sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Qeqqata Kommunika

teknikkeqarnermut avatangiisinullu imm. ingerlatsinermi aqutsisumik pissarsiorpoq

Qeqqata Kommunika

Maniitsoq
Ikkunneqarpoq: 13-01-2025
Piffissaq atuuffissaa naassaaq: 31-01-2025
Suliffissamut ID normut: LJA-85902631
Atorfeqarnermi atugassarititaasut: Tamakkiisoq
Suliassaqarfik: Allat, Aqutsineq

Aqutsilluarnermik piginnaasaqarpit? Ataatsikkut arlalinnik suliaqarsinnaassuseqarpit?

Taamaassimappat ingerlatsinermi aqutsisutut atorfik immaqa ilinnut naleqquttuuvoq.

Qeqqata Kommunia Teknikkeqarnermut Avatangiisinullu Immikkoortortamut ingerlatsinermi aqutsisumik pissarsiorpoq.

Suliassat akisussaaffiillu

  • Immikkoortortami sulisunut aqutsisunut pingasunut, ingerlatsinermi sulisunut akunnermusiaqartuusunut 25 missaanittunut aqutsisuusunut ulluinnarni ingerlatsineq aqutsinerlu. Ingerlatsinermut pilersuinermullu tunngasunut missingersuutinut akisussaaneq aamma Teknikkeqarnermut ataatsimiititaliamut innersuussutinik suliaqarneq
  • Aqqusinernik, ikaartarfinnik, majuartarfinnik, pisuinnaat aqqutaannik, takornarissanut piniartunullu illuaqqanik, kommunip pinnguartarfiutaanik, sannavinnik ataatsimoorussanik, iliveqarfinnik, puttasunik kuuffissuarnillu aserfallatsaaliinissamut pilersaarusiornissamut akisussaasuuneq
  • Ingerlatsinermi suliassanik suliariumannittussarsiuussanik (eqqaavilerineq anartarfilerineq, kuuffissuarnik ingerlatsineq, aputaajaasarneq) akisussaaneq nakkutilliisuunerlu
  • Ilaatigut aputaajaasarnerup, entreprenøreqarnerup, asfaltiliorfiup, kalaalimineerniarfiup iluani ingerlatsinermut suliassanut akisussaasuuneq
  • Eqqagassanut ulorianaatilinnut tigooraavimmik ikuallaavimmut akisussaaneq.

Piginnaasat

  • Ingerlatsinermik sanaartugassanillunniit neqeroortitsinermik nakkutilliinermillu misilittagaqartutit
  • Sulisunik suliniutinillu aqutsinermik misilittagaqartutit
  • Ajornanngippat teknikkikkut atortulersuutinik ingerlatsinermik misilittagaqartutit.

Piginnaasat

  • Peqqissaartuusutit, tulleriiaarillutit namminersorlutillu sulisinnaassasutit
  • Innuttaasunut sulisunullu pitsaasumik oqaloqatiginnissinnaasutit
  • Sulisutit suleqatitillu kaammattorsinnaagitit
  • Sullissillaqqissuullutillu pitsaasumik suleqatiginnissinnaassuseqartutit
  • Sulisunik aqutsinermik misilittagaqartutit toqqaannartumilluunniit misiliinissamut piumassuseqartutit
  • Pisuni ulapaarfiusuni eqqissimasinnaasutit unammillersinnaassuseqartutilluunniit
  • Ataatsikkut arlalinnik suliaqarsinnaassuseqartoq.

Akissarsiat atorfinitsitaanermullu atugassarititaasut

Akissarsiat, atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Kalaallit Nunaanni Namminersorlutik Oqartussat aamma isumaqatiginninniarsinnaatitaalluni peqatigiiffiup akornanni qaqugukkulluunniit isumaqatigiissutit atuuttut naapertorlugit inissinneqassapput.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

Suliffimmut atatillugu biilinik oqarasuaammillu angallattakkamik atugassaqartitsisoqarsinnaavoq malittarisassat atuuttut malillugit akilerneqartussat.

Atorfininneq pissaaq:

Piaartumik isumaqatigiissuteqarnikkulluunniit.

Atorfik pillugu sukumiinerusumik paasissutissat, tulliuttumut saaffiginnissuteqarnikkut pissarsiarineqarsinnaapput:

Allaffissornermi pisortaq Ulrik Lyberth oqarasuaat (+299) 81 78 40 imaluunniit email ully@qeqqata.gl.

Qinnuteqaateqarnissamut piffissaliussaq

Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarsinnaanermullu paasissutissanik ilaqartinneqartoq nassiunneqassaaq.

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerliisimannginnermut uppernarsaammik, ilinniakkanut suliffigisimasanullu paasissutissanik, ilinniarsimanermut uppernarsaatinik, sulisitsisumit oqaaseqaatinik allanillu PDF-filimut immiussanik ilallugu kommunip nittartagaatigut tunniunneqareersimassaaq.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia