sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ujaasivugut pilersitterusulluartumik angusaqaluarniartumillu ilinniartitaanermut pisortamik saniatigullu aqutsisinnaanermik piginnaaneqaluartoq immikkoortortaqarfitsinnut Nuummiittumi.

Namminersorlutik Oqartussat

Nuuk
Ikkunneqarpoq: 28-05-2020
Piffissaq atuuffissaa naassaaq: 25-06-2020
Suliffissamut ID normut: LJA-80344651
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

Aqutsisoq kajumissuseqarluinnartuuit, soqutigalugulu siulersussallugit ilinniartitsisoqatigii-nut tunniusimalluinnartut inerisaqqinnissaanut?Imarsiornermik Ilinniarfimmi tamakkerlugu pisortat suleqatigiillu akornanni suleqatigiissitsisussatut pikkorissutut piginnaaneqarpit? Taamaassimappat atorfimmik ilinnut piukkunnarluinnartuuteqarpugut
Ilinniartitaanermut pisortatut piginnaaneqarfigissavat, “suarsunnguit akornanni periarfissanik annertuunik takunninnissaq” Imarsiornermik ilinniarfiup pilersaarusiai tamakkiisut ulluinnarni ingerlatsinermut iluatsittumik pulatissinnaasariaqartassavatit. Iliuusissanut aaqqissuinissamut ima arajutsisaatsigissaatit pissutsit ataasiakkaat, tamakkiisumik isigisassat siumullu piumaartussat akornanni pisariunngitsumik nikerartarsinnaasassallutit.
Atorfimmut tunngasut
Ilinniartitaanermut pisortatut suleqativit namminersorlutik ingerlasut akornanni ulluinnarni aqutsisuuneq akisussaaffigissavat. Aqutsisutut akisussaaffiit tassaassaaq suleqatigiit akornanni ingerlalluartutut misigineq kajumissuserlu qulakkiissallugit, aamma suliniutinik ulluinnarnilu suliassat pillugit ataqatigiissaarisuuneq. Tamatuma saniatigut nunatsinni Danmarkimilu inuussutissarsiutigalugu ilinniarfeqarfiit allat qanimut suleqatigissavatit, peqatigiillusilu ilinniarfissat ilinniarfiusinnaasullu aallarnisakkat suliassallu nunatsinni Danmarkillu akornanni ingerlanneqartartut ataqatigiissaartassavasi. Toqqaannartumik pisortamut nalunaarusiortassaatit.
Ilinniartitaanermut attuumassuteqartut ilinniarfimmi tamakkerlugu isumagisassavatit annerusumik sumiisusersiortunngornianut tunngassutilinnut ulluinnarsiuteqassaatit. Tamatuma saniatigut suleqatiginnissinnaassuseqarluassaatit aammalu apeqqutit naammassisassat assigiinngitsut ilinniartitaanermut tunngassuteqartut iserfigisinnaasassavatit.
Suliassatit pingaarnerit makkuupput:

  • Ilinniartitsisoqartigiit aqutsisutut akisussaafigissavatit, tamatumalu iluani anguniagassanik pilersitsineq aammalu ilinniartitaanernut pilersaarutit malittareqqiisaarnissaai.
  • Tapersersussallugu Imarsiornermik Ilinniarfiup anguniagaai (ilinniartitaanermut ineriartortitsinerit) aammalu qitiusoqarfimmiit pilersaarutaai peqataafigissallugit siunissamullu qulakkeeqataafigissallugit. (assersuut maanakkuugallartoq anguniagaq ivertinneqartussaq tassavoq Lectio immikkoortortaqarfinnut tamanut eqqutissallugu).
  • Aqqissuusaaneq siunnersussallugu ilinniartitaanermut attuumassutilinnut aammalu inatsisitigut attuumassuteqartut STCW ataaniittut.
  • Akisussaassuseqarfiup iluani inuit pillugit paasissutissanut suliarinnittarneq pillugu inatsisip innarlerneqannginnissaa qulakkiissallugu.
  • Suliat suliffiup iluani ingerlasut ingerlaavartumik pitsanngorsaavigisarlugit, tassunga ilanngullugit aaqqissukkanik nakkutilliisarnernillu nutaanik pilersitsisarneq.  
  • Aqutsisoqatigiit ulluinnarni sulineranni peqataasarneq aamma aqutsisoqatigiit ingerlaavartumik ataatsimiittarnerini peqataasarneq.
  • Akisussaaffigisami missingersuusiornermut akisussaassuuneq.
  • Akisussaaffigisamut inatsisit atuuttut malinneqarnissaannut akisussaaffeqarneq.
  • Piginnaasaqarluartumik eqqortumillu imarsiortut siunnersorneqartarnissaannik qulakkeerinninneq.
Taakku saniatigut suliarineqartartussaanissaat naatsuutigineqartussat:
  • Suliffeqarfik tamakkerlugu suleqataasut ineriartornissaat pillugu ingerlatsinerit aqqutissiuveqataasalluni tapersersugaralugillu.
  • Atorfinitsitsisoqartillugu soraartoqartillugulu ikiuuttarneq.
  • Suliakkut takutitsinermi nalilersuisoqaraangat taakku katersornissaat ataqatigiissaarisuuffigisarlugu.
  • Pisortap suliaanik taperseeqataasarnissaq.
Pigiinnaaneqarfigissavatit:
  • Skibsfører-tut ilinniagaqassimassaatit arlaanni suliassanut tulluuttumik ilinniarsimasuuvutit, allamilluunniit ilinniarsimallutit misilittagaqarlutilluunniit. 
  • Aqutsisutut sulinermi annertuumik misilittagaqarluarputit tunuliaqutaqarluarlutillu.
  • Nunatsinni pissutsinik ilisimasaqarneq.
  • Kalaallit Nunaanni inatsisinik attuumassuteqartunik ilisimasaqarneq.
  • Kulturimik inuttullu paasinnittarneq; inuiaqatigiinni marluinnik oqaaseqartuni tamanna immikkut ittumik pigissallugu pingaaruteqarpoq.
  • Kalaallisut, tuluttut danskisullu oqaaseqarneq.
  • Attaveqaqatigiillaqqissuuneq, suliffeqarfiup avataanut aamma suliffeqarfiup iluani.
  • Immikkoortortaqarfinni tamani sulisunik suleqatigissinnaaneq.
  • Nuannaartuuneq aamma qiimasuuneq.
Ilinnut tunngasut:
  • Misigittartuuvutit tatiginartuullutillu.
  • Ersarissumik attaveqarsinnaasartoq.
  • Pissutsit allanngoraangata unammillernartoqartillugulu sunnertianngitsoq.
  • Suliassat tungaatigut soqutiginnittoq iluarseerusuttorlu.
  • Akisussaassuseqarputit aamma siulersortaavutit pissusissamisoortoq.
Neqeroorutigisinnaasavut
Suliffeqarfik pitsaasoq pissanganartorlu, suliffimmi avatangiisit akuuffigiuminartut – suleqatit tunniusimasut suliassallu pissanganartut. Suliffeqarfik nukittooq aqutsinermik, ineriartortitsinermik sulisuminillu pikkorissaanissamik ukkitaqartuusoq.
Atorfik Nuummi inissisimavoq.
Paasissutissat allat
Atorfik pillugu annertunerusuik paasisaqarusukkuit taava Pisortaq Bent R. Olesen attaveqarfigisinnaavat oqarasuaat una aqqutigalugu +299 34 87 87.
E-mail aqqutigalugu qinnuteqaatinik tigusineq ajorpugut, nittartagaq Namminiilivinnerup Oqartussat aqqutigalugu qinnuteqaasiussaatit.
Atorfiniffissaq: 15 juli 2020 imaluunniit isumaqatigiissuteqarnikkut.
Qinnuteqaatit: ingerlaavartumik nalilersorneqassapput.
 
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia