Terminalarbejder Qaarsut

Mittarfeqarfiit

Uummannaq

Ikkunneqarpoq: 11-09-2024

Piffissaq atuuffissaa naassaaq: 01-10-2024

Suliffissamut ID normut: LJA-85682549

Atorfeqarnermi atugassarititaasut: Tamakkiisoq

Suliassaqarfik: Assassorluni sulineq & sanaartorneq

Assartugalerisutut ilinniagaqarsimavit imaluunniit assassornermut tunngasumik tunuliaqutaqarlutit? Ullut tamaasa silami silaannarissumi suliaqarluarlutit sulinissaq nuannaraajuk? Taava Qaarsut mittarfimmi assartugalerisutut suliffissaq ilinnut naleqqussimassaaq.

Suliassat:?

Pissanganartunik tamatigoortunillu suliassaqassaatit, aammalu ullut marluk assigiinngisaannassapput. Ilaatigut makkua suliarisussaassavatit:

·Timmisartulerineq – Timmisartunik usigiaaneq aamma usilersuineq

·Qatserineq annaassiniarnerlu, kiisalu imaani annaassiniarnermillu suliaqarneq

·Aputaajaaneq

·Mittarfimmi atortunik iluarsaassineq aserfallatsaaliuinerlu

·Allat suliassaalertartut suliassat

Piginnaasat

Naatsorsuutigaarput, terminalarbejderitut ilinniarsimasuunissat, suliartortuaannartutit, tunniusimasoq, kiffartuussillaqqissutillu. Taakkua saniatigut atorfimmi makkuninnga piumasaqarfigineqassatit;

·Maskiinalerisinnaaneq.

·Mittarfinnik ingerlatsinermik misilittagaqarneq.

·Kalaallisut danskisullu oqalussinnaaneq.

·Peqqissuuneq.

·Biilinik ingerlatsisinnaanermut truckinullu allagartaqarneq.

·Pinerluuteqarsimannginnermik uppernarsaateqarneq.

·Timmisartunik qatserisinnaanermik ilinniarsimaneq.

Greenland Airports neqeroorutigaat:

Suliffik pissanganartoq ineriartortoq. Greenland Airports sulisutsinnut atugassarititaasut pitsaasuunissaat pingaartippaa aammalu suleqatigiilluarneq pingaartillugu. Suleqatigiinnitsinni ilaalissaatit, tassani tamarmik namminersorlutik taamatullu ataatsimoorlutik sulillutik.

Isumannaallisaanermut akuerineqarneq

Atorfimmi atorfinitsinneqarsinnaanissarnut politiiniit isumannaallisaanermi akuerineqarsinnaanissat pisariaqarpoq. Taamaattumik pinerlussimanermut nalunaarsuiffimmit pappialanngortitaq ilanngullugu nassiutissavat. Taanna najukkami politiinit oqartussaasunit piniarneqarsinnaavoq.

Atorfinitsitaanermi atugassarititaasut

Atorfinitsitaaneq SIK-p isumaqatigiissutaa ilaatigut ukunannga imaqartoq naapertorlugu pissaaq:

• ·Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq.
• ·Isumaqatigiissuteqarneq naapertorlugu atorfinitsitaaneq pissaaq.
• Inatsisit atuuttut malillugit inissiaq

Annertunerusumik paasisaqarit

Annertunerusumik paasisaqarnissaq kissaatigigukku, imaluunniit atorfimmut apeqqutissaqarlutit, Mittarfimmi pisortaq James Nielsen E-mail jani@airports.gl imaluunnit oqarasuaammut +299 38 43 89 sianerfigisinnaavat. Apeqqutit nalinginnaanerusunut tunngasut HR-imut immikkoortortaqarfimmut ingerlatinneqarsinnaapput uunga mail hr@airports.gl

Greenland Airports pillugu nittartakkatsinni annertunerusumik paasisaqarit www.airports.gl

Soqutiginnippit?

Taava qinnuteqaativit, cv-erpit kiisalu ilinniagaqarsimanermut uppernarsaativit, linki matuma kingulianiittoq aqqutigalugu kingusinnerpaamik ulloq 1. oktober 2024 tigunissaannut qilanaarpugut.

Greenland Airports Kalaallit Nunaanni mittarfiit 13-it heliportillu 43-t ingerlappaat. Ukiumut aallartut mittullu 60.000-t sinnerlugit isumagisarpagut ilaasullu 350.000-it sinnerlugit sullittarlugit. 400 missaanni sulisoqaratta nunatsinni suliffeqarfiit annersaasa ilagaatigut, aammalu sulisutta suliffeqarfittalu ineriartortinnissaat sulissutigiuarlugu. Taamaalilluta sullissinerit ilinniarnerillu arlalissuit neqeroorutigisarpagut, taamaaliornitsinnilu inuiaqatigiit pitsaasumik ineriartornissaannut tapersiisinnaavugut.