Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Sulisoqarnermut siunnersorti Sisimiuni/HR-konsulent i Sisimiut
Qeqqata Kommunia
Sisimiut
Ikkunneqarpoq: 23-05-2024
Piffissaq atuuffissaa naassaaq: 12-06-2024
Suliffissamut ID normut: 331589304
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Atorfiup taaguutaa:
Ilinniagaq: , Akademimerkonom (NI2)
Misilittakkat - Annertunerusumik: Ansættelseskontrakter,
Oqaatsit:
| Danskisut |
Atuarneq/ oqalunneq |
| Kallaallisut |
Atuarneq/ oqalunneq |
Qeqqata Kommuniani Sulisoqarnermut Immikkoortortami pissanganartunik suliassartaqartumi suleqatigiinnut peqataarusuppit? Piginnaasalimmik pimoorussilluartumillu piaartumik isumaqatigiinnikkulluunniit sulilersussamik suleqatissarsiorpugut.
Qeqqata Kommuniani allaffeqarfimmi suliffeqarfiinilu aqutsisunut, Sulisoqarnermut immikkoortortaqarfimmit siunnersuisarpugut. Sulisoqarnermut tunngatillugu inatsisilerinermi apeqqutit pillugit aqutsisunik suleqateqarpugut, inatsisillu malillugit allaffissornikkut sulisoqarnermut suliat isumaqatigiissutilerinikkut, atorfillit pillugit inatsisilerinikkut, sulianik suliarinnittarneq pilluguinatsisilerinikkut allatigullu attuumassuteqartunik inatsisilerinikkut eqqortumik ingerlanneqarnissaannik qulakkeerinnittarluta.
Sulisoqarnermut Immikkoortortaqarfimmi suliassat salliuttagassallu ilaatigut ukuupput:
- Aqutsisunik ikiorsiineq siunnersuinerlu
- Sulisussarsiornerit allagarsiunneri, atorfinitsitsinermilu isumaqatigiissusiornerit
- Sulisut pillugitallaffissornikkut sullissineq, atorfeqartitaasunut soraarsitsisarneq, matumani suliunnaartitsinerit ilanngullugit
- Kattuffinnut akissuteqaasiorneq
- Tapisianik Immikkoortiterinermi aamma tapisiaqartitsinikkut/tapinillu allannguinikkut immikkut isumaqatiginninniarnerit
- Immikkoortortaqarfinnut suliffeqarfinnullu malittarisassanik, ilitsersuutinik skabeloninillu suliaqarneq
- HR-system Mindkey-mi suliaqarneq
- Suleqatit peqatigalugit sulisunik ineriartortitsineq pitsanngorsaanerlu
- Suliassanik takkussortunik suliaqarneq
Neqeroorutigissavarput:
- atorfik suliatigut inuttullu unammillernartunik annertuunik toraagassaqarfiusoq
- sulisoqarnermut Immikkoortortaqarfimmi suleqatitpiginnaasaqarluartut peqatigalugit ineriartortitseqataaneq
- tatigeqatigiiffiusumik pitsaasunik atugaqarluni suleqatigiinneq
- ineriartornissamut periarfissat
Naatsorsuutigaarput:
- ·allaffissornikkut ilinniarsimasuusutit aamma/imaluunniit Sulisoqarnermut immikkoortortami allaffisornermut tunngasunik misilittagaqartutit
- ·politikkikkut suliallit aqutaanni suliffeqarfimmi suliaqarnermik misilittagaqartutit
- ·isumaqatigiissutinik isumaqatigiinnernillu nassuiaasinnaanermik misilittagaqartutit
- ·ajunngitsumik inunnutisiginnittuusutit, ilinnullu tatiginnilersitsisinnaassuseqartutit
- ·aalajaatsuusutit/ sulilluartuusutit
- ·marluinnik oqaaseqartutit (kalaallisut/danskisut)
Suliffik ulapiffiuvoq, taamaakkaluartoq suleqatigiligassarput piumasaqaatitsinnut tulluartunik piginnaasalik utaqqisinnaavarput. Sulisoqarnermut Immikkoortortami sulisut arfineq-marluuvugut, pingasut Maniitsumi, Sisimiunilu sisamat inissisimallutik, illit ilanngullutit.
HR-imi pingaartitatta ilagivaat nuannaarneq, isertuanngissuseq, toqqissisimaneq torersumillu pissuseqarnissaq.
Akissarsiat atorfininnermilu atugassarititaasut:
Akissarsiat sulinermilu atugassarititaasut, matumani akiliunneqarluni angalaneq, pequtillu angallanneri ilanngullugit, Naalakkersuisut aamma Atorfillit Kattuffiata/AK-p akornanni Namminersorlutik Oqartussat Kalaallillu kommuuniisa akornanni sulisunut ingerlatsinermi isumaqatigiissutit atuuttut naapertorlugit pissaaq.
Inissaqartitsisoqarsinnaavoq, tamatumanilu malittarisassat atuuttut naapertorlugit akiliuteqartoqartassalluni.
Atorfininnissaq pissaaq 1. juli 2024 imaluunniit isumaqatigiinnikkut.
Pinerlussimannginnermut uppernarsaat:
Atorfik una pinerlussimannginnermut uppernarsaammik paasiniaanissamut inatsimmi pisussaatitaavoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq. Taamaattumik malugeqqussavarput kommunep Politiinit pinerliisimannginnermut uppernarsaat aatsaattiguppagu atorfiniffiusussaq isumaqatigiissutigineqarsinnaammat.
Atorfimmut paasissutissat annertunerusut Sulisoqarnermut immikkoortortami pisortamut Mikol Poulsenimut, oqarasuaat (+299) 86 73 27, e-mail: mikn@qeqqata.gl saaffiginninnikkut pissarsiarineqarsinnaapput.
Qinnuteqaat soraarummeersimanernut uppernarsaatit assilinerinik, imminut ilisaritinnermik, oqaaseqaatinik paasiniaavissanillu innersuussanik ilalerlugu nassiunneqassaaq.