sullissivik.gl
Atorfimmut ussassaarummut oqaatsinut allanut nuunniarlutit tooruk

Tusass niuernikkut ineriartortitsinermik piginnaasaqarluartumik Senior Controllerimik

Tusass A/S

Nuuk
Ikkunneqarpoq: 06-02-2024
Piffissaq atuuffissaa naassaaq: 17-08-2024
Suliffissamut ID normut: LJA-85317263
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Allaffik & allaffissorneq
Attaveqarfissamut paasissutissat

Tusass A/S

 
Oqarasuaat

Digitalikkut Niuerneq Nassiussalerinerlu pillugit suleqatigiinnut anguniagaqarusussusilimmik suliatigullu piginnaasaqarluartumik suleqatissarsiorpugut. Niuernikkut siuarsaaneq ineriartortitsinerlu suleqataaffigissavatit, taamaattumillu pingaartumik Excelip iluani piginnaasatit pisariaqartippagut (Ass. pivot tabelit aamma l-opslagit), paasissutissanik suliarinninnissamut aamma aningaasaqarnikkut kisitsisinut pingaarnernut tunngatillugu.

Senior Controlleritut aqutsisoqatigiit suleqataaffigilissavatit Digitalikkut Niuernermut Nassiussalerinermullu Pisortaq toqqaannartumik attaveqarfigalugu.

Atorfik

Allakkerinerup, assartuinerup nassiussalerinerullu iluanni assingusumik ukiuni arlalinni misilittagaqarnissat aammalu ilinniakkatigut suliatigullu piginnaasaqarluareernissat takorloorparput. Tusass paasissutissanut tunngatillugu nassiussalerinermi systemit arlallit kiisalu AX 365 aamma PowerBI atorpai.

Senior controlleritut ulluinnarni ingerlatsineq akisussaaffigissavat aammalu siunnersortitut siunersiueqatigisartakkatullu atuuffeqassallutit. Suliassat siammasissuupput suliffeqarfiullu iluani avataanilu amerlasuunik attaveqarfeqassaatit.

Suliassat

  • Business controlling kiisalu niuernikkut ineriartortitsinermi ikiuisarneq
  • Suliffeqarfiup avataani suleqatigisanut naatsorsuusiornermik suliaqarneq
  • Pisariaqartitsineq najoqqutaralugu kisitsisitigut paasissutissanik, missingiutinik, nalunaarutinik killiffigisarlu pillugu nalunaarusianik suliaqarneq
  • Qaammammoortumik ukiumoortumillu nalunaarusiornermut paasissutissanik pilersuineq
  • Akiligassallit, allamut inissiinerit immikkoortitsisarnermullu tunngatillugu malitseqartitsineq
  • Missingersuusiornermi missingersuutitigullu malitseqartitsinermi paasissutissanik pilersuineq pisortaqatigiillu sinnerinik ikiuineq
  • Danskisut tuluttullu oqaluttariarsornikkut allattariarsornikkullu piginnaasaqarneq
  • Akigititanik nutaanik naatsorsuineq
  • Allaffissornermut aningaasaqarnermullu tunngasunik suliassat takkussortut

Inuttut piginnaasassat

Inuttut ilisimasanik nutaanik ilikkagaqapallattartuuvutit aningaasaqarnikkullu ajornartorsiutinut paasisimasaqarluartuullutit. Namminersorlutit suliniuteqartarputit suliassavillu naammassinissaannut aqutsisinnaallutit. Suliffeqarfimmi qaffasissutsit tamaasa suliffigisanni attaveqarfigilluassavatit, taamaattumillu allattariarsornikkut oqaluttariarsornikkullu ersarissumik inussiarnersumillu attaveqartarnissat pisariaqarpoq. Aaqqissuussaaneq tamat sunniuteqarfigisartagaat suliffigissallugu iluarivat pisortaqatigiinnilu suleqataanerit nukissamik aallerfigisinnaallugu.

Tusassip neqeroorutigai

Suliffik soqutiginartoq suliatigut inuttullu ineriartornissamut periarfissagissaartitsisoq. Aaqqissuussaanermi allakkeriveqarnikkut suliaqarnermit nalinginnaanerusumit nassiussalerinermut aaqqiissutinik piffissamut naleqquttunik suliaqalernissamut allanngoriartortumi suliassatit allanngorartuussapput, soqutiginartuullutik ajornartorsiutinillu pisariusunik imaqarsinnaallutik. Atorfik nutaajummat suliffiup imarisassaanut annertuumik sunniuteqarsinnaassaatit.

Soqutiginartippiuk?

Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299583117-imut, +4560833117-imut imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit


Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.


Atorfik pillugu allanik apeqqutissaqaruit Digitalikkut niuernermut nassiussalerinermullu pisortaq Helena R. Kristiansen +299 523868-imut sianerfigalugu (GMT -2) imaluunniit hrkr@Tusass.gl-imut allaffigalugu saaffiginninnissamut tikilluaqqusaavutit.


Tusarfiginissat qilanaarivarput.


TUSASS

Anguniakkap ’Tusassip nunarsuaq qaninnerulersippaa – immitsinnullu qaninnerulersilluta’ ataani suliffeqarfimmi sulisut 400-ngajaasut Kalaallit Nunaanni attaveqartarnermi atortulersuutinik nutaaliaasunik pilersitsisarput qulakkeerinnillutillu.

Tusass pillugu uani annertunerusumik paasisaqarsinnaavutit: www.Tusass.gl

 

 


Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia