sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Sulianut tunngasunut akisussaasoq ilinniagartooq polikkissanik ineriartortitsinernik piginnaasalik aamma isumaginninnermut suliassaqarfimmik ilisimasaqartoq

Namminersorlutik Oqartussat

Nuuk
Ikkunneqarpoq: 29-07-2020
Piffissaq atuuffissaa naassaaq: 24-08-2020
Suliffissamut ID normut: LJA-80752696
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik siunnersortinut pisortassarsiorpoq, isumaginninnermi tunngasuni sullinniakkanut ukununnga periaasissiornermik, nassuiaasiornermik, nalunaarusiornermik il.il.  suliassat ilaannut siuttuusussamik: meeqqat, inuusuttut ilaqutariillu atugarliortut, inuit innarluutillit, inersimasut atugarliortut, angerlarsimaffeqanngitsut, utoqqaat kiisalu suliassaqarfinnut assigiinngitsunut suleqateqarneq.  

Isumaginninnermut Inatsisinillu atuutsitsinermut Naalakkersuisoqarfiup Kalaallit Nunaanni inunnik isumaginninnermut tunngassuteqartut suliarisarpai, taamatuttaaq inunnik isumaginninnermut inatsisinik suliaqartarneq, nassuiaasarneq nakkutilliinerlu. Periusissanut ineriartortitsinermullu immikkoortortaqarfimmi isumaginninnermut tunngassuteqartut suliassartaannut akisussaallutit inissisimassaatit.

Periusissanut ineriartortitsinermullu immikkoortortaqarfik Naalakkersuisoqarfimmi assigiinngiiaartunut immikkoortortaqarfiuvoq, ilaatigut naalakkersuinikkut inatsisiliornernut, periusissanut iliuusissanullu  tunngatillugu aalajangiinissamut tunngavissat suliassaralugit.
Ingerlaatsimut tamarmut peqataasassaatit politikkikkut saqqummiussassat, periusissiassat il.il piareersarneqarneraniit, suleqatigiissitaliornerniit, suleqatigisanik oqaloqateqartarnerniit il.il. politikkikkut aalajangiinermut malitseqartitsinermullu. Tamakkua saniatigut tusarniaanermi akissutissanik, akissuteqaatissanik, nalunaarusiornernut tapertaasarnernut il.il.  suliaqartarnermut allanullu tunngatillugu Naalakkersuisoqarfiup ulluinnarni ingerlatsineranut peqataasartussaassaatit.

Taamaattumik naalakkersuisoqarfimmi qitiusumik inissisimassaatit, tassanilu aalajangiisarnernut ingerlatsiviit qanimut suleqatigisassallugit. Suliassaqarfik unammilligassarpassuarnik assigiinngitsunillu suliallit suleqatigiinnerannik suliassartaqarpoq. Tamakku saniatigut isumaginninnikkut politikkikkullu ingerlatsinikkut apeqqutinut tunngatillugu naalakkersuisoqarfiit assigiinngitsut sulinerannut suleqatigiissitanullu ilaasassaatit.  Ullormut suliassat annertusinnaapput annikinnerusinnaallutillu, illillu nammineq isumassarsiatit suliniutitillu naammassiniassallugit pitsaasunik periarfissaqarputit. 
 
Naalakkersuisoqarfimmi kikkulluunniit tamarmik aaqqissuussaanerup ineriartortinneqarneranut isumassarsianillu ikiuussinnaanissaat ileqquliutissallugu anguniagaraarput.   Taamaattumik iluaqutaassaqaaq illit inuuguit suleqatigiissinnaanermik soqutigisalik, suleqatinnillu qiimallutit soqutiginnillutillu naapitsisinnaasoq.   Aaqqissugaanermik naalakkersuinikkut aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarluni tunniussinissanullu piffissaliussat sivikitsuusarlutik.    Iluaqutaassaaq allattariarsornikkut oqalunnikkullu ingerlatitsillaqqissuuguit ataqatigiinnernillu paasiuminaatsunik paasiniaallaqqissuullutit.  

Atorfik pillugu
Suliassanut ilaatigut makku ilaassapput:

  • Suliassaqarfimmi periusissianut, nassuiaatinut il.il. sulianut akisussaaneq
  • Suliassaqarfimmi misissueqqissaarinernut, suliniutinut, nalilersuinernut il.il. sulianut akisussaaneq
  • Nalinginnaasumik Naalakkersuisumut sullissineq, tamatumunnga ilanngullugit Naalakkersuisoq sinnerlugu ilisimatitsissutitut allakkianik, ataatsimiinnissanut saqqummiussassanik, Inatsisartut katersuunnissaannut atatillugu allakkianik, §37 naapertorlugu apeqquteqaatinut akissutissanik, tusarniaanermut akissutissanik, akissutissanik suliaqartarnissaq
  • Isumasioqatigiisitsinernut, ataatsimeersuartitsinernut, workshoppertitsinernut il.il. akisussaasuuneq
  • Inatsisartunut nassuiaatinik assigiinngitsunik suliarinnittarnernut pitsaassutsimillu qulakkeerinnittarnernut sunniuteqaqataaneq
  • Nunat tamat isumaqatigiissutaannut ataatsimiititalianut nalunaarusioqataaneq
  • Naalakkersuisoqarfiup akisussaaffeqarfiini suleqatigiissitanut suliaqaqatigiinnullu assigiinngitsunut atatillugu ataqatigiissaariniarluni suliassanut peqataasarneq taakkuninngalu suliarinnittarneq
Naatsorsuutigaarput, illit:
  • Kandidatitut ilinniagartuujusutit
  • Suliassaqarfimmi suliassaqarfinniluunniit assingusuni tamatigoortumik misilittagaqassasutit
  • Aaqqissuussaanermi naalakkersuinikkut aqunneqartumi sulissallutit soqutigigit
  • Paasiuminartumik, erseqqissumik aaqqissuussamillu allakkatigut oqalunnikkullu attaveqaqateqartarnermut pitsaasunik piginnaaneqartutit
  • Suliatigut politikkikkullu misissueqqissaallaqqittuusutit
  • Suliniutinut annertunerusunut annikinnerusunullu aqutsinermut tunngatillugu misilittagaqartutit piginnaasaqartutilluunniit
  • Naalakkersuisoqarfimmi suliassat aaqqinneqarnissaannut nammineerlutit akisussaaffeqartumik iliuusseqarsinnaasassasutit
  • Suliassaqarfiit assigiinngitsut avatangiiseralugit sulinissamut piumassuseqartutit, matumani ataatsimoortumik aaqqiissutissanut inuit ataasiakkaat tapersiissuteqartarlutik
  • Qiimasuusutit, sapiissuseqartutit suleqatiginnissinnaassuseqarlutillu
Kissaatigaarput, illit
Kalaallit Nunaat pillugu aamma Kalaallit Nunaanni pissutsinik ilisimasaqartutit imaluunniit inuiaqatigiinnik kalaallinik soqutiginnittuusutit. 
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Atorfik aallaaviatigut siunnersortitut inuttalerneqassaaq kisiannili uppernarsaarneqarsinnaasunik piginnaasat malillugit atorfik immikkut siunnersortitut inuttalerneqarsinnaavoq, ilinniagartuujugaanni aammattaaq piginnaasat malillugit pisortaalluni siunnersortitut atorfininnissaq periarfissaassaaq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut