Stedfortræder for hjemmehjælpskoordinator Narsaq

Angerlarsimaffimmi ikiorteqartitsisarnermi ataqatigiissaarisumut tullersortissarsiorneq Narsami
ALLAGARSIUTEQQITAQ:

Angerlarsimaffimmi ikiortip ataqatigiissaarisuanut tullersortitut atorfik inuttassarsiorneqarpoq aggustip ulluisa aallaqqaataat 2022 isumaqatigiissuteqarnikkulluunniit sulilertussamik.

Suliffik angerlarsimaffimmi ikiorteqartitsinerup ataaniippoq, suliat qanoq ingerlanneqarnissaannut sunniuteqaqataanissamut periarfissaqarluni, kiisalu angerlarsimaffimmi ikiortit ataqatigiissaarisuat peqatigalugu suleriaatsinut aaqqissueqataaffiulluni. Tamanna ingerlanneqassaaq aalajangersimasumik angerlarsimaffimmi ikiorteqartitsisarnermi ataqatigiissaarisoq suleqatigineratigut.

Tullersortitut innuttaasut angerlarsimaffiini tapersersortitut imaluunnit ikiortitut sullissineq ingerlanneqartassaaq. Tullersortiusarneq ingerlanneqartassaaq angerlarsimaffimmi ataqatigiissaarisup sulinnginnerani.

Kommune Kujalliup anguniagaasa ilagaat ikiorteqartitsisarnermi piginnaanngorsaqqiisarnerup angerlarsimaffimmi ikiorteqartitsisoqartillugu piginnaanngorsaqqiisarnerup ingerlanneqartarnissaa.

Taamanna pillugu Kommune Kujalliup nittartagaani annertusunerusumik atuarneqarsinnaavoq.

Ataqatigiissaarisumut tullersortitut suut naatsorsuutigisinnaavigit

·Ilaatigut ataqatigiissaarisoq suleqatigalugu angerlarsimaffimmi ikiorteqartitsineq, ikiorsiisarnermut suliassat pitsaassusissaanut maleruaqqusat akuerisaareernikut tunngavigalugit qulakkeerinneqataasarnissaq

·Angerlarsimaffimmi ikiortit ataqatigiissaarisuannut siunersiueqataaneq, ikiorteqartitsinissamut qinnuteqaatit illersorneqartumik suliarisarnissaat, tamanna angerlarsimaffimmi ikiortit ataqatigiissaarisuat qanimut suleqatigalugu pisassaaq.

·Nammineq suliassanik ujartuisinnaneq qulakkiissallugu aammalu innutaasut angerlarsimaffimmi ikiorteqarnissamik pisariaqartitsisut pillugit suliassaqarfinnik assigiinngitsunik suleqateqarnissamik paasisimasaqarluarnissaq.

Makkuninnga piginnaasaqarnissat naatsorsuutigaarput;

• Minnerpaamik isumaginninnikkut/peqqissutsikkut ilinniagaqarsimasuunissat
• Attaveqarluarsinnaasuunissat paasititsilluarsinnaasuunissat kiisalu angusaqarusuttuunissat.
• Kaalallisut – Qallunaatullu oqalussinnaaneq allassinnaanerlu

Neqeroorutigaarput;

• Neqeroorutigaarput angerlarsimaffimmi ikiortit ataqatigiissaarisuata ingerlaavartumik sanileralutit ilinniartissagaatit, kiisalu angerlarsimaffimmi ikiorteqarnerup tapersersorteqarnerullu pitsanngorsartuarnissaa anguniarlugu ineriartortitsiuarnissaq.
• Suliat allanngorartut ilaanni ulapaarfiusut, sunniuteqarfiginissaannut periarfissallit angerlarsimaffimmi ikiorteqarnermi ikiortit allat Narsamiittut Nanortalimmiittullu suleqatigalugit.
• Ilinniartitaaneq pikkorissarnissamullu periarfissat.
• Suliffik pissanganartoq, unammillernartoq namminersorfiusorlu.

Atorfininneq aningaasarsiaqarnerlu

Ilinniakkat tunngavigalugu isumaqatigiissut malillugu pissaaq.  

Annertunerusumik paasissutissat Fagchef Maline Lyberth e-mail mall@kujalleq.gl

Suliffik pinerlussimannginnermut uppernarsaammik piumasaqaatitaqarpoq.

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik juulip aallaqqaataat 2022 nittartagarput aqqutigalugu.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”