Greenland Airports pilersaarusiorluni pisiortortussamik pissarsiorpoq
Ikkunneqarpoq: 11-12-2024
Piffissaq atuuffissaa naassaaq: 01-12-2025
Suliffissamut ID normut: LJA-85853670
Atorfeqarnermi atugassarititaasut: Tamakkiisoq
Suliassaqarfik: Assartuussineq & ingerlasussanik piareersaaneq
Pisiortuinermi inerisaallutillu pitsanngorsaanissat peqataaffigerusuppiuk? Ulluinnarni allanngorartumi, suleqatigiiffiusumi aamma pissangarnartunik suliassaqarlutit nuannariviuk? Taava imaassinnaavoq Greenland Airports´ imi pilersaarusiorluni pisiortortussatut atorfik ilinnoortoq.
Nuummi Qullersaqarfitsinni pisiortuinermut immikkoortortatsinni suleqatissatsinnik suliaminut tunniussimallunilu sullissillaqqissumik ujarlerpugut. Maani pisiortuinermut tunngasutigut sunniuteqarnissannut periarfissinneqassaatit, iliuutsitigut nutarteqqillugillu inerisarsinnaanngussavatit, suleqatitsinnullu suliaminut tunniusimaqisunut suleqatigisartakkatsinnullu qanimut suleqatiginninnissat naatsorsuutigissavat.
Maani Greenland Airports´imi naleqassutsivut - suliamut tunniusimaneq, sapiissuseq, ileqqorissuuneq aamma ikiuiumatuneq aallaavigalugit suliaqarpugut. Naleqassutsivut taakku aallaaviusarput, suleriuusitsinnut aalajangiisarlutik. Naatsorsuutigaarput illit uagutsitut tunniusimallutit inernerit pitsaanerpaat pilersillugit peqatigissagitsigut, sapiissuseqartutit sumik aallarniisinnaaninnut, ataqqinnillutit ilivitsuussuseqarlutillu pissusilersortutit, tamatigullu piareeqqajuassasutit ikiuinissarnut.
Atorfik pillugu
Pisiortortussatut suliffitsinni malunnaatilimmik qitiusumik inissisimalerumaarputit. Ulluinnarni sulinissat tamatigoortuussaaq, aamma suliffeqarfitsinni immikkoortortat, iluarsartuullugit pilersaarusiat aamma najukkami immikkoortortat akimorlugit suleqatiginnissaatit. Soqutiginnitsivut suliffitta iluani aamma avataani qanimut oqaloqatigiinnittarnissarsi pingaarutilimmik peqataaffigilissavatit iliuuserisassani pilersaarusiukkamik ingerlavissat ulluinnarnilu ingerlatsinerput eqqarsaatigalugit.
Pisiortuinermi immikkut ittumik inissisimasut ingerlatsinikkut pitsanngorsaanikkut akisussaaffigilissavatit, taamaalineranilu suliassat pissanganartut inernilimmik suliarisalissavatit soorlu assersuutigalugu:
- Pisiortuinermi nioqqusianillu tuniniaanikkut ingerlaatsimi ingerlaqqittumik inerisaaqataallutillu nutartereqataanissat
- Suleriutsit pitsanngorsarnissaat
- Nassiussassanik naammassinnittartut qanimut suleqatigalugit assartugassanik logistik´imillu pilersaarusiorneq
- Sumut killissimanermut killiffiit pingaarutillit - KPI´it, inerisarlugillu aserfallatsaaliinissaq
- Aningaasaliinikkut iluarsartuullugit pilersaarusiat pilersitat minnerit annerillu akisussaaffiginissaat
- Sinaakkusiilluni isumaqatigiissutinik niueqatigiinnissamillu isumaqatigiissutit isumaqatiginninniarnikkut pilersitsinikkullu suliarinissaat
- Aningaasaqarniarnikkut pisiortuinikkullu aaqqissuussat allaffissornikkut aserfallatsaaliinikkullu isumaginissaat
Greenland Airports´imi periarfissaqalissaatit malunnaatilimmik allannguinissamut. Naleqqassutsivut sumiissusersiunermi atorlugit kiffaanngissuseqarlutit nutaamik eqqarsarnissannut periarfissaqalissaatit aamma sapiissuseqassaatit inerniliisimallutik suliaareersimasunut unammillernissat - tamanna suliassatigut tamatigut peqqissaarnikkut ikiuimatussutsikkullu tunngaveqarlutit iliuuserisassavatit.
Kinaavit?
Inuttut aaqqissuillaqqissutut inerniliinermillu nuannarisalittut isigivatsigik, akisussaaffimmik tigusillutit nuannarivat aamma sumik aallarniisinnaassuseqartarputit. Pilersitsiniartuuvutit aamma inunnguuseralugu inerniliussamik aaqqissuisinnaaneq piginnaneqarfigivat, tamannalu illit avatangiisernut naleqartitsilertarpoq. Innarligassaanngitsumik suliaqartarputit, mikisualunnullu aamma soqutiginnillutit pitsaassusilimmillu suliamik tunniussinissat ataqinaatigerusuppat, suliatit qanorluunniit ittuuppata.
Suleqatigiinnermut ammasutut suliamullu tunniusimasutut pullaveqarputit - suleqatitillu peqatigalugit isumassarsianik paarlaassueqatigiinneq inersimalernerulernissamut ilinniarfissatullu isigivat. Uagut takorloorparput illit siusinnerusukkut niuernermik, aningaasaqarnikkut, pisiortuinnikkut imaluunniit allatigut allaffissornikkut misilittagaqareersutit, taamaakkaluartoq aamma paaserusupparput, sunik tapertaasinnaanerlutit, qanorluunniit ilinniarsimallutit tunulequtaqaraluaruit.
Immikkoortortaq pillugu
Pisiortuinermut immikkoortortaq suliffeqarfitta immikkoortuinut allanut tamanut ikorfartuilluni tapersiivoq, najukkamilu assigiinngitsuni immikkoortortavut iliuuserisassatut pilersaarusiorfigalugit tigussaasumillu iliuusissanik qulakkeerinninniarluta suliaqarpugut. Suleqatigiinni pikkorissuni suliaminullu tunniusimaqisuni ilanngutissaatit Nuummiit aallaaveqarlusi pisiortuinermullu aqutsisuusoq attavigalugu naalagarissavarsi.
Ilinnut sunik neqeroorpugut?
Greenland Airports´imi suliffitsinni aaqqissukkamik peqataalissaatit, tassanilu sulisut suleqatigiinnikkut, inerisaanikkut atugarissaarnikkullu ukkatarineqarnerat qitiuvoq. Ilungersorluta sulissutigaarput ulluinnassatsinnik pilersitsiniarluta, sulisut inerisarfigisinnaasaannik, ineriartorlutillu nuannaarnissaallu pingaartillugu. Ukkatarisavut ilaatigut tassaapput, sulinermik avatangiisit toqqissimanartut pilersillugit inerisassallugillu, peqataalersitsisut aamma nutaamik eqqarsallaqqissut, aamma tamatumani tamarmik suliffeqarfiup ingerlaqqittumik iluatsilluarnissaa tapitartuuffigissallugu periarfissinneqassallutik.
Isumannaallisaanermi akuerineqarneq:
Atorfeqalersinnaanermut isumannaallisaanermi akuerineqarnissaq piumasaqaataavoq. Taamaammat pinerluuteqarsimannginnermut nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq imaluunniit www.sullissivik.gl aqqutigalugu.
Ima qinnuteqassaatit
Atorfimmut qinnuteqaatit nassiutiguk, CV aamma ilinniarsimaninnut uppernarsaatit link ataaniittoq atorlugu. Qinnuteqaatit ingerlaavartumik nalilersortarpavut qilanaarpugullu qinnuteqartumik eqqoqqinnaartumik nassaarnissatsinnut - imaassinnaavoq illiusoq?
Paasisaqarnerorusuppit
Atorfik pillugu annertunerusumik paasisaqarusukkuit tikilluaqquneqarputit Charlie Reiding oqarasuaatikkut +299 38 43 34 attavigisinnaallugu imaluunniit mail-ikkut: chre@airports.gl
Apeqqutit naliginnaanerusut HR immikkoortortamut apeqqutigineqarsinnaapput mail`ikkut uungahr@airports.gl