Suliniutinik aqutsisoq imaatigut kabelimut tunngatillugu

TUSASS A/S nutaaliorsinnaasumik, ineriartortitsisinnaasumik namminersorlunilu sulisinnaasumik suliniutinik aqutsisussarsiorpoq.

Suliniutinik aqutsisumik piginnaasalimmik tunniusimasumillu ujaasivugut, imaatigut kabelimut tunngatillugu suliniutini annertuuni aallaqqaataaniit naammassinissaata tungaanut aqutsisinnaasoq.

Suliniutinik aqutsisutut, suliniutitsinnik ataqatigiissaarinermi ingerlatsinermilu qitiusumik inissisimassaatit, piffissaq eqqorlugu kiisalu pitsaassutsimut aningaasartuutinullu piumasaqaatit malillugit tunniussinissaq qulakkeerlugu.

Tusass pillugu:

Tusass Kalaallit Nunaanni oqarasuaateqarnikkut attaveqaqatigiinnermik aaqqiissutinik pilersuisuni annersaavoq. Kalaallit Nunaat tamakkerlugu namminersortunut suliffeqarfinnullu attaveqaqatigiinnermik pitsaasumik sullissivugut aammalu atugassarititaasut pitsanngorsarnissaat annertusarnissaallu ingerlaavartumik sulissutigisarlutigit.

Atorfik pillugu

Tusassimi suliniutinik aqutsisutut atuuffinni ilaatigut imaatigut kabelimut tunngatillugu suliassanik annertuunik sakkortuunillu aqutsinissaq ataqatigiissaarinerlu akisussaaffigineqassapput. Suliniutit piffissaq eqqorlugu, aningaasartuutigineqartussat iluanni aammalu pitsaassutsini malittarisassat qaffasinnerpaat naapertorlugit naammassineqarnissaat qulakkeerniarlugu, teknikkikkut suleqatigiit, avataaniit nioqqutissiortut soqutigisaqaqatigiillu qanimut suleqatigissavatit.

Akisussaaffitit

• Suliniummik pilersaarusiorneq ingerlatsinerlu
• Arlalitsigut teamsinik suleqateqarneq
• Ajutoorutaasinnaasunik aqutsineq
• Pitsaassutsinik qulakkeerineq
• Attaveqaqatigiinneq
• Uppernarsaasiorneq
• Aningaasanik aqutsineq
• Pisunik nalunaaruteqarneq

Piginnaasatit

• Ingeniørimut ilisimatusarnerup iluani, suliniutinik aqutsinermut imaluunniit sammisami assingani ilinniagaqarsimassaatit.
• Ukiut arlallit atortulersuutinut- aamma teknologiimut tunngatillugu suliniutinik aqutsinermut misilittagaqassaatit uppernarsarsinnaassallugulu
• Aqutsinermut attaveqaqatigiinnermullu piginnaasaqassaatit
• Misissueqqissaarnermut ajornartorsiutinillu aaqqiinermut piginnaasaqassaatit.
• Suliniutinik ingerlatsinermut sakkussanik softwarenillu misilittagaqassaatit.
• Ajutoorsinnaasunik ajutoortoqartillugulu aqutsinermik siammasissumik misilittagaqassaatit.
• Qallunaatut tuluttullu allallutillu oqalussinnaassaatit, kalaallisullu oqalussinnaaguit pitsaassaaq.

Neqeroorutigaagut:

Suliffik pissanganartoq unammilligassanik ulikkaartoq ulluinnarnilu suleqatit piginnaasallit, suliassaminnut piumassuseqartut akornanniilissallutit. Eqqissisimasumik peqatigiittarpugut sulinermi pitsaasumik avatangiiseqarluta, illaqatigiissinnaalluta ataqatigiilluarlutalu. Inuttut suliffimmullu tunngatillugu ineriartornissamut periarfissaqarluarpoq.

Tusassip suliffeqarfiani isumalluutit annersaat tassaapput sulisut, assigiinngisitaarnerlu pingaartitaraarput. Inuttassaasinnaasut piginnaasallit tamarmik qinnuteqarnissaannik innersuuppagut, suiaassuseq, ukiut, inuiaassuseq imaluunniit pissutsit allat apeqqutaatinnagit.

Suliffimmi angalasarnissaq naatsorsuutigineqassaaq, ilaatigut ukiumut ullut 30-t missaanni.

Apeqqutit:

Soqutiginnikkuit imaluunniit paasisaqarnerorusukkuit immikkoortortaqarfimmi BUILD-imi pisortaq Anders Hegelskov attavigisinnaavat, mail: anh@tusass.gl

Tusassi pillugu uani paasisaqarnerusinnaavutit: Imaatigut kabeli – Atortulersugaaneq – Tusass

Qinnuteqaat

Qinnuteqaatit tamarmik mianeralugit suliarineqassapput.

Paasissutissat inunnut tunngasut sapinngisamik illersorumallugit, qinnuteqaatit mailikkut tiguneq ajorpagut.

Qinnuteqaatit, CV-t allagartallu attuumassutillit qupperneq una aqqutigalugu nassiutissavatit. 

Qinnuteqaatit takkukkaangata tulleriiaarlugit suliarineqartassapput, oqaloqatiginninnerillu ingerlanneqarlutik. Taamaattumik qinnuteqaatit piaartumik nassiuguk. Inuttassaq eqqortoq nassaarigutsigu atorfinitsitsissaagut. Qinnuteqarnissamut killissarititaasoq tassaavoq ulloq 30. september 2024.