Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Asiaq

GIS-imik aaqqissuisoq / GIS-administrator

Asiaq

Nuuk
19-01-2020
Piffissaq atuuffissaa naassaaq: 20-01-2020
Suliffissamut ID normut: 330142950
Suliassaqarfik: Ingeniøri & pinngortitalerineq, IT & tusagassiuutit
Ilinniagaq: , Civilingeniør/cand.polyt., Landinspektør, cand.geom.
Misilittakkat - Annertunerusumik: GIS (Geo. Info. Sys), Web-udvikling, ArcGIS
Oqaatsit:
Danskisut Atuarneq/ oqalunneq/ allanneq
Tuluttut Atuarneq/ oqalunneq/ allanneq
Kallaallisut Atuarneq/ oqalunneq/ allanneq

Kalaallit Nunaanni GIS-imik aaqqissuisoq

Asiaq - Greenland Survey Kalaallit Nunaanni geospatiellikkut attaveqaammik ingerlatsinissamut ineriartortitsinissamullu suleqataasinnaasumik ujartuivoq.

 

Neqeroorutigisinnaavarput, Nuna tamakkerlugu periusissaq malillugu atorfik Kalaallit Nunaanni geopasteillekkut attaveqaateqarnerup iluani pingaarutilimmik inissisimasoq. Suliassaqarfiit assigiinnigtsorpassuit akornanni suliffik inissisimavoq, Kalaallillu Nunaata kulturikkut pinngortitakkullu immikkuullarissusaa tunuliaqutaralugu.

 

Suleqatigissavatit Nunap assinganik Geodatanillu suliaqartartut. Aasaanerani Kalaallit Nunaat tamaat suliffigissavat, pingaarnertur illoqarfinnit nunaqarfinniillu paasissutissanik katersuisoqartassaaq. Ukiup sinnerata ingerlanerani Nuummi allaffitsinninngaanniit Kalaallit Nunaata assinga geodatallu pillugit paasissutissat pitsaassusaat qulakkeerneqartassapput, suliareqqinneqartassapput, pitsanngorsarneqartassapput siammarterneqartassallutillu.

 

Suliassatit ilaatigut tassaasassapput:

  • Namminersorlutik Oqartussat kommunillu suleqatigalugit NunaGIS-imit ESRI-mut atassusiinerit.
  • Ulluinnarni NunaGIS-ip ingerlanneqarnissaanik aserfallatsaaliornissaanillu suliaqarneq kiisalu qarasaasialerinikkut atortorissaarutitigullu iluarsartuussinerit.
  • NunaGIS-imik atisut aqunneqarnissaat sullinneqarnissaallu.
  • NunaGIS-ip ingerlanneqarnerani allaffissorneq uppernarsaasersuinerlu.
  • Namminersorlutik Oqartussat kommunillu peqatigalugit NunaGIS-imik ineriartortitseqqinneq.
  • GIS-imut qarasaasiaqarnikkullu inerisaasunut avataanit sullissisunut attaveqarneq.
  • ArcGIS-ip allaffissornikkut ingerlanneqarnissaa, atuisunik aqutsinisssaq kiisalu GIS Greenlandimik atuisut iluanni sullissinerit.
  • Kalaallit Nunaanni tunngaviusumik paasissutissanut tunngatillugu Asiami ataqatiissaarisuuneq attaveqaataanerlu.
  • Asiap GIS-itigut attaveqaataanni aserfallatsaaliinissamut inerisaanissamullu tunngatillugu ilisimasalittut isummersuisuusinnaaneq.
  • Suliffeqarfiup iluani avataanilu ESRI-mik atuisut ilitsersorneqarnissaat ikiorneqarnissaallu.
  • Kalaallit Nunaanneersut nunaniillu tamalaaneersut GIS-ip geodatallu iluanni atuisut ilitsersuunnissaat siunnersornissaallu.
  • Missingersuusiornissaq kiisalu missingersuutit malinneqarnersut misissorneqarnissaat.
  • Paasissutissanik katersisoqarnissaanut misissuiartoqataanerit.

Naatsorsuutigaarput

GIS-ip iluani aammalu/imaluunniit paasissutissiisarnerup iluani ilinniarsimassasutit aammalu tulliuttuni misilittagaqassasutit:

  • ESRI-p atortuutai kiisalu GIS-imi atorneqarsinnaasut.
  • Nittartakkatigut GIS suliarineqarsinnaanera kiisalu databasit MS SQL Serveritut ittut immaqalu PostgreSQL
  • Pythonimi, Javami aammalu C#-mi programmeriilaarsinnaaneq serverillu aaqqissuunnerinik ilisimasaqarneq.
  • Qarasaasiatigut atortorisatigullu aaqqiisinnaaneq

Misissuisarnissat eqqarsaatigalugu timikkut qasujaanneq naatsorsuutigineqarpoq.

 

Asiaq Namminersorlutik Oqartussat ataanni suliffeqarfiuvoq namminersortitaq, Nuummi inissisimavoq, Kalaallit Nunaannilu nunalerinerup iluani paasissutissanik katersiivittut pingaaruteqartutut inissisimalluni. Paasissutissat pissarsiarisagut atorlugit assigiinngitsorpassuarnik suliaqartoqartarpoq soorlu pilersaarusiortoqartarpoq, sumiiffiit aqunneqartarput, aatsitassarsiornissamut misissuisoqartarpoq, pinngortitami mianerinnittoqartarpoq kiisalu sanaartornissamut attaveqaatinillu suliaqartoqarnissaanut pilersaarusiortoqartarluni.

 

Atugassarititaasut

Namminersorlutik Oqartussat kattuffiullu attuumassuteqarfigisap akornanni isumaqatigiissutaasimasut naapertorlugit inissinneqassapput nunarsuarmilu inissisimaffiit eqqarsaatigalugit unammillerluarsinnaasumik inissisimallutik. Atorfinittussamut inissaqartitsisoqassaaq kiisalu inatsisit malittarisassallu atuuttut naapertorlugit nuunnermut angalanermullu aningaasartuutit matussuserneqassallutik. Qinnuteqartoq Namminersorlutik Oqartussat ataanni atorfimminut atatillugu inissaqartinneqareersimaguni, inigisani qimattariaqanngilaa. Atorfilinnut inigitinneqartoq atorfeqarnermut attuumassuteqarmat, suliunnaarnerup kingunerisaanik inigisaq qimanneqartariaqassaaq. Ulloq atorfiniffissaq apriilip aallaqqaataa 2020.

 

Paasissutissat sukumiinerusut

Asiaq, suliarineqartartut kiffartuussissutit www.asiaq.gl -imi atuarneqarsinnaapput kiisalu immikkut aamma NunaGIS-imut atortoq nutaaq nunagishub-asiaq.opendata.arcgis.com. -ikkut atuarneqarsinnaalluni. Atorfik pillugu paasisaqarnerorusukkuit suliaqartartut akorannni aqutsisoq Jens Gottlieb imaluunniit pisortaaneq Bo Naamansen oqarasuaammut  +299 34 88 00-mut saaffigineqarsinnaavoq.

 

Qinnuteqarnissamut ulloq killigititaq

Qinnuteqaat Asiamut kingusinnerpaamik januaarip 20-at 2020 tunniunneqarsimassaaq.

Qinnuteqaat ”GIS-administrator”-imik nalunaqutserneqassaaq, nassiussinermilu CV ilinniarnermullu uppernarsaatit naapertuuttut nassiunneqassallutik. Qinnuteqaat emailimut: asiaq@asiaq.gl -imut nassiunneqassaaq.