Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Tuniniaanissamik pilerisaarutinik suliaqarnermi aqutsisoq
Ikkunneqarpoq: 12-02-2025
Piffissaq atuuffissaa naassaaq: 17-02-2025
Suliffissamut ID normut: LJA-85946678
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Pilerisaarinermik digitalimilu tuniniaanermik pikkoriffeqaruit ataani atuaannarit
Greenland Airports pilerisaarinermik tuniniaanermillu digitalikkut siammarterinermik pikkoriffilimmik suleqatissarsiorpoq. Illiua suleqatissarput?
Tuniniaanermi pilerisaarinermilu illoqarfinni tamaginni suliaqarfitsinni sulisumik pingaarutilimmik pisariaqartitsivugut. taamatuttaaq Digitalikkut saqqumilaarfitsinni suliatit ersarissuussallutik. Nuummi ShareServiceCenterimi inuit suliaminnik ukuusunik pilerisaarinermik attaveqarnermillu pikkoriffeqarluinnartut issiaqatigissavatit.
Suliatit pingaarnerit ukuussapput:
Nittartargarput nutaaq, airports.gl immersussallugu, assilersuinermi imassaanillu pilersitsinermi, atuisutsinnut pingaaruteqassusissaanik immersueqataasumik, taassumalu iluani uagut pingaartsitagut suleriaaserpullu ataqatigiisillugit.
Mittarfitsinni DutyFreenilu piareersagassat akisussaaffigalugit taassuma iluani pilerisaarutit ersarissarnissai tuniniagassat eqqarsaatigalugit. Suliassavit ilagissavaat ukiumut tuniniaanermi pilerisaarinermilu piareersagassat, tassanilu suleqatigisassavatit tuniniaasugut aammalu ilutsinni suleqatigut.
Nutaarsiassaqartitsivitsinniit imarisassai saqqummiussassallu aaqqissornerni tassanilu suleqatigineqassapput attaveqarnermut immikkoortortaqarfik aammattaarlu saqqummiussisarfiit tamakkiisumik ataqatigiinnissaat suliarissallugu.
Ujartugaraarput: illit tassaasoq pilerisaarinermi tuniniaanermilu aqutsisoq sullarissoq, suleqatigaluta tuniniaanermik suliagut erseqqissaaffigiumaaritit. Suliffik nutaajummat illit nammineerlutit suliassatit sunneeqataaffigilluarumaarpatit.
Kinaassutsit:
takorloorparput illit:
tuniniaanermik pilerisaarinermillu misilittagaqartutit, tuniniaaniarnermi siumut eqqarsarsinnaanermik paasititsiilluarsinnaanermillu ilisimasaqartutit.
Digitaliusumik suliaqarnermi inerniliilluarsinnaasutit aammalu Sociale Media aqqutigalugu suliaqarsinnaasutit minnerunngitsumillu WordPress atorsinnaagit,
Oqaatsit atorsinnaasatit ukuussasut: Kalaallisut, qallunaatut tuluttullu
suliffeqarfimmi sukkasuumik suliaqarfiusumi aammalu ineriartorluarfiusumi sulisinnaasutit. Iluaqutaassaaq aamma titartaanermi e-mailikkullu tuniniaanermik misilittagaqaruit.
Uagut tunniussinnaasagut:
Greenland Airpots suliffeqarfiuvoq nutaaq, Mittarfeqarfiit Kalaallit Airports ataatsimoortillugit pilersiutaasoq.
Suliffeqarfik kulturikkut pilersaarusiornikkullu allanngoriartorfimminiippoq, tamannalu illit sunneeqataaffigisinnaavat.
Greenland Airportsimi pingaartitagut ukuusut peqataaffigilissavatit: aaqqissuisoq suleqatigiinneq, ineriartorneq suliffeqarfillu nuannersoq.
Anguniakkatta ilagaat suliffeqarfiup toqqissisimanarnissaa, tamanit akuerinnittoq peqataatitsisorlu, nutaamik eqqarsarsinnaassuseqarneq aammalu suliffeqarfiup iluamik ingerlanissaanik tamatta kivitseqataaffigisinnaasarput.
akissarsiassat immikkut inissinneqartarput.
Isumannaallisaanermik akuersissut
Suleqatigiinnut ilanngutissaguit isumannaallisaanermik akuersissut pingaaruteqarpoq taamaammat pillagaasimannginnerup allagartaa ilanngullu nassiunneqassaaq, tamannalu Politiiniit imaluunniit www.sullissivik.gl aqqutigalugu pisinnaavat
Qinnuteqarfissaq kingulleq
Una suliffik ilinnut tulluarpat taava qilanaarpugut qinnuteqaatippit tigunissaanut, kingusinnerpaamik ataasinngorneq 17. februar 2025
Piffissap ingerlanerani oqaloqateqarnerit ingerlajumaarput, suliffimmullu tulluartumik nassaaraanni sulisussaq aaliangerneqarumaarpoq- imaassinnaasoq qinnuteqarfissaq kingulleq suli pinngitsoq. Taamaammat piumasut piaarnerpaamik qinnuteqaqquagut.
Paasisaqarnerorusukkuit:
Suliffimmut tunngatillugu apeqqutissaqaruit uunga attaveqarsinnaavutit: Mikkel Lund, attaveqarnermut aqutsisoq
tlf: 231700
mail: mbl@airports.gl