sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Underviser i biologi, kemi og fysik

Namminersorlutik Oqartussat

Narsaq
Ikkunneqarpoq: 02-07-2020
Piffissaq atuuffissaa naassaaq: 31-07-2020
Suliffissamut ID normut: LJA-80582636
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

Takanna - Værsgo’
Inuussutissalerinermik Ilinniarfimmi – Inuilimi biologimi, kemimi fysikimilu ilinniartitsisutut atorfik tamassa.

Uummateqarfigisaq
Suliassaqarfigisat ingerlatitseqqiilluarnerlu pingaartippigit?
Ilinniartuutitta ilinniartinneqarnissaannut inuunermilu ilinniarfiusumut tiguartinnissaannut ikiuukkusuppit?
Taamaassimappat inuttassarsiuussineq manna atuaqqissaaruk, taamaassimappammi illit atorfinitsikkusuppatsigit.

Qitiusumik suliassat
Inuilimi qitiusumik suliassaq tassaavoq ilinniartitaaneq. Kisianni ilinniartitaanerinnaanngitsoq, ilinniimmi atuartitsinikkut ilinniartuutitsinnut suliassaqarfimmi inuttullu perorsarnissaannut aqqutissiorlugillu tiguartisissagitit kissaatigaarput.
Soorunami suliassaq kisimiillutit kivissanngilaq. Inuilimi ataatsimoorluta kivitsivugut, ilinniarfimmilu ilinniartitsisoqatigiit nukittuut isumassarsinartut qilanaarisinnaavatit. Tamassuma saniatigut Inuilimi ingerlatsinermut immikkoortortami sulisut pikkorissut allaffimmiullu pitsassuit qanittumik attaveqarfigissavatit.
Nunalerinermut ilinniarfimmik aamma ingerlatsivugut. Taanna  Upernaviarsummiippoq. Kalaallit Nunaanni savaatillit tassani ilinniartinneqarput. Nunalerinermut ilinniarfik Inuilimit ungasiartumiippoq, suliffeqarfitsinnili qitiulluinnartumik inissisimalluni. Kalaallit Nunaannilu inuussutissanik pingaartitsinitsinni piujuaannartitsisumillu nunamiit nerrivimmut ineriartortitsinitsinnut pissusissamisoortumik inissisimalluni.

Suliassat imarisai – pisinnaasavillu suunerinik naatsorsuutigisavut: 

  • Suliassaqarfimmi pilersaarutit malillugit akuunerulersitsillunilu qanilaartumik atuartitsinissamut piareersaallunilu ingerlatsineq
  • Inimi atuarfiusumi pitsaasumik ilisimasaqarfiusumik immersuinissaq – praktikkerfissamullu ataqatigiissinneqartumik
  • Attassinissamut suliaqarneq
  • Nuannaarneq, pinngorartitsineq isummersuinerlu
  • Akisussaaffeqartumik namminersorluni sulineq
  • Ataqqeqatigiilluni piumassuseqarlunilu suleqatigiinneq
  • Killissat pinnagit periarfissanik takunnissinnaaneq
  • Inuilip ineriartortinneqarnerata ingerlaannarnissaa

Inuili
Inuussutissalerinermik Ilinniarfik - Inuili Kalaallit Nunaanni inuussutissarsiornermik ilinniarfiutigaat inuussutissalerinermik ilinniaqartitsisoq. Kalaallit Nunaannut iluaqutaasumik nuannaarutaasumillu suliassaqarfitsinni ilinniartitsinissamut siunertaraarput.
Inuili Narsamiippoq, Kujataani pikkunarlunilu pinnersumi, pinngortitap kusanarluinnartup qeqqani. Pinngortitaq pingaartipparput najukkamilu inuiaqatigiist ataatsimoornerat Kalaallit Nunaannilu nunarsuullumi sinnerani suliatsinnut tunngasuni attaveqaatigut nukittuut iluaqutigalutigit.
Inuilimi iluatsittumik ingerlanitsinnut tatigeqatigiinneq, ataqqeqatigiinneq naligiinnerlu qitiulluinnarput. Suliffeqarfimmut naligiilluta qujummik qiimasumillu naapitsissaatit suleqatigiinnermik tunngavilimmi.

Ilinnoorpa?
Ilinnoorpat – suliannut uummateqartoq, pinngortitami ilisimatuussutsikkut ilinniagaqartoq biologimi, kemimi fysikimilu ilinniartitsisoorusuttoq.
Taamaappat Inuilimi biologimi, kemimi fysikimilu ilinniartitsisutut qinnuteqaativit CV-villu tigunissai qilanaarivarpt.

Imannak qinnuteqassaatit
Sisamanngornermi 31. juli 2020 kingusinnerusukkulluunniit sukkanerpaamik atorfininnissat eqqarsaatigaarput.

Oqaloqatiginninnerit ingerlaavartumik ukiap ingerlanerani pissapput. Taamaammat CV-vit atorfimmullu qinnuteqaativit nassiunnissai tunuarsimaarfigissanngilat.

Qinnuteqaat, CV, ilinniarsimanermut pikkorissarsimanermullu uppernarsaatit, kiisalu siusinnerusukkut atorfigisimasannut takussutissat nassiutikkit ”Qinnuteqaat nassiuguk” toorlugu.

Atorfimmut apeqqutissaqaruit ilinniartitaanermut pisortaq Jacob Zederkof attavigisinnaavat uunga jaze@inuili.com.

Qujanaq 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia