sullissivik.gl
Atorfimmut ussassaarummut oqaatsinut allanut nuunniarlutit tooruk

Sullissisoq

Avannaata Kommunia

Ilulissat
Ikkunneqarpoq: 14-06-2024
Piffissaq atuuffissaa naassaaq: 22-07-2024
Suliffissamut ID normut: LJA-85545425
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Allat, Isumaginnittoqarfik
Attaveqarfissamut paasissutissat

Avannaata Kommunia

 
Oqarasuaat

Avannaata Kommuniata Ilulissani innarluutilinnut sullissisussatut Atorfik ulloq 01.08.2024 imaluunnit isumaqatigiissuteqarnikkut inuttassarsiunneqarpoq.

Innarluutilinnut sullissisup ilaqutareeqarnermut immikkoortortaqarfimmi aqutsisoq qaninnertut qullersarissavaa.

Atorfimmi suliassarisassat makkuussapput:

  • Innarluutilinnut ilaqutaannullu tunngasunik saaffiginnittut isumagalugit, siunnersuinermillu ingerlatsinerit.
  • Innarluutilinnut tunngasuni sullissinerit tamaasa isumagalugit.
  • Innarluutillit pillugit inatsit, nalunaarullu naapertorlugu qinnuteqaatinik suliaqarneq.
  • Ikiorsiissutinik tunniussinermi akuersissuteqarnermi allakkiorneq, kiisalu peqqussut najoqqutaralugu ikiorsiissutinik allanik suliaqarneq.
  • Innarluutillit najugaqarfinni atugassarititaannik malittarinninneq nakkutiginninnerlu, pisariaqartitsisoqartillugu nalunaaruteqartarneq.
  • Sulianut tunngasunik suliassanik allanik suliaqarneq.

Taakku saniatigut atorfik pillugu akisussaaffiit allaaserinninnerillu Ilulissani inunnik isumaginnittoqarfimmi aqutsisumut saaffiginnilluni pissarsiarineqarsinnaapput.

Piginnaasat kissaatigineqartut:

  • Isumaginninnermi siunnersorti, rådgiver i socialt arbejde, allaffimmioq sammisamut pikkorissarsimasoq, perorsaasoq isumaginninnermik aammalu allaffissornermik pikkorissarsimasoq, imaluunniit isumaginninnermi ikiorti isumaginninnerup iluani pikkorissarsimasoq.
  • Isumaginninnerup iluani sullissinermik misilittagalik perusunneqarpoq.
  • Qarasaasiamik atuilluarsinnaasoq.
  • Kalaallisut qallunaatullu oqalussinnaaneq/allassinnaaneq iluaqutaassaaq.
  • Sullisserusussuseqarneq, aalajaanneq, peqqissaartuuneq suleqateqarluarsinnaanerlu.

Akissaatit atorfeqartitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugit pissapput.

Atorfimmut atatillugu inissaqartitsisoqanngilaq.

Pinerluuteqarsimannginnermut uppernarsaatit:

Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

Atorfik pillugu paasissutissat allat pillugit Ilaqutareeqarnermut immikkoortortaqarfimmi innarluutilinnut aqutsisumut Makkak Olsvig Jørgensen-mut, oqarasuaat 38 75 78 imaluunniit E-mail mjor@avannaata.gl  atorlugu saaffiginninnikkut piniarneqarsinnaapput.

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 22.juli 2024.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Avannaata Kommunia
Ilulissat
Avannaata Kommunia
Ilulissat
Avannaata Kommunia
Ilulissat