sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Mittarfeqarfiit

Trafikassistent i Paamiut

Mittarfeqarfiit

Paamiut
Ikkunneqarpoq: 16-05-2024
Piffissaq atuuffissaa naassaaq: 31-05-2024
Suliffissamut ID normut: LJA-85487264
Atorfeqarnermi atugassarititaasut: Tamakkiisoq
Suliassaqarfik: Allat

Angallannermi assistentitut imaluunniit ilaasunik kiffartuussisutut ilinniarsimavit? Kiffartuussilluarnissallu pingaartippiuk? Ataatsikkut assigiingitsorpassuarnik suliaqarsinnaavit, allallu sulilluarnissaannik kaammattuisinnaavit? Taava Paamiuni angallanermi assistentitut/allaffimmiutut atorfik ilinnut naleqqussimassaaq.


Suliassarineqartut:

  • Timmisartuutileqatigiinnut tigussaasumik suliassat
  • Ulluinnarni ilaasunik nassatanillu sullissinikkut suliassaasartut nakkutiginissaat
  • Allaffissornikkut suliassat

 

Piginnaasaqarfigisassat:

  • Suliassaasunut misilittagaqarsimanissaq iluaqutaassaaq
  • Atuisunik sullissinermik misilittagaqarnissaq
  • Kalaallisut qallunaatullu oqaaseqarnissaq. Tuluttut oqaaseqarneq pitsaaqutaasinnaavoq, kisianni piumasaqaataanani
  • Atuisunik sullissinermik soqutigisaqassaaq, atuisunummi ajunnginnerpaamik paasissutissiisinnaanermik sullissinissaq atorfissaqartinneqaqimmat.

 

Greenland Airports Paamiut trafikassistent´imut, nassatanut uloriarnartunullu ilinniartitaanissat najukkami ilinniartissavaatit.

 

Mittarfeqarfiit neqeroorutigivaat:

Suliffeqarfik pissanganartoq ineriartortorlu, sulisuminnut ajunngitsunik atugassarititaasut pingaartikkaa aamma suleqatigiittut ajunngitsumik ataqatigiinnissaq pingaartillugu. Greenland Airports Paamiut team arfinilinnik sulisoqarpoq saniatigullu Mittarfimmi pisortaqarluni.

 

Isumannaallisaanermi akuerineqarneq:

Atorfeqalersinnaanermut isumannaallisaanermi akuerineqarnissaq piumasaqaataavoq. Taamaammat pinerluuteqarsimasunik nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq imaluunniit uani www.sullissivik.gl.

 


Atorfinninnissamik piumasaqaataasut:

Akissarsianut atorfininnissamullu tunngasut sulinermik kattuffiusoq naleqquttoq naapertorlugu ingerlanneqartarput. Ilanngullugu aamma Malittarisassat atuuttut naapertorlugit sulilernermi soraarnermilu akeqanngitsumik angalatitaaneq aamma pisattanik nuutitsineq, Kalaallit Nunaanni Namminersornerusut atorfininnermi piffissami isumaqatigiissutaasut naapertorlugit ingerlanneqassapput.  

Paasisaqarnerorusukkuit

Atorfigiligassatut periarfissaasumut paasisaqarnerorusukkuit imaluunniit apeqqutissaqaruit taava tikilluaqquneqarputit attaveqarfigissallugu mittarfeqarfimmi pisortaq Hugo G Svensson e-mail-ikkut: hugo@mit.gl oqarasuaatikkulluunniit +299 38 27 91.

Apeqqutit naliginnaanerusut HR-ip immikkoortortaqarfianut mail-mut: hr@mit.gl

 

Qinnuteqaat

Atorfimmut atorfininnissannut naatsorsuutigineqassaguit, qinnuteqaatit, cv aamma ilinniarsimaninnut uppernarsaatitit toqqaannartumik Greenland Airportsìmut nittartakkakkut uunga link-mut nassiunneqassapput kingusinnerpaamik ulloq 31. maj 2024.

Qinnuteqaatit E-mail-ikkoortut tiguneqarneq ajorput. 

Greenland Airports Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia