Terminalarbejderissarsiorpugut

Mittarfeqarfiit

Sisimiut

Ikkunneqarpoq: 10-09-2024

Piffissaq atuuffissaa naassaaq: 01-10-2024

Suliffissamut ID normut: LJA-85681071

Atorfeqarnermi atugassarititaasut: Tamakkiisoq

Suliassaqarfik: Assassorluni sulineq & sanaartorneq

Atorfimmik pissanganartumik ujarlerpit, susoqarfiulluartumi nunarsuarmiorpalaartumillu avatangiisilimmi?

Terminalarbejderitut ilinniarnikuuvit ullullu tamaasa suliassamik ajunngitsumik naammassisaqarnissat pingaartitaralugu, silaannarissumilu inuuneq ilorrisimaarutigalugu? Taava Mittafik Kangerlussuaq atorfik ilinnoortoq neqeroorutigisinnaavaa.

Suliassat
Suliassat pissanganartut tamatigoortullu pisassavatit ullullu tamaasa assigiinnavianngillat. Suliassatit ilaatigut makkuupput:

• Timmisartut attartukkat suliarinissaat – timmisartunik usilersorneq usingiaanerlu
• Narsaatini suliassat s.a. aputaajaaneq il.il.
• Ikuallannermik annaassiniarnermillu sullissineq
• Ambulance`nik ingerlatsineq
• Suliassat allat takkussuuttut

Piginnaasassat
Naatsorsuutigivarput terminalarbejderitut ilinniarsimanissat aamma 100 %-mik takkuttarlutit aalajaatsuunissat, pisussaaffitit paarilluarpatit aamma sullissinermik pikkoriffeqarputit. Tamakkua saniatigut aamma suliffigiligassat ilinnut piumasarivaa;

• Maskinanik passussineq sungiusimassagit
• Mittarfimmik ingerlatsinermik misilittagaqarnissat
• Kalaallisut qallunaatullu oqalussinnaasutit kisianni piumasaqaataanngilaq
• Peqqissuunissat
• Kørekort angineq pigissagit
• Pinerlussimannginnermut uppernarsaateqarnissat

Greenland Airports neqeroorutigaat
Suliffeqarfik pissanganartoq ineriartortoq, sulisut ajunngitsorsiassaannik pingaartitsisoq aamma suleqatigiinni kammagiilluarnissaq pingaartillugu. Suleqatigiinni peqataalissaatit terminalarbejderit allat naligalugit, tamarmik immikkuuffaarissumik sulillutillu suleqatigiikkuutaani sulipput.

Atorfininnermi piumasaqaatit
Akissarsianut atorfininnermullu tunngasut SIK-p isumaqatigiissutai naapertorlugit qaammamusiaqartoqarpoq, tamannalu aamma makkuninnga ilaqarput.

• Malittarisassat atuuttut malillugit ineqarneq
• Malittarisassat atuttut malillugit sulileqqaarnermi akeqanngitsumik angalasinnaatitaaneq
• Qaammatit 12 atorfeqareerluni ukiumoortumik akeqanngitsumik feriarnermi angalasinnaatitaaneq, malittarisassat atuuttut malillugit
• Piffissaq suliffiusoq sapaatip akunneranut, akunnerit 40-pput
• Erniinnaq sulilertoqarsinnaavoq imaluunniit isumaqatigiissuteqarnikkut

Isumannaallisaanermi akuerineqarneq
Atorfeqalersinnaanermut isumannaallisaanermi akuerineqarnissaq piumasaqaataavoq. Taamaammat pinerluuteqarsimannginnermut nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq imaluunniit uani www.sullissivik.gl

Paasisaqarnerorusuppit
Atorfik pillugu annertunerusumik paasisaqarusukkuit tikilluaqquneqarputit Ingerlatsinermik pisortaq Brand & Redning Jakob Olsen oqarasuaammut +299 34 17 85 sianerfigisinnaallugu. Apeqqutit naliginnaanerusut HR immikkoortortamut apeqqutigineqarsinnaapput mail`ikkut uunga hr@mit.gl.

Qinnuteqarusuppit?Taava qilanaarpugut qinnuteqaatit tigussallugu, CV aamma ilinniarsimaninnut uppernarsaatit link ataaniittoq atorlugu kingusinnerpaamik 1. oktober 2024 tigusimassavarput. Oqaloqatigiinnerit ataavartumik ingerlanneqassapput

E-mailikkut qinnuteqaatit tiguneqarnavianngillat.

Greenland Airports Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 400.000-it sinnerlugit kiffartuuttarlutigit. 400-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.