunineqassaatit.

Ulloq atorfiniffik
1. februar 2025 isumaqatigissuteqarnikkulluunniit.

Qinnuteqarfissaq kingulleq tassaavoq ulloq 02.01.2025 nal. 12.00 (Kalaallit Nunaata nalunaaqutaa malillugu)
Qinnuteqarfissaq naareersimatsiarpat atorfinititsiniarluni oqaloqatiginninnerit pissasut ilimagineqarput.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusoq tunngaviusumik sapaatip-akunneranut nalunaaquttap akunneri 40-pput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat amerlanerit
Atorfik pillugu paasissutissat amerlanerit pissarsiarerusukkukkit, immikkoortortami aqutsisutut taartaagallartoq Ellen Bækgård oqarasuaat +299 34 67 63 imaluunniit maileq elba@nanoq.gl atorlugit pissarsiarisinnaavatit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.