Suliniutinut siunnersorti Sisimiut / Projektkonsulent Sisimiut

Qeqqata Kommunia

Sisimiut

Ikkunneqarpoq: 05-12-2024

Piffissaq atuuffissaa naassaaq: 27-12-2024

Suliffissamut ID normut: 331601351

Atorfeqarnermi atugassarititaasut: Tamakkiisoq

Suliassaqarfik: Allaffik & allaffissorneq

Atorfiup taaguutaa: Projektkonsulent

Misilittakkat - Annertunerusumik: Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Suliniummi ataqatigiissaarisunik suleqatigiissitanillu suliniutinik atuutsitsisunik aqutsillutillu ingerlatsissaatit.

Suliat akimorlugit suleqatigiinnermik aqutsisooqatigiinnullu attaveqarnermik qulakkeerinnittutut inissisimassaatit.

Suliassat akisussaaffiillu:

·Kommunimi inuiaqatigiit peqqinnerulernissaannik sinaakkusersueqataassaatit aqqutissiuusseqataallutillu.

·Suliniutit aallartisarlugillu ineriartortitseqataaffigissavatit

•Illuatungeriit tamaasa peqatigalugit suliniutip ingerlaavartumik nalilersornera

•illuatungeriit tamarmik nalilersuiffigisaannik suliniutissanillu pingaarnersiorfigisaannik ukiumoortumik ataatsimiinnernik ataqatigiissaarineq

•Ataatsimiititaliamut saqqummiussassanik suliaqarneq

•Suliassanik ataasiakkaanik nassuiaasiorneq misissuinerlu

•Pisortap sulisui suleqatigalugit suliassanik allanik suliaqarneq, tassani ataatsimiititalianut ataqatigiissaarinermi ikiuunneq

•Suliassat takkussuuttut nalinginnaasut, ingammik allaffissornikkut,

ilinniagartuumut suliassat attaveqaqatigiinnermilu suliassat

Piginnaasassat:

•Nammineersinnaassuseqarlutit sulisartutit, anguniagassatut siunniussatit angusarpatit aammalu amerlasuunik soqutigisaqaqatigiinnik aamma illup iluani avataanilu suleqatigisanik amerlasuunik suliniutit akimortut annertuut aqussinnaavatit

•Suliamut attuumassutilimmik ilinniagartuujuvutit allamilluunniit attuumassuteqartumik ingerlaqqiffiusumik

• aamma Kalaallit Nunaanni inuiaqatigiinni pissutsinut ilisimasaqartutit

•Oqaatsitigut allattariarsornikkullu attaveqaqateqallaqqissuusutit

•Suliniutinik aqutsinerup iluani soqutigisaqarneq

•Kalaallit Nunaanni ilaqutariinnut isumaginninnermullu pissutsinik ilisimasaqarluarlutit

•Aaqqissuussaanermi politikkikkut aqutaasumi suliat suliarineqartarnerinik pitsaasumik ilisimasaqarneq

•Arlalinnik oqaaseqartuusutit, kalaallisut aamma qallunaatut. Aamma tuluttut piumasaqaataanngilarli.

Akissarsiat atorfeqartitaanermullu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik allaffissornikkut Sisimiuni inissisimavoq, Sisimiunilu Pisortaanerup sulisuinut pisortap ataani aaqqissuussaanikkut inissisimalluni.

Piaartumik isumaqatigiissuteqarnikkulluunniit atorfinittoqassaaq.

Atorfik pillugu paasissutissat annertunerusut Sisimiuni Pisortaanerup sulisuinut pisortaagallartumut Mette B. Rydbjerg-imut, oqarasuaat (+299) 86 73 02, e-mail: mbbe@qeqqata.gl saaffiginninnikkut pissarsiarineqarsinnaapput imaluunniit Kommunimi pisortaanermut Hans Christian Sværd, e-mail: hcsv@qeqqata.gl

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik attaveqarfissanillu nassiunneqassapput. 

Qinnuteqaat uunga nassiunneqassaaq:

Pisortaanerup sulisui pillugit

Pisortaanerup sulisui tassaapput Qullersaqarfiup ataani akimortumik suliaqartut. Pisortaanerup sulisui Sisimiuni arfineq-marlunnut Maniitsumilu marlunnut agguataarsimasunut sulisunut qulinngiluanut amerlassusiligaavoq. Pisortaanerup sulisuini suleqataasoq ingerlatsinermi suliassanik ineriartortitsinermillu suliassanik illup iluani akimortumik suliaqartarpoq. Suliassat politikkimut - soorluttaaq allaffissornikkut suliassaasinnaapput.

Nittartakkatsinni www.qeqqata.gl/ansat kommunimi sulisut assigiinngitsut pillugit atuarsinnaavatit.

Suliniut pillugu

Qeqqata Kommunia peqqissuunissaq atugarissaarnissarlu pillugit suliniutit pingaarnerit pingasut suliniummi ataatsimi katersornikuuai, tassanngaanniit kommunip peqqissuunissap siuarsarneqarnissaanik suliniutit ineriartortinneqarsinnaallutik ataqatigiissaarneqarsinnaallutillu.

Kattussinermik siunertaasoq tassaavoq, kommunimi suliniutit atuutsitsilernissamilu suliaqartarnerup pitsaaliuinermi peqqissuunissallu siuarsarneqarnissaani ukkataqartuusup nukittorsarneqarnissaa ineriartortinneqarnissaalu, immikkoortortat ingerlatsiviillu aamma takorluukkamiit suliniummut atuutsitsilernermullu avataani suleqatigisat akornanni akimortumik suliaqarnissamik suleqatigiinnissamillu pisariaqartumik sinnaakkusiinissaq.

Suliniutigisap Suleqatigiinnisami isumaqatigiissummi, kommunip Pilersaarusiornermi periusissiaani, peqqinnissamut pitsaaliuinermullu politikkimi, innarluutilinnut politikkimi, meeqqanut inuusuttunullu politikkimi kiisalu utoqqarnut politikkimi takorluukkanut anguniakkanullu piviusunngortitseqataassaaq.