Pisiffik A/S

Aasiaat

Ikkunneqarpoq: 27-11-2024

Piffissaq atuuffissaa naassaaq: 30-11-2024

Suliffissamut ID normut: 331600952

Atorfeqarnermi atugassarititaasut: Tamakkiisoq

Suliassaqarfik: Pisiniarfik & sullissineq

Atorfiup taaguutaa: Afdelingsleder

Misilittakkat - Annertunerusumik: Frugt & grønt,

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Tuniniaanermi aqutsisoq –naatitaarniarfimmut

Pisiffiup naatitanik tuniniaanerulernissaanut peqataarusuppit?

Pisiffik A/S Kalaallit Nunaanni niuernerup silarsuaani suliffeqarfittut peqqinnarnerusunik tunisaqarnerulernissaminik anguniagaqarpoq – tassaniillutik naatitat.

Inerneqarluartitserusussuseqartumik naatitaarniarfitsinnut tuniniaarnermi aqutsisussamik pissarsiorpugut. Nioqqutit nutaat tiguartiffigeqqagukkit, niuernerup silarsuaanut tappiffeqaruit aqutsisuunermillu misilittagaqartuullutit imaassinnaasoq illit atorfissaqartikkitsigit.

Atorfik pillugu: Naatitaarniarfitsinni tuniniaanermut aqutsisutut ulluinnarni ingerlatsineq, tuniniaaneq aammalu nioqqutaatitta nutaat saqqummiunneqartarnissaat akisussaaffigissavatit. Immikkoortortaqarfiup pisiniartartunut tikikkuminartuunissaa isumassarsiorfiusinnaaneralu qulakkeerlugulu suleqatigiit kajumisillugit pitsaanerpaamik suliaqarnissaannik aqutsisuuffigissavatit.

Suliassatit ilaatigut makkuninnga imaqassapput:

• Naatitaarniarfitsinni ulluinnarni suleqatigiinni aqutsisuuneq.
• Nioqqutissanik inniminniineq aamma uninngasuutit nakkutigilluarnissaat.
• Naatitaarniarfiup kusarnartuusarnissaa nutaanillu nioqqutinik ulikkaaqqasarnissaasa qulakkeernissaat.
• Paasititsiniutit tunisanillu pilersaarusiornerit malinnaaviginninnerillu.
• Pisisartut kiffartuulluarneqarnissaasa immikkoortortaqarfimmilu pimoorussinissap qulakkeernissaa.

Naatsorsuutigaarput:

• Niuertuunerup silarsuaani misilittagaqartuusutit, ajornanngippat atorfimmi assingusumi.
• Naatitanut ilisimasaqarluartuullutillu FIFI-mi malittarisassanut pikkorilluinnartuusutit.
• Aqutsisuunissat inissaminiittoq kajumissaarisinnaassuseqarlutillu suleqatigiit sulerusussuseqalersissinnaagitit.
• Suliat naammassilluarnissaat pingaarppatit pisisartut nalerisimaarnissaannik tunisaqarnissamillu pingaartitsisuullutit.
• Ulluinnarni ulapiffiusumi pilersaarusiornermut, aaqqissuussinermut sunillu tamanik takunnissinnaaneq pikkoriffigigitit.
• Kisitsisinut pikkoriffeqarlutillu allaffissornermi suliassanik, soorlu nioqqutissanik inniminniinissannut nalunaarusiornissannillu suliaqarsinnaasutit.

Neqeroorutigaagut:

• Atorfik soqutiginartoq immikkoortortaqarfimmi uummaarissumi pisisartunik pingaartitsisumi.
• Immikkoortortortaqarfiup ineriartorneranut iluatsinneranullu sunneeqataanissamut periarfissaq.
• Sulinermi atugarisat suleqatillu pitsaasut.
• Piginnaasatit aallaavigalugit akissarsiat pilerinartut sulisutullu iluanaarutissat assigiinngitsut.

Suliffiup sumiinnera: Pisiffik Aasiaat

Atorfininnissaq: Piaartumik imaluunniit piffissaq isumaqatigiissutigineqartoq malillugu.

Qinnuteqaatit CV-llu nittartakkatsigut nassiutikkit: https://mkjobpisiffik.azurewebsites.net/kl-gl/Details.aspx?VID=20241006 

Pisiffik A/S pillugu

Pisiffik A/S Kalaallit Nunaanni niuertarfiit annersaannut ilaavoq 54-inik pisiniarfeqarluni/immikkoortortaqarluni 800-t missaannilu amerlatigisunik sulisoqarluni. Pisisartutsinnut niuertarfigissallugu orniginarnerpaanissarput anguniagaraarput nioqqutit pitsaasut siammasissut kiffartuussinerlu pitsaalluinnartoq neqeroorutigalugit. Anguniagaraarput nutaaliornikkut, piujuartitsinikkut sumiiffinnilu attuumassuteqartitsinikkut pisiniarnermi asseqanngilluinnartumik misigititsinissarput.

Tusarfiginissat qilanaaraarput

Atorfik pillugu apeqqutissaqaruit Pisiniarfimmi aqutsisoq, Juaannannguaq Sandgreen attavigisinnaavat maana: jus@pisiffik.gl imaluunniit tlf. +299 29 04 38